Im̃auano 8:27 - Verikariano Vou Na Baki

^27-28 Jibe na, ana Vilip naio mijog iliano nei, ana jumolu, jikar ka ban naruei. Naio jo miel ban jibe na, mia miilo ka torbobogio tai napano joa kanano rukuruku napano parinio bue m̃arauo burio, binimei ea m̃arabo nene. Toro nene naio jom̃a buluku Niosi Lu napano Aisea bivitauia. Naio be toro na toru tai na tira na toru tai na vio Itiopia, napano abio tira nene ka Kedesi, napano nioti nene berenio naio be parinio tubo ea kanalo buruvenuo. Toro nei kanano im̃auano be tena rivitikar im̃auano nalo na tortoru ea tivelinio na veru na tira na toru neibano kanano, a toro nene, naio be toro tai bunu napano nanua ruei amila jibe ka tum̃aro. Naruei ea bogo na, naio batove Yerusalemo ruei ka rivolkouo van Atua, naruei naio jo jakii kanano m̃arabo ka rivan bereio ea kiano vio.

Im̃auano 8:27 ပူးပေါင်းရင်းမြစ်များ

Jone 12:20

Tomu nalo miroano nam̃a abavin Yerusalemo ka alotu ka Atua ka jokoluolu nam̃a, a nalo tealo maka ave Ju, nalo abe kulo Krik nam̃a amonea Atua javukia kulo Ju nalo.

Mataiu 12:42

“Nanua bunu be tira na toru tai napano naio be parinio tubo napano juvan kiano buruvenuo koalabo laka, naio batove binimei ka rijog tormoruo Parinio Tubo Solomon kiano ilimasosouano nalo. Naruei mia tira na toru nei bunu, mia naio tumolu tu ea legiano na tibureiano, naio riverlubarbar kenemiu torokoriano nalo, bior toro tai napano naio be masou loa ka Solomon naio jo bija kamiu vonganei, mia kamiu maka kuvisidom naio leleio.”

Abe Kulo Ju 11:8

Dolu, naio be tormoruo Epraamo. Ea kanano viekouoiano ea Atua, naio monea naio batitig bo, naio jumolu den vio nanua naio joaio, naio ban ea vio dolu tai, napano Atua berkario ka mia rudu vanio. Naio jo miel ban ea vio nene, maka rijikia ka naio jo ba be na, mia bior Atua bio naio, naio ban ga.