Jone 1:31 - Verikariano Vou Na Baki

³¹ Kiniou neber iliano nei beamu, maka nejikia ka mia ve kei, maka nejikia ka naio be kanaku tumano ga na, mia kiniou nemijikia ga ka monoka navaruei ea kito kulo Israel, ka rila ka mia romijikia rovitilubar kiado toro na toru nei.”

Jone 1:31 ပူးပေါင်းရင်းမြစ်များ

Luka 1:17

Mia aial ka napano niununo a moroano nanua joa Naverialiano Elaija mia to rivare ka ga naio bereio, bior mia naio tukamu rimei, ka riverial ka mia Naverikariano naio rimei iorou ka naio vesiou re. Mia naio rivilig teta nalo kialo iviso nalo ka mia asidomial vatitig bereio kenerilo nalo, a mia rivilig tomu nalo nam̃a amila kokorov tuboiano ka mia atakii bereio bajago napano be masou a memedu. Ea m̃arabo nalo na naruei, mia naio rila vatitig rivu taara na tomu nalo tai ka mia ave Atua kiano, ka atu rorea naio ka mia riyotuba kalo.”

Jone 1:7

Naio binimei jibe nailiano tai, ka riverial riverinavo toro na yulu nene naio jo binimei, ka rijai tomu nalo nonovio ka ajikia amonea ka toro na naio be Atua kanano yulu.

Mataiu 3:6

Ana aber bulag kialo kariano nalo banio, naruei naio baruei ealo ea m̃arauei na vio Yortano.

Im̃auano 19:4

Ana na Pol naio berloglog vatitiglo, berinavo “Nao, nina bo ga na, ana varueiano napano Jone naio jom̃a milaio nua ban tomu nalo, naio jibe ka kijokijo ga tai ka ber ka tomu nalo nei abiliglo ruei, mia nina maka riverenio ka tomu nalo nei amonea Yesu ruei na. Mia Jone naio mijikia vite nei bunu, bior ka napano naio binimei jukamu, mia jom̃a ber ka tomu nalo berenio monoka amonea nana mia naio rimei iorou kanio, jibe ka Yesu.”

Mataiu 3:13

Mia Yesu naio juvan vio Kalele, binimei ea m̃arauei Yortano, ka Jone naio rivaruei eaio.

Jone 1:30

Naio nam̃a kiniou nojom̃a neberiio ban kamiu nua ruei, neberinavo: Iorou ka kiniou, mia toro na toru tai rimei napano mia tukamu ka kiniou, naio loa laka lie vo bior naio jo jukamu ka kiniou.

Jone 1:32

Ana Jone naio ber bisivisii vatitigio ban kumemi jum̃abe ka na naio mijikia ka Yesu naio be Naverikariano. Naio berinavo “Jibe ka nam̃a neber beamu ruei, maka nejikia naio be kei, mia maka vesiou ga, ana Atua mil ban kiniou, naio ber jibe nei, berinavo ver bogo na jau keial kanaku Niununo Lu naio rivatove totano ea toro tai, naina naruei mia naio rivaruei ea tomu nalo ea kanaku Niununo. “Naio ber jibe na ka kiniou, ana bogo na namial Yesu nene, namial napano Niununo juvan vio mave, batove ea naio javukia vaama tai, binimei bujo joa naio.