Im̃auano 9:17 - Verikariano Vou Na Baki

¹⁷ Ana Ananaias midu iliano nei, ana ban ea yimo napano Tubo berkanio, ana ba joomo naruei naio mial Sol, ana midu jum̃ano jo mave ea parinio. Ana mil banio berinavo “Kuruaku Sol, Tubo naio miila kiniou nebinimei ka neialso, nina be Tubo Yesu napano miyotuba kaso ea bogo napano jau kojom̃a komiel ea m̃arabo kobinimei. Naio miila kiniou nebinimei ka mia nobolkouo ka miramo, ka mia rivu bereio, a ka mia Niununo Lu rimei rivujo lou easo.”

Im̃auano 9:17 ပူးပေါင်းရင်းမြစ်များ

Im̃auano 8:17

Jibe na, ana Pitere naio Jone, naljuo amila jibe na banlo naruei, ana nalo abokar Niununo Lu ka bogo nene naruei.

Im̃auano 6:6

Naruei nalo aburu nalo aluo nei abinimei ajumolu aju kamu ea atevi nalo nei miralo, ka atokol parilo, a aioakolo.

Im̃auano 2:4

Naruei nalo nonovio, Niununo Lu binimei bujo magmago ealo, milalo amil ka iliano dolu nalo, jibe ka napano Niununo nei naio milaio ana nalo amijikia amil kanio.

1 Timoti 5:22

M̃ajigidulu tealo jibe nei, berinavo jau kala sop̃eli re ka koyoa toro ka rimei ve navurim̃araboiano, mia kovitii kiano meuliano rivu beamu vo. Maka rivu ka mia kavan re vaataro ka kariano napano toro dolu naio jom̃a mila, mia koto kuku ka kanamo iviso naio rimeravo, ve lu dam̃ariga.

Im̃auano 13:52

mia naiagagoano vou nalo napano aju yako Antioko, tinielo jaaro toru, a Niununo Lu binimei bujolou vatitig ealo.

Abe Kulo Ju 6:2

Ajiloglog kito ruei ka varueiano, a ajokol pariparido ruei, romonea ruei ka mia rotumolu bereio den m̃ariano, a romijikia ruei ka tibureiano tai jo bija kiano vironiano napano mia tomu na bova mia avokar rivano-o mia rijikia re ribisi bogo tai. Mia vite nalo na kito romiovo dulu ealo ruei, mia maka rivu ka rotum̃a rataki jaado ka m̃a reseliviv ea vite nene dam̃ariga, mia bo ka rotu rava lie vo vija kiado Tubo.

Vailimon 1:16

Nina bior vonganei, mia naio riviedu easo bereio maka bunu tibe ka toro na kiamo im̃auano ga, mia naio riviedu bereio tibe kanio kuruamo tai ea Yesu, napano jibe na naruei naio bo laka. Tinieku jii naio toru ruei, jibe ka kuruaku tai, ana nomonmonea ka mia jau tiniemo tii naio riva lie riva lie vo laka, bior naio be kanamo toro ruei, ana mave kanio, vonganei naio binimei be kuruamo bunu.

2 Timoti 1:6

Naina naruei nojo nojidomii bunu ijaiano napano Atua mije banso bogo napano nomidu jum̃aku joa pariparimo ka nomioakoso. Nojidom never kaso mia kola re sebi na ijaiano nei rivatove, a mia jau monoka kala vilivili vatitigio rivu dam̃ariga.

1 Timoti 4:14

Jau tiniemo bobogia re moroano lu nam̃a Atua jian banso ea bogo napano taara na vurim̃araboiano nalo amioa parimo. Naverialiano tai ka bogo na, kiano iliano naio berial moroano nei be kanamo, naruei monoka kesikili ka koim̃au vija.

1 Korin 15:47

Toro na beamu nei Atam, Atua mijilar naio ea borotano na yetemeriba nei, mia toro juo nene nei Kristo, Atua miilalar naio ea vio mave binimei.

1 Korin 15:8

a iorou ka nina ban bereio ea vio mave. Kiniou maka noto ka bogo na, mia siva toru napano kario, Tubo miyotuba vaarakurano bereio, napano naina maariano laka, miyotuba kean miraku.

Romo 15:7

Jibe na, kamiu kulo Ju bija kamiu napano maka ave Ju, bogo napano kumitu kubinimei vio takurano, a kumisaaro ka kumil vorvoru kamiu nonovio kubinimei jouro, jibe napano Kristo jaaro ka rilivorvorua kito. Bogo napano kumila jibe na, naio be m̃arabo tai bereio ka adular Atua siano.

Im̃auano 26:15

“Naruei kiniou nebika denio, neberinavo ‘?Ana Tubo, jau kobe kei?’ “Naruei Tubo mil ban kiniou berenio, berinavo ‘Yesu napano jau kojom̃a komila bova kanio, ninei be kiniou nene naruei.

Im̃auano 21:20

Ana bogo napano nalo amijog veriiano na Pol nei kanano, ana mila nalo amijog bo laka, ana amiaia Atua biorio. Mia ka bogo nei, be iliano nalo telabo bunu yako Yerusalemo, napano kar Pol, ana nalo amijikia vite nei, naruei aberii ka Pol, aberinavo “Tavaliki Pol, jau komijikia ruei ka ea vio nei nalo menu tealo napano amonea vonga, nalo abe kulo Ju ga nalo, a jibe kanio napano jau komijikia, tomu nalo na jibe na amijikia atumolu atu sikili laka ea kiado tuboiano moruo nalo.

Im̃auano 19:6

A ka bogoti na, ana Pol naio jokol pariparilo, naruei Niununo Lu binimei ealo, mila ana nalo ajum̃a amijev ka iliano dolu nalo, a mila bunu ajum̃a aber bulavulag bunu iliano tealo napano m̃a Atua jian banlo.

Im̃auano 13:3

Ana iorou, amondulu bogo tai bereio ka abolkouo, ana nalo abokar Barnabas naio Sol pariparilo, ana amioakolo abe juo, bisi ana amiila bulaglo abano ka ala Atua kiano im̃auano.

Im̃auano 10:36

“Iliano napano Atua naio miila binimei ban kumemi kulo Israel nalo, kamiu kumijikia ruei, napano naio be ioluano novo tai napano berial berinavo toro mijikia rivokar tum̃aro napano naio be riano ea Yesu Kristo, napano naio be Tubo ka tomu nonovio na yetemeriba nei reraio.

Im̃auano 4:31

Mo bogo napano nalo abolkouo bisi, ana vio napano aju abior eaio mikulkulu, naruei Niununo Lu binimei bujolou ealo, milalo abano aberial Atua kanano iliano, napano kanalo jidomiano jikili lie ea naio.

Luka 15:32

Be riano ka keneriku maratoru na naio milaluvu m̃arabo na kiano meuliano, mia bogo na naio bilig naio binimei bereio, kiniou tiniek miia naio, ana namial jibe bo ga ka kito rasaaro ka naio, rala sinaniano tai kitoliko. Kuruamo na naio m̃aro ruei, mia meul bereio; naio ba kovio, mia kito romileal naio bereio.’ ” Naruei Yesu ber ka Varisis nalo, naio berinavo “Mo, jamerijiano nei naio bisi naruei ea vio na. Mia jibe ka napano naio berenio, bo ka toro napano milaluvu m̃arabo, naio monoka rivilig naio bereio, tavukia maratoru nei. Mia kamiu monoka kuvitikar vatitigio bunu ka mia kuvitavukia re motoru nei, napano kiano jidomiano kirisikili laka, naio mijoku ka kuruano napano bilig naio ka kiano bajag moruo ruei.”

Luka 15:30

Mia bogo napano ga jau komial kenerimo novo na naio binimei vonuo bereio, ana kojumolu komue kiribue m̃arauo novo nam̃a rojum̃a rabaganio jo mijabo m̃adigdig bo na. ?Mia tete na naio mila venia bo ruei banso a? Naio bar bulag kanamo burum̃ara puruveru togio ruei, naio ba jen puruveru nene ka ga m̃a mior ka tire nalo ga, bano-o miakon batitig garuei. ?P̃eli bajago na naruei na jau tiniem jii, tenene na jau komila sano sinaniano kanio a?’

Luka 2:11

Ka bogiano nei ga, ea komeli na Parinio tubo Teviti re nua kanano, nina ea vio Betleem, kiritete solbouo tai naio moluo vonga, ka mia naio rive kenemiu ioruriano. Naina naruei be kenemiu Tubo, naio be Naverikariano nam̃a Atua berkario nua ruei ka mia riilaio rimei.

Luka 1:76

Keneriku, mia avioso ka Atua Loa Laka kiano Naverialiano, mia kotukamu ka kala vatitig Tubo kiano m̃arabo.

Yesu Kristo Kiano Ioluano Vou Napano MAK Bivitauiaio 6:5

Naruei ea kiano vio memedu nei, Yesu maka rijikia rila vremesiano, mia midu jum̃ano jua tom juo p̃eli tolu ga na amie, milarurlo bereio.

Mataiu 19:13

Naruei nalo tai aburu kenerilo nalo abinimei ea Yesu, ka naio rudu jum̃ano toalo, a ka rivolkouo kalo. Mia kiano naiagagoano nalo amialio, ana nalo amil jikili ban tomu nalo nei, aberburelo,

Yesu Kristo Kiano Ioluano Vou Napano MAK Bivitauiaio 5:23

Ana naio jegi ban Yesu, bika berinavo “Keneriku tira sesa mie mia mie, vonganei p̃eli naio m̃aro ruei. Mia kiniou nebika denso ka jau komei, kodu jum̃amo toaio, ka naio mijikia rijog rivu bereio, ka naio rimeul kia to.”

Luka 1:41

Mia bogo napano Lesveti naio mijog lubar Mere joono ka mil banio, naio mijog ka kenerinio napano joa naio, bijobijo toru. Naruei Niununo Lu binimei ea Lesveti, naio binimei bujolou eaio,

Luka 1:67

Naruei Niununo Lu binimei bujomagmago ea Sakaraia, kiritete telisu nei karam̃ano, ana naio berial jibe nei, ber

Im̃auano 9:18

Naruei naio bolkouo kanio, mia vaarakurano ga vite nalo napano jibe ka tiririkiti niado ajibirbil den Sol mirano, mila ana mirano abo bereio. Naruei Sol naio jumolu ju, ana ea bogo nei, aburu aba abaruei eaio.

1 Korin 9:1

Bilbilu nalo, nojidom never ka kamiu ka kiniou maka noto yetano ka toro dolu kiano jidomiano, mia nojo nomim̃au jakii venia napano nemijikia ka memedu ka nalaio. Kiniou atevi tai napano nomial Yesu Kristo kiado Tubo ka miraku, a kamiu naruei ajibe m̃arati na kiano im̃auano napano nomilaio.

2 Pitere 3:15

Be riano ka Tubo naio maka rimei vo, mia kito ve tiniedo re ka naio bova, monoka rasaaro ka napano naio midu bogo ban kito ka rovilig kito, a jian buluvio ban bilbilu dolu nalo bunu ka amijikia avokar ioruriano. Jidomiano na, kuruado novo nei Pol naio bunu ber ka kamiu ea m̃esi tai beamu ruei, napano bivitauia bija masouano na bo nalo napano Atua jo jian banio.