Im̃auano 8:31 - Verikariano Vou Na Baki

³¹ Ana na toro nene berdop̃e berinavo “?Koig, ana mia kiniou nejikia tum̃abe, ka napano maka toro tai to, ka riveribisivisii iliano nei van kiniou?” Ana na naio ber ka Vilip, berinavo “Mo verenio tibe na, mia jau komei mave beamu, kito ve juo rotu tano ea vio nei.” Ana na Vilip bavin ea rukuruku.

Im̃auano 8:31 ပူးပေါင်းရင်းမြစ်များ

Romo 10:14

Be riano, kulo Ju miroano maka avio van Kristo ka rilarurlo, a jum̃abe jibe na? Nina bior napano maka ajikia avio naio verver maka amonea naio, a maka ajikia amonea naio verver maka leleio ajog siano vo, a maka ajikia ajog siano verver maka toro tai rioliolu ka vanlo.

1 Korin 8:2

Toro napano jidomii laka ber naio bokar bajago novo na jikiaiano, naio maka rijikia vatitig Atua vo jibe napano naio bo ka rijikiaio.

Yemesi 1:21

Ver tibe na, kamiu monoka kuvuku bulag bajago va nalo a im̃auano va nalo den kenemiu meuliano, a monoka kuvidu kenemiu jidomiano ritotano yetano ka Iliano Lu napano naio mijikia rivurumeul ea kamiu, napano Atua mebija kar ea kenemiu iviso nalo ruei.

Yemesi 1:10

A kuruado tealo bunu, nalo kialo saba toru, mia bo ka nalo avarvarlo m̃ele bunu, nina bior Atua mila kialo jidomiano ajutano ga. Amijikia asaaro tibe na bior abitilubar ka toro na be kanano saba toru, naio javukia niaiesi napano be tena bogo bulati ga.

1 Korin 3:18

Monoka kuvidu venia napano nojo neberenio nei, maka rivu ka kuvisidomii kuver be titai iakurano ga. Ver kamiu tai ber naio be masou bo ea jikiaiano nalo na yetemeriba nei, bo lie ka naio tuvan jidomiano sibisibiano nalo na atu. Ea tivelinio na jikiaiano nalo na yetemeriba nei, naio monoka rila naio tibe toro vovu tai ga, ana ver rila tibe na, mia naio mijikia ve masou vatitig ea Atua kiano jikiaiano.

Yesu Kristo Kiano Ioluano Vou Napano MAK Bivitauiaio 10:15

Kiniou neber riano ka kamiu, ka toro napano naio jidom riva jouro ea Atua kiano navenatuboiano, naio monoka rijikia ka naio javukia kiritete teliki tai ga, naio maka rijikia rila vite tai ka rila ka naio rudu Atua kiano navenatuboiano nei ea kiano meuliano.”

Im̃auano 8:30

Naruei Vilip jikitisosorio bano, naruei naio ban vaataro, mijog ka napano toro nei naio jom̃a buluku niosi na Naverialiano Aisea. Naruei naio bika denio, berenio berinavo “?Jum̃abe, jau kobuluku lubar batitigio iliano na jau kojom̃a kobulukuio na, p̃eli na makanio, jau maka kovuluku lubario?”

Im̃auano 8:32

Mia Iliano Lu napano Aisea naio bivitauia, napano toro na toru nei jom̃a milavonio ka rivulukuio ea bogo nei, nina be iliano napano ber jibe nei, berenio berinavo “Toro nene jibe ka nunu tai, bior ka bogo napano abokar naio ka mia aueio, mia naio melumu ga, p̃eli na naio jibe kanio kirikiti nunu tai, ka bogo napano aburon bulag vijinio napano be moti, mia maka rijikia riaga. Toro nene naio jibe na naruei, napano ea bogokouo na kiano meuliano, naio maka rijikia riverip̃e iliano tai leleio, mia naio mon melumu dam̃ariga.