Im̃auano 5:30 - Verikariano Vou Na Baki

³⁰ Kamiu kumuebin Yesu ruei, kamiu kumitukukakar naio ea m̃akolkolo, mia Atua Sop̃i napano naio be korobido nalo kanalo, naio mila naio meul bereio den nam̃ariano.

Im̃auano 5:30 ပူးပေါင်းရင်းမြစ်များ

Kalesia 3:13

Mia maka ve kito tai napano rila nonovio vite nalo napano tuboiano berenio, ana tuboiano berkar vironiano bija m̃ariano ban kito robiniu. Mia Kristo naruei naio binimei buru bulag kito ruei den tibureiano nene, mijamo ka naio midu jeledo, ana naio ba jotan yetano kanio. Nina jibe ka napano Iliano Lu berenio, napano berinavo “Toro napano amiorkario jaklele ea iesi mave ka rim̃aro, amiorkar naio bior napano naio jotano yetano ka Atua kiano tibureiano.”

1 Pitere 2:24

Bogo napano Yesu naio jaklele ea m̃akolkolo, vironiano na kanado kariano nonovio mijoru ea niabene, a kiano m̃ariano mila na bajago na lakariano naio m̃aro den kito, mila napano bajago na mila memedu naio meul bo naio joa kiado meuliano. Ierinio, kiano niabejalele nalo amila kiado niabejalele nalo amije ioruriano na bo.

Im̃auano 10:39

“Mo vite nalo nei napano naio jom̃a mila yako Yerusalemo, a ea tanobuku dolu bunu ga nalo ea kenememi buruvenuo kumemi kulo Ju nalo, kumemi atevi nalo numitum̃a nuberial vite nalo nei ban tomu nalo. Numitum̃a nuberial ka napano kenememi tomu na tortoru nalo ajukakar Yesu ea m̃akolkolo, ana na naio m̃aro,

Im̃auano 22:14

Mia naio mil ban kiniou bereio, berinavo ‘Atua Tomoruo na korobido nalo kanalo, naio berkarso nua ruei, ka mia jau naruei komijikia kejikia kanano sidomivaniano na toru tai, a ka mia jau naruei keial kiano Toro Memedu, a kojog kanano iliano.

Im̃auano 13:33

ana vonganei vite nalo nene abinimei abe riano ea kito ruei, kito kum̃abilo nalo, a ea kito kulo dolu napano kito romonea naio. Ana kito robokar vite novo nei ea kiado bogo ga, napano Atua miila Yesu binimei yetano ea yetemeriba nei, a mila naio meul bereio den nam̃ariano kar kito. “Ea Iliano Lu, Iouano mirano juo naio berii vite nei, napano ber ‘Kiaku tete, nemial jibe ka banei kobinimei kobe keneriku, ana kiniou nebinimei nebe karam̃amo riano.’ Iouano 2:7

Im̃auano 3:26

Memedu ka verikariano na, Atua mila Yesu jumolu ruei jibe ka kanano toro na im̃auano, ana naio maka riila naio rimei ea kulo dolu nalo, naio miila binimei ka kamiu jukamu. Naio miila Yesu binimei ka rila rivu laka van kamiu, napano mia naio rivilig kamiu, ka kuvituvani kenemiu bajago va nalo.”

Im̃auano 2:32

Vite nei naruei kumemi numitum̃a nuber bulagvulagio, ka Atua bitirilar toro neibano Yesu nene den nam̃ariano bereio.

Luka 1:72

tiniene ribobogia re kanano virakariano bija korobido nalo, tinien miialo kia ga vo.