Jone 1:18 - Verikariano Vou Na Baki

¹⁸ Kito kulorinio, maka kito tai napano naio mijikia Atua, a rialio ka mirano, mia toro napano naio jo dam̃ariga ea Atua kanano jidomiano, naljuo aju vio takurano bogo nonovio, naio naruei binimei mila kito remijikia Atua bija kanano bajago novo nalo.

Jone 1:18 ပူးပေါင်းရင်းမြစ်များ

Kolosia 1:15

Nina be kenerinio na, naio be Kristo nene, napano naio be tovorovo tai napano romijikia reialio, ka Atua napano maka rojikia roialio, napano naio be motoru ka vite nonovio nalo na Atua jiilo.

Jone 6:46

Ana nalo na jibe na, mia ve re tai kalo napano aial Teta Atua, bior be toro takurano ga mial naio, nina be kiniou napano nejaluvo denio nebinimei.

Mataiu 11:27

Karina Yesu ber bunu, berinavo “Karam̃aku juvan vite nonovio jua jum̃aku ruei. Mia Karam̃aku, naio ga takurano mijikia batitig kiniou, mia kiniou nei napano nebe kenerinio, kiniou ga takurano napano nemijikia batitig naio. Kiniou kumemliko nalo napano nebijauialo ka nesiloglog Karam̃aku kalo ka avarkar tinielo ea naio, kumemi nene naruei numijikia batitig naio napano be karamememi.”

Luka 10:22

A Yesu ber bunu berinavo “Karam̃aku mijamo ka vite nonovio jua jum̃aku ruei. Teta naio ga takurano napano mijikia batitig kiniou ka nobe kei, a kiniou napano nobe kenerinio, kiniou ga takurano napano nomijikia batitig naio, ka naio be kei. Kiniou bija nalo napano nebijauia bulaglo abe kanaku, ka mia nesiloglog Teta kalo ka mia avarkar tinielo eaio, kumemi naruei numijikia batitig naio ka naio be karimememi.”

1 Jone 4:12

Toro maka lele rial Atua, mia ver rotum̃a tiniedo titii m̃elea kito, mia reial ka na Atua naio joa kiado iviso, a bajago na kanano tinietiiano mia naio to rimei ve toru lie vo tulaka ea kanado iviso momou nalo.

1 Timoti 6:16

Naio takurano ga meul jo jobo jo nam̃ariga, napano naio jo joomo ea kiano burum̃ara mermerano napano joko naio ka toro rijikia re riva vaataro kanio, napano maka lele toro rial naio vo, a maka lele toro rijikia rial naio bogo tai. Kiado Atua nene, kito ravatove ka naio, a bo ka navenatuboiano ka vite nonovio na be kanano naio takurano ga, rivan rivano-o rijikia re ribisi bogo tai.

1 Jone 4:9

?Ana kito romial Atua kanano burum̃ara tinietiiano nene ea bogo na vabe? Kito romial kiano tinietiiano nene ka bogo na naio miila kenerinio takurano m̃anono garuei naio binimei ea yetemeriba nei, ka mia rila ka mia kito romeul.

1 Jone 5:20

Kito romijikia ka Atua kenerinio naio binimei, naio jian vitilubariano ban kito ka mia rejikia Atua napano naio be riano, ana kito rojua ga naio naruei, vija kenerinio nene nei, Yesu Kristo. Kanado Atua nei naio be riano, mia meuliano na naio jian ban kito naio maka ve jukuti nene.

1 Jone 4:20

Toro na m̃a jo ber naio tinien jii Atua, mia naio jo kia ga m̃a jerm̃ii ka kanano m̃aratavo tai, naio jom̃a milasibi ga. A ver naio maka tom̃a tinien tii kiano m̃aratavo neibano naio mial ka legiano nonovio ga, naio maka rijikia tinien tii Atua na naio maka lele rial kija naio.

Jone 17:26

Kiniou nemila napano vonganei, telabo napano amijikia kanamo bajago novo ruei, a mia kiniou nala riva lie vo, ka mia burum̃ara tinietiiano na tiniemo jii kiniou kanio naio mijikia toalo, a ka mia kiniou bunu noto vijalo bogo nonovio.” Naruei volkouano na Yesu kanano ban karam̃ano biniu ea vio na.

Jone 17:6

Mia Yesu jo bolkouo lie bano, berinavo “Teta, ea tivelinio na nalo na yetemeriba nei napano kobijauia bulaglo abe kiamo, jau kojianlo ban kiniou, jau komijelo amonea jum̃aku, naruei nemijikia never ka jau ka neberialso kalo ruei. Vonganei naruei nalo ajum̃a abokar jikili kiamo Iliano Lu.

Jone 14:9

Ana Yesu berdop̃e, berinavo “?Vilip, kiniou nojo bija kamiu-o bokar yuka vio ruei, mia jau maka kovitilubar kiniou vo? Jibe ka nam̃a nojom̃a neberenio na, ka toro napano mial kiniou, naio jo mial Teta ruei. ?Mia jum̃abe ana jau kojom̃a kobika bereio ka kiniou nevisip̃e Teta na mave van kamiu?

Jone 1:14

Tibe na, Parinio Bajago na Atua kiano naio binimei be toro riano, naio binimei jo iviso ka kito, naruei kito romial kanano meuliano na bo nene, naio bujo laka ea bajago na tiniememiano a bajago na ilirianiano. Naio be novo na bo laka be motoru na Karam̃ado kenerinio, naruei kumemi numial kanano burum̃ara mermerano nene, napano be kanano, naio ga takurano.

Jone 12:41

Mia Aisea kiano iliano nei binimei ea naio, iorou ka napano naio mial miamoiano na Naverikariano joomo ea Atua Kunuano Lu, mia vonganei kito romial ka naio berii Yesu memedu, bija nalo na ea kiano bogo.

1 Timoti 1:17

Nojidomial kanano bajago novo nei mila nemiaia naio, neberinavo naio be parinio Tubo ka bogo nalo re nua, a naio meul jobo jo. Naio joa vio nonovio mia toro maka rijikia rialio, naio takurano ga be Atua a maka dolu tai bereio. Tibe na, bo ka ravatove ka naio, rodular siano rivano-o rijikia re ribisi bogo tai, mm.

Jone 13:23

Ana ea bogo na, kiniou Jone, jibe ka naiagagoano tai napano Yesu tinien jii kiniou m̃elea, nojom̃a nojotano vaataro lie ka naio,

Jone 3:11

Kaiagago rivu! Javukia nam̃a naverialiano nalo amilaiio beamu ruei, kiniou nojom̃a neberial ga venia na m̃a kiniou nemijikiaio, p̃eli na venia na m̃a kiniou namialio, mia tibe na dam̃ariga, kamiu tomu nalo na vio Israel kamiu maka kuvisidom kuvisov kenememi iliano nalo.

2 Korin 4:4

Ea tivelinio na nalo napano maka amonea vo, tubo va na yetemeriba nei naio jetavoko kialo jidomiano ruei, naio milalo jibe abe merebono, bior napano naio maka sidom ka avitii burum̃ara miamoiano na Kristo kiano Ioluano Vou. Kristo nene kiano mermerano merera laka, bior napano naio bar mirano Atua ga memedu.