Im̃auano 26:31 - Verikariano Vou Na Baki

³¹ Ana bogo napano abava tavio bisi na, ajum̃a aberverii kalo aberinavo “Toro na maka rila titai rivova leleio, napano rimemedu ka mia naio rim̃aro p̃eli na mia rivar vironiano riviorio.”

Im̃auano 26:31 ပူးပေါင်းရင်းမြစ်များ

Im̃auano 23:29

Ea bogo na, kiniou nemial ka napano naio maka rila titai napano rimemedu ka mia auebinio p̃eli na adu vironiano rivanio, mia nemial jibe kanio nalo ajum̃a amila baravo naliko ka tivelinio na tuboiano na nalotuano na kanalo ga.

Im̃auano 23:9

Amila jibe na bano-o, binimei toru laka, a karina, nalo naverloglogiano tealo ka tivelinio na Varisis nalo ajumolu, amil kirisikili laka, aberinavo “Kumemi numial ka toro na naio bo ga, maka vite tai ka napano mia kito romijikia reil vanio riviorio. ?A kei mijikia, p̃eli be riano ga ka niununo tai bo p̃eli na nailiano tai mil ban naio koviobo?”

Im̃auano 28:18

Ana bogo napano natibureano nalo na vio Romo abitii batitigio vite nei, bisi ana nalo ajidom ka kiniou nava tavio bereio ga, bior maka aial vite tai napano rimemedu ka mia asian vironiano van kiniou riviorio, ka river kiniou monoka nam̃aro.

1 Pitere 3:16

Mo bogo napano verdop̃eiano bano, naio monoka rivan vija bajago na melumuiano, a nana tovoniano na toro. Nalo na m̃a tinielo jii ka m̃a ala lelan Kristo kiano namoneano nalo, amijikia avuku iliano na bova ve miroano rimei ea kamiu, mia kuvitikar, maka rivu ka kuvuku bereio iliano na bova nalo rivan ealo bereio. Ver kuvila tibe na, mia iorou kumijikia kuvimou ve toru laka ea ilisikiliano nalo na kenemiu bereio, mia ver kumelokloko ga kalo, mia nalo naruei monoka aimou rivior kanalo iliano nalo na jikirkili m̃a na.

Im̃auano 25:25

Naruei kiniou nebitii vite nei bano-o, mia maka neial titai ka mia rimemedu ka naio monoka rim̃aro riviorio. Avona bisi, ana toro nei naio bunu bika parinio tubo na toru na vio Romo, berinavo naio ga tibure naio, ana vonganei nojom̃a nebitiio ka mia monoka neiila naio rivan ga ea Sisa jum̃ano naruei.

Luka 23:4

Mia bogo na Pailat mijog venia napano Yesu berenio, naio maka rial ka naio mila tena bova tai, ana ber ka tomu nalo kialo tomu na tortoru nalo, berinavo “Kema na, ea kanaku vitiiano, naio memedu ga, naio maka rila kor leleio tuboiano tai.”