Im̃auano 3:2 - Verikariano Vou Na Baki

² Naruei be toro tai napano bogo na naio moluo be javuluku, mia legiano nonovio nalo ajum̃a amiduio binimei amebi kanio joa morouo napano aber “Morouo M̃araiu,” nina ea Atua Kunuano Lu. Ana javuluku nei naio jom̃a miog ijaiano den nalo nam̃a ajum̃a aba joomo ea Yimo Lu.

Im̃auano 3:2 ပူးပေါင်းရင်းမြစ်များ

Im̃auano 14:8

Naruei ea m̃arkomeli na yako Listra, bogo tai ana Pol naio jom̃a mioliolu ban tomu nalo, mia toro tai be javuluku naio jom̃a jojo tano, jom̃a miagago ka Pol. Toro nei jikar ea bogo napano naio moluo, naio maka leleio riel bogo tai, bior jaano be juo abuluk. Naruei Pol mial ka toro nei jom̃a miagago batitigio ka naio, a mijog lubar ka toro javuluk nei naio jo monea Yesu ka mia naio mijikia rila vatitig jaano ve juo. Naruei Pol bitii kilkil eaio,

Jone 9:8

Ana iorou, nalo na vaataro ka toro nei, bija nalo nanua beamu amial naio jom̃a miogiog, amial naio bereio, mia aberenio aberinavo “?Merebono m̃a na naina p̃eli, napano beamu jom̃a miogiog sano janea vio dam̃ariga na, p̃eli na maka ve naio?”

Luka 16:20

Toro dolu tai naio bunu jo, napano m̃a bogo nonovio amidudu naio binimei amidu naio jo tavio ea burusio na burum̃ara yimo na toro nei kunuano napano be kiano saba telabo. Toro nei, naio be toro tai na maka ve kiano saba tai, naio be toro tai nam̃a jo miogiog sinaniano, niabene nalo vio bujo ka meniko, a siano be Lasaros.

Im̃auano 10:31

Ana na naio mil ban kiniou, berinavo ‘Kornelias, Atua naio jom̃a mijog kanamo volkouano nalo, a naio jom̃a jidomial kanamo bajago novo nalo napano m̃a jau kojom̃a komila ban talim̃asa nalo.

Luka 18:35

Mia Yesu nalo aju amiel abano, abinimei vaataro ka komeli na vio Jeriko, mia merebono tai jom̃a jotano ea ikim̃arabo, naio jom̃a miogiog sinaniano den tomu nalo nam̃a ajeljel ea m̃arabo nei.

Im̃auano 10:4

Mia bogo napano Kornelias mial nailiano nei, naio merou bin naio, naruei naio jo bitikar nailiano nei jikili, ana berinavo “?Venia na?” Ana nailiano nei berdop̃e, berinavo “Atua naio mijog kanamo volkouano nalo ruei, a maka tiniene ribobogia bajago novo nalo napano m̃a komila ban talim̃asa nalo, naio jaaro kanio a naio jo tinien maio kaso kia ga vo.

Im̃auano 4:22

napano bogo na, naio be kiano yuka duelimo va veri [40] barlaka ruei.

Im̃auano 3:10

naruei bogo napano nalo abitilubario, nalo aberinavo “!Mm, kamiu kuvialio! Nina be toro javuluku nam̃a na-o! Bogo nonovio naio jom̃a miog puruveru tavio ea morouo na ea Yimo Lu, vonganei naio binimei bo jo mieliel ruei.” Naruei nalo amemebiju vatitigio bior vite nei napano maluvo ea toro nei.