Im̃auano 26:25 - Verikariano Vou Na Baki

²⁵ Ana Pol berinavo “Kiniou nabameneaso, Parinio Tubo Vestas, mia monoka never kaso ka paripariku naio bo ga. Kiaku iliano nalo napano nojom̃a neberialio ea vio nei, abe burupati na ilirianiano napano abe riano laka garuei.

Im̃auano 26:25 ပူးပေါင်းရင်းမြစ်များ

Im̃auano 23:26

“M̃esi nei, kiniou Klotias Lisias, napano nebivitauia biedu banso, Parinio Tubo Veliks, napano jau kobe toro na toru na vio Romo napano jau kobitikar kiado burum̃ara tanobuku nei.

Taitas 1:9

Ilirianiano nalo napano aberloglog ka naio, naio monoka rivakario sikili rivu, ka rila ka naio kija mijikia riverloglog lilie kanio rivano. Tomu tealo aber p̃eli kiado moneano be sibi, mia kiado verloglogiano novo nalo mijikia rila kialo iliano nalo maka rijikia sikili tu rivu leleio.

1 Pitere 3:15

Iliano na ber ka mia kito romerou re, mia venia napano mia monoka rala, ea kiado iviso, monoka rodu Kristo naio loa vite nonovio, naio takurano be kiado tubo. A bogo nonovio monoka rotu batitig rivu, jibe ka napano ver vikadeniano tai rimei rivika ka bior vaio romonea, a bior vaio ana rabar tiniedo ea Yesu, naruei monoka rejikia vatitig tum̃abe mia romijikia resian verdop̃eiano na bo rivano.

1 Pitere 3:9

Nana m̃a mila lelanso, mia jau kovimerano re vanio, a nana m̃a mioluaso, mia jau koyolua merano re naio. Venia napano vede rimei easo, mia koto kesian merano ilivuiano na bo ga rivanio. Bajago na bo jibe na naruei napano Atua naio bio kito biorio, ka rala tibe na dam̃ariga, a ver resian ilivuiano rivan toro dolu, mia Atua naio rudu kanano ilivuiano toa kiado meuliano.

Im̃auano 24:3

Tibe na, kumemi nuberenio kenememi burum̃ara sivaiano banso ka napano dam̃ariga jau kojom̃a komila batitig kumemi bo laka ea vio nei jibe na.

Jone 8:49

Ana na Yesu berdop̃elo, naio berinavo “Makanio, maka ve sim̃aro tai toa kiniou. Vite nalo nam̃a nojom̃a nemilaio, nemila ka karam̃aku siano rivavin. Vite nalo nam̃a kamiu kumilaio ka kiniou, kumila ka siaku vatove.

Luka 1:3

Naruei jikar nanua ruei, kiniou nojom̃a nebitii batitig m̃esi dolu nalo nam̃a abivitauiaio, a nojom̃a nabar iliano na vite nene nalo, naruei namial jibe bo ka ver nalavon ka navar torogio dolu nalo na tukunuano nei, novivitauia sosolio amei tibe ka niosi novo tai napano jakii memedu kiri m̃arabo sesa nalo na tukunuano novo nei.