Im̃auano 24:17 - Verikariano Vou Na Baki

¹⁷ “Mia yuka tealo barlaka ruei, mia nojom̃a naban ea buruvenuo dolu nalo, mia karina, vonganei ga, ana nebinimei bereio ea vio Yerusalemo. Mia tomu nalo na laka yako ajuvanini ijaiano tai ka rijai kenememi tomu nalo na vio Yerusalemo, ana na kiniou nabar ijaiano nei nebinimei, nabar banlo, a nejidom nava nala sida bunu ea Atua Kunuano Lu.

Im̃auano 24:17 ပူးပေါင်းရင်းမြစ်များ

Kalesia 2:10

Mia nalo na amijev iliano takurano ga ban kumemi juo, aber monoka kumemi juo tiniememi rimaio ka kanalo talim̃asa nalo yako Yerusalemo, ka mia nuvijailo, mia nina be titai napano nejidomii bogbe ruei ka mia neim̃aukanio tibena.

2 Korin 9:12

Jidomiano nene napano mia kuvituvanio rivano, mia rijai ve toru namoneano lu dolu nalo nei napano aju abiniua bogokouo, a mia rila aiaia Atua ve toru bunu, aver siva laka vanio.

2 Korin 8:9

A bo ka rosidomii bogo nonovio Yesu Kristo kiado Tubo kanano burum̃ara tiniememiano, napano beamu, naio jibe ka be kiano vite nonovio, ana tinien maio ka kito ea yetemeriba, naio binimei jibe napano maka ve kiano titai, ka rila romijikia romei tibe napano be kiado vite nonovio.

Romo 15:31

Bogo napano nava novokar tanobuku nei Yutea ka nava Yerusalemo, telabo napano maka asaaro ka amonea Ioluano Vou nei aju, ana maka nejikia ka mia nalo ajidom ka ala tum̃abe ka kiniou, mia neber bo ka kamiu ka kubolkouo van Atua ka tukovio ka kialo jidomiano va nalo ea kiniou. Mia monoka kubolkouo bunu ka namoneano lu nalo napano aju Yerusalemo, mia nalo asaaro ka avar veru ve telisu napano mia kiniou nesianio vanlo.

Im̃auano 20:16

Ea bogo na, kumemi nubarlaka ga ea vio Eveso jibe na, maka nuvauro eaio, bior Pol naio mial berinavo maka rivu ka kito rodu bogo ve telabo laka ea tanobuku nei na vio Esia, bior naio jo jidomii ka verenio nuvijikia nuvila, mia bo ka nuvoru Yerusalemo rimemedu ka bogo na Jokoluolu na Yuṽi.

Im̃auano 21:26

Naruei Pol ba mila jibe ka napano nalo aberenio, napano ea legiano dolu, ana naio buru nalo veri neibano, ba mila ijaiano na meravo nalikolo, a ba joomo ea Atua Kunuano Lu bunu bijalo, ka rijogio verenio kanalo verikariano naio riva rivokar legiano ve vio, ana monoka asian kanalo ijaiano nalo veve terakurano ka verikariano nei ea legiano vaio. Ana aberenio legiano ve aluo [7] rivar laka, ana mia atikar ka ala vite nalo nene.

Im̃auano 20:31

Tibe na, kamiu monoka kuvitu vatitig, a monoka kuvisirarago vatitig rivu, a monoka kuvisidomial ka kuvim̃au kouo tibe ka napano kiniou nemilaio ka bogo napano nojo bija kamiu bano-o bokar yuka tolu momou, napano bogo nonovio, ea legiano a ea bogiano, nojom̃a neberloglog tomu nalo, a neberial Atua kiano iliano memedu banlo, bano-o mia jogumiraku m̃a jibirbili biorlo.

Im̃auano 24:26

Mia bogo napano Veliks naio mijog iliano nalo nei, mia naio be kiano jidomiano va tai bunu, napano naio jidomii berinavo mia Pol sian puruveru na toru tai rivan naina, ka rila ka naio river Pol naio mijikia taluvo bereio. Naruei kiano jidomiano nei mila naio jom̃a miila toru ka Pol julaka ga, a naio jo jukunu va telabo bijaio.

2 Korin 8:6

Ana bogo napano numial ka tomu dolu nalo na Masetonia amila jibe na, nuber p̃eli bo ka nuviila Taitas rimei bereio ea kamiu, ka rikurkar kamiu ka kuvila tibe na bunu. Numijikia ka bogo napano naio binimei nua, naio jo mil ban kamiu, a kumitikar ka kuvila im̃auano novo na tinievuiano na naruei, mia bo ka naio rimei rila nonovio vatitig vija kamiu.