Im̃auano 9:39 - Verikariano Vou Na Baki

³⁹ Jibe na naruei ana Pitere bar vio jumolu, ban bija naljuo ana nalo abano. Bogo na naio binimei boru, ana aburu naio bavin ea vodobi na jo mave napano amidu batitigio tira nei jo mon eaio. Mia taanou nalo abinimei aju jeliviv ea ajum̃a ajigio ruei, a bogo na Pitere binimei, ajian kulusoto nalo a kulutiresi nalo napano tira neibano naio jom̃a jululo bogo napano meul jo kia ga bijalo.

Im̃auano 9:39 ပူးပေါင်းရင်းမြစ်များ

1Tesa 1:3

Kumemi numitu tiniememi maio ka kamiu ea kenememi volkouano jibe nei, maka nuvijikia tiniememi ribobogia kenemiu moneano, napano kumim̃au jikili jakiio, a napano kenemiu tinietiiano, jo miyoyotuba ea kenemiu bajago novo nalo, a napano kenemiu jidomiano tebievi, naio mila kamiu kumitu jikili batitig ea kiado Tubo Yesu Kristo.

Eveso 4:28

Toro napano beamu naio be toro na vinauano, naio monoka tuvan vinauano. Naio monoka rim̃au m̃ele ka jum̃ano ea bajago na memedu, ana mia naio mijikia rivitikar naio, a rijai talim̃asa nalo bunu.

1 Jone 3:18

Kanaku tete nalo, kiado tinie-tiiano naio monoka ve re iliano ga. Tinietiiano na be riano, naio maka ve tena ververenio ga, mia be tena roim̃aukanio a ve tena ralaiio.

1Tesa 4:13

Mia banalo, nemial bo ka kuvijikia kija saba nalo tealo ea tivelinio na nalo na kito na amonmelio ruei, jibe abano kovio ea yetemeriba. Tomu nalo telabo na maka ave namoneano, amerou laka ka m̃ariano, aber p̃eli tomu nalo abano kovio mia rivova laka ka nalo, ana mila ka bogo na nalo tai bakovio, nalo ajegi toru kanio.

2 Korin 8:12

Atua maka river ka monoka reje jidomiano todovul venia napano joa jum̃ado ka rosian, mia jidom ga ka rosaaro ka roija toro dolu, a reje jidomiano rimemedu ea venia napano rabare ka rosianio.

Im̃auano 20:35

Naruei ea m̃arabo na, a ea bajago dolu nalo bunu, kiniou nejiloglog ka kamiu, neber bo ka kito roim̃au kouo ka rajai tomu nalo napano amelukluku a abijukude, bior kito monoka rosidomial Tubo Yesu kiano iliano tai, napano berinavo ‘Verenio jau kovokar kiamo ijaiano tai, mia kojog rivu, mia verenio jau kesian ijaiano tai rivano, mia kojog rivu ve toru lie, ilivuiano naio toaso.’ ”

Im̃auano 9:41

Ana Pitere mijiou bokar jum̃ano, ana burular naio jumolu, bio ba tavio ban namoneano nalo bija taanou nalo. Ana nalo abinimei joomo, ana naio ber kalo, berinavo “Nainei naruei, kenemiu tira nene, Atua mila naio meul bereio.”

Im̃auano 6:1

Ana ea bogo na, Yesu kanano naiagagoano nalo aju abinimei telabo lie vo, mia baravo tai jumolu iviso kalo. Mia nalo tivelinio be kulo Ju nalo napano nalo amil jelea Kris, a tivelinio dolu naio be kulo Ju nalo napano amil jelea ga kanalo iliano napano Ipru. Ana nalo napano amil jelea Kris, nalo ajum̃a amila vukuleleano, nalo aberenio legiano nonovio, bogo napano nalo abio ka bulag kanalo ijaiano telisu ban taanou nalo, mia nalo maka ala rimemedu van kanalo taanou nalo.

Jone 17:12

Tilikiti napano nojo bijalo, nebitikar batitiglo, nobokar batitiglo yetano ka siamo. Nobitikuku batitig kalo banbano-o nalo abiniu aju batitig bo ea kiniou, mia nalo ve takurano ga kalo monoka taluvo den kiniou, tibe ka ga napano Vivitauiano Lu berialio, nina be toro napano be kenerinio navakovioano.

Jone 12:8

Mia ve talim̃asa nalo atu vija kamiu bogo nonovio, ka mia kamiu kumijikia kuvijailo tibe na, mia ka kiniou maka nejikia noto vija kamiu bogo nonovio, mia venia napano naio milaio ban kiniou vonganei naio bo bo laka mia.”

Luka 24:44

Karina na, Yesu mil banlo, berinavo “Bogo na nanua m̃a nojo kitoliko nua, kiniou nojom̃a neberii iliano miroano ea yati na nonovio na Navivitauiano Lu nalo ban kamiu ruei. Kiniou nobar iliano nalo na ea niosi na Mosis kiano, ea naverialiano nalo kialo niosi nalo, a ea niosi na Iouano lu nalo, naruei kiniou neberial ka iliano nalo na naruei, aberii kiniou ga, mia amei ave riano rivesiou re ga na. Tenene na kiniou neber jibe na ka kamiu, mia vonganei naruei kumial vite nonovio nalo na abinimei be riano ruei ea miremiu nalo.”

Yesu Kristo Kiano Ioluano Vou Napano MAK Bivitauiaio 14:8

Tena, tira nei mim̃aukanio, napano naio miyon m̃aatei na ea kiniou, naio mila nonovio saba nalo na bo bo laka ga, napano naio mijikia rim̃aukanio, ka rijikia rila vatitig mokotenaku ka mia navan ea m̃ariano.

Mataiu 26:11

Talim̃asa nalo na, mia nalo atu dam̃ariga iviso ka kamiu, ka mia kamiu kumijikia kuvijailo, mia kiniou, kiniou noto re kitoliko tulaka.

Mataiu 17:17

Ana Yesu naio mil ban kiano naiagagoano nalo, berinavo “?Kamiu na, jum̃abe jibe na? Kamiu maka kuvitu sikili ea Atua leleio, bogo nonovio ga m̃a kumiavovu. ?Mia kiniou monoka noto vija kamiu rivano-o mia rivokar nagi? Mia kiniou tinieku maro ruei ka kamiu. Mo, bo ga, kamiu kuvuru m̃eaku nene rimei van kiniou.”

Im̃auano 1:13

Nalo abinimei aboru Yerusalemo, ana aban bereio ea vajoomo na mave ea yimo na ajujuaio mugaruei. Mia sialo nalo nene ajibe nei: Pitere, Jone, Yemesi, a Andru; bija Vilip, Tomas, Bartolomio, a Mataiu; a bija Yemesi, napano Alveas kenerinio, bija Saimon napano naio be nalo tai napano jukamu m̃a amila baravo ka kulo Romo nalo, naliko Jutas, napano Yemesi kenerinio.

1 Timoti 5:3

Ea tivelinio na taanou nalo, kito na tum̃aro monoka rovioa vatitigio vanlo, monoka rovitikar rivu nalo napano aju abe terakurano ga, maka ve koalo tai ka rijailo.

1 Timoti 5:5

Taanou napano maka toro dolu tai rivitikar naio, napano nalo am̃arm̃aro nonio den naio banbano naio takurano ga jo, monoka naio jo bar tiniene ea Atua naio ga takurano. Naio mijikia to tiniene rimaio ka Atua legiano a bogiano ka rivolkouo rivanio naio ka rivitii naio rivior vite venia napano naio jidom.