Im̃auano 26:3 - Verikariano Vou Na Baki

³ Neber iliano na bior jau naruei, jau komijikia batitig ruei kanado bajago nalo kito kulo Ju, a jau komijikia batitig bunu ruei vite nalo napano bogo nonovio kiado tomu nalo ajum̃a amila baravo kalo biorio, a napano ajum̃a aburuburevurelo bunu biorio. Naruei kiniou nebika denso ka jau tiniem ser re kiniou, bior mia kanaku tukunuano naio tokol vite ve telabo tibe na naruei, a ve tebievi kija bunu.

Im̃auano 26:3 ပူးပေါင်းရင်းမြစ်များ

Im̃auano 6:14

Mia kumemi numijog ka napano naio berii kiado Atua Kiano Yimo, napano naio berenio berinavo mia toro Nasarete na napano Yesu, mia naio rila bulag Yimo Lu nei, a mia naio rivilig bunu kiado bajago moruo nalo napano Mosis jianio nanua bogobe ruei, napano kito robokar batitiglo aju binimei bokar vonganei. !Toro nei Stevin naio jom̃a ber bulavulag vite nalo na, naio jo mila lelan kito toru laka nei!”

Im̃auano 26:26

Vite nalo napano nojom̃a nojukunu kanio, nemijikia batitigio bo ka Tubo Akripa naio mijikia ruei, abinimei bokar kiano vitiiano, nina naruei mila ana maka nemerou ka neverialio ea mirano. Vite nalo nei, maka ayotuba ea vio na telisu ga tai napano toro maka rijikia vo, mia tomu nonovio amijikia ruei, ajum̃a aberiio va telabo bunu.

1 Korin 13:2

P̃eli burum̃ara moroano joa kiniou ka neverial Atua kiano iliano, p̃eli na nemijikia vatitig vite telabo napano tomu dolu nalo maka ajikiaio, p̃eli na kiaku viekouoiano toru laka bare ka nobolkouo ka tenalo na tortoru mia amaluvo, vite nalo na abo laka, a ver tinieku tii re tomu nalo, nebe iakurano ga.

Im̃auano 28:17

Ana Pol naio jo Romo bogoti tolu bisi, ana miila toru ba ban kulo Ju nalo kialo navurim̃araboiano nalo napano ajua vio nei, ana bogo napano abinimei vio takurano, Pol jukunu banlo. Naio ber kalo, berinavo “Banalo, kiaku tukunuano jibe nei: kiniou nebinimei ea vio nei bior ka yuka nanua beamu, kiniou nojo Yerusalemo, ana kiado tomu na tortoru nalo na vio na abuku kiniou naban ea nalakoiano, karina amidu kiniou nojoa natibureano nalo na vio Romo jum̃alo napano abitikar kiado buruvenuo. Ea tivelinio na kiniou, maka nala vite tai ka kiado tomu nalo, a maka nala titai napano maka rimemedu ea kanado bajago p̃eli na ea korobido nalo kanalo iliano nalo, mia nalo amila jibe na ka kiniou dam̃ariga.

Im̃auano 26:7

Verikariano nene, kiado yati nalo duelimo ba juo [12] bunu nalo ajum̃a abolkouo legiano a bogiano ka amijikia avokario. !Parinio tubo, jau keialio vo! Vite nei Atua berkario ban kulo Ju nalo ruei, ana vonganei kulo Ju nalo nei ajidom ail van kiniou bereio bior kiniou nomoneaio.

Im̃auano 25:26

Mia monoka nevivitauia m̃esi tai rivan vija toro nei ea kiado parinio tubo na, mia kiniou maka nejikia vatitigio bunu ka mia nevivitauia venia tua m̃esi nei. Tenene naruei, kiniou najaaro ka noburu naio biedu jikili jukamu ea miramo, tubo na toru Akripa, bija kamiu tomu dolu na tortoru nalo na, ka rovitii kanano iliano nalo nei bereio, ka p̃eli mia kamiu kumijikia kuvija kiniou ka mia nevivitauia venia tua m̃esi nei.

Im̃auano 24:10

Ana iorou kanio, parinio tubo nei naio bitikar Pol ana jian bogo banio ka naio mijikia river kiano verdop̃eiano. Naruei Pol naio berinavo “Parinio Tubo Veliks, jibe ka napano jau kejibure kumemi ea buruvenuo nei ka yuka telabo abarlaka ruei, mia najaaro ga ka notumolu notukamu ea miramo ka nodu kanaku verdop̃eiano.

Im̃auano 24:4

Mia jau, kobe kanamo im̃auano telabo, maka rivu ka kumemi nuvila lelanso ka kenememi iliano nalo ve telabo laka, mia kiniou najidom ka novika denso kovijuku rivu ka kumemi, keiagago ka kenememi iliano telisu tai napano bulati ga.

Im̃auano 21:21

Mia nalo amijogio ruei, ka napano tomu nalo ajum̃a aberveriiso kirivova, aberenio jau kojom̃a koberloglog kiado torogio nalo kirivova napano ajua buruvenuo dolu laka yako. Aber jau kojo koberloglog searialo, kober bo ka atuvan tuboiano na Mosis kiano vija kiado bajago moruo nalo, a bo laka ka ala re bunu pakuveu ea kenerilo nalo.

Im̃auano 26:2

Naruei naio berii jibe nei, ber “Parinio Tubo Akripa, kiniou nemial bo laka ka napano nemijikia notumolu banei ea miramo, ka mia nalavonio ka neverdop̃e iliano nalo napano kulo Ju nalo amila ban kiniou.