Jone 1:43 - Verikariano Vou Na Baki43 Ana ea legiano dolu tai bereio, Yesu jidom rudu kanano m̃arabo bereio, naio jidom rivarkor vio, rivan bere ea kanano tanobuku na vio Kalele. Nubano jibe nei, ana Yesu mial toro tai bereio, berkanio berinavo “Jau komei katakisor kiniou.” Toro nene siano Vilip, အခန်းကိုကြည့်ပါ။ |
Mia Yesu naio juvan vio na, naio miel kija ga ba lie bano. Naio jo miel bano, ana naio mial kiniou nojom̃a nojotano ea kanaku vio na im̃auano. Mia kanaku im̃auano ea bogo na, nojom̃a nabarbijii puruveru na takis. Naruei Yesu bio kiniou, naio berinavo “Mataiu, jau komei katakisor kiniou.” Mia kiniou nojumolu sop̃eli, najakisor Yesu.
Ana legiano dolu nene, Yesu naio miel ba miyotuba ka Jone Baruei bija kumemi naiagagoano nalo kiano ea vio nam̃a numituaio. Ana bogo na Jone mial Yesu, naio berial ka kumemi, naio berinavo “!Mm, kamiu kuvial toro yako naio jom̃a miel binimei kiana! Naio, jibe nunu solbouo na Atua kanano, napano mia naio rivar bulag vironiano na kariano nalo na tomu nalo na yetemeriba nei kialo.
Vite nei nam̃a Yesu naio mila ea bulukomeli na Kenan ea vio Kalele, naio jibe ka burum̃ara vremesiano tai, be kiano vremesiano na be moti napano milaio. Naio mila jibe ka na naio jo jikar jo jiloglog kanano moroano na vio mave, mia bogo na naiagagoano nalo amialio, kanalo moneano na ea naio, ka naio be Naverikariano na be riano, binimei bavin lie vo.
Kiniou nojom̃a neberii kiniou bereio jibe na, mia maka nosidom ka kuverinavo be tinieku ka nojo neber ka kiniou nebinimei nobo nonovio, p̃eli na nobokar buruka ruei. Kiniou bunu kiniou maka vo, mia bior nemijikia ka Kristo Yesu naio buru kiniou ruei nebe kanano, mia nojo nojidom nalaii dam̃ariga bogo nonovio ka mia novokar vio tai napano mia naio mijikia saaro kanio.