Im̃auano 2:4 - Verikariano Vou Na Baki

⁴ Naruei nalo nonovio, Niununo Lu binimei bujo magmago ealo, milalo amil ka iliano dolu nalo, jibe ka napano Niununo nei naio milaio ana nalo amijikia amil kanio.

Im̃auano 2:4 ပူးပေါင်းရင်းမြစ်များ

Yesu Kristo Kiano Ioluano Vou Napano MAK Bivitauiaio 16:17

“Mia nalo napano m̃a amoneaio, mia vremesiano nalo toalo, tibe ka napano mia ajil bulag sim̃aro nalo ea moroano na siaku, a mia ajev iliano dolu nalo,

Im̃auano 13:52

mia naiagagoano vou nalo napano aju yako Antioko, tinielo jaaro toru, a Niununo Lu binimei bujolou vatitig ealo.

Im̃auano 4:31

Mo bogo napano nalo abolkouo bisi, ana vio napano aju abior eaio mikulkulu, naruei Niununo Lu binimei bujolou ealo, milalo abano aberial Atua kanano iliano, napano kanalo jidomiano jikili lie ea naio.

Eveso 5:18

Mia kamiu kumunu re bunu m̃arjum̃elm̃elu rivano-o mia m̃a kuvilaluv pariparimiu, ka bajago na naio mijikia rila bulag kenemiu meuliano vodolu bereio. Mia kamiu monoka kuvujo ga ka Niununo Lu.

1 Korin 12:10

Ea tai, jian napano mijikia mim̃auka vremesiano nalo. Ea tai, jian verialiano na vite nalo na ju ka rimei. Ea tai, jian napano mijikia rijidig bulag sim̃aro nalo. Ea tai, jian napano mijikia rijev ka iliano dolu. Ea tai, jian napano mijikia bilig iliano nalo napano amijevio ka iliano dolu.

Jone 14:26

Mia bogo napano navano, mia Teta naio riila Niununo na ijaiano rimei, ana mia naio ridu jeleku, naio riverloglog kamiu ka vite nonovio, ana mia naio rudu sidomii kakarioano na kanaku iliano nalo nonovio ea kenemiu jidomiano.

Im̃auano 19:6

A ka bogoti na, ana Pol naio jokol pariparilo, naruei Niununo Lu binimei ealo, mila ana nalo ajum̃a amijev ka iliano dolu nalo, a mila bunu ajum̃a aber bulavulag bunu iliano tealo napano m̃a Atua jian banlo.

Im̃auano 10:46

Mia vonganei, nalo amial ka napano nalo napano maka ave kulo Ju, mia nalo amil ka iliano dolu nalo, ana ajum̃a amiaia Atua toru laka, ana na nalo amijikia ka naio jian Niununo Lu ban nalo napano maka ave kulo Ju nalo bunu.

Im̃auano 9:17

Ana Ananaias midu iliano nei, ana ban ea yimo napano Tubo berkanio, ana ba joomo naruei naio mial Sol, ana midu jum̃ano jo mave ea parinio. Ana mil banio berinavo “Kuruaku Sol, Tubo naio miila kiniou nebinimei ka neialso, nina be Tubo Yesu napano miyotuba kaso ea bogo napano jau kojom̃a komiel ea m̃arabo kobinimei. Naio miila kiniou nebinimei ka mia nobolkouo ka miramo, ka mia rivu bereio, a ka mia Niununo Lu rimei rivujo lou easo.”

Im̃auano 7:55

Mia Niununo Lu naio binimei bujolou toru ea Stevin, ana na naio jirarago bavin vio mave, jo bitivitii banbano-o, ana mial burum̃ara miamoiano na mermerano napano joko vio ka Atua, a naio mial bunu ka Yesu jikili ju mave ea vio na bavin laka vaataro ka tivelinio na naio, nina ea jum̃ano meruo.

Im̃auano 1:5

Beamu, Jone Baruei naio baruei ea tomu nalo ka uei ga, mia vesiou re, legiano tai avar laka, mia Atua naio rivaruei ea kamiu ve riano, nina ea Niununo Lu.”

1 Korin 13:8

Tinietiiano maka tinien maro leleio bogo tai. Be riano laka, moroano dolu nalo, jibe verialiano nalo, p̃eli iliano na ka iliano dolu nalo, p̃eli jikiaiano nalo, mia nalo maka ajikia atu tulaka, mia tinietiiano ga naio jo julaka ga, naio maka rijikia ribisi bogo tai.

1 Korin 13:1

Tinietiiano, naio be vite tai napano monoka ve vite moti ea kiado meuliano. P̃eli nemijikia neil sel kulo dolu kialo iliano, p̃eli nemijikia neil ka agelo nalo kialo iliano, nina bo, mia ver kiniou tinieku tii re tomu nalo, mila napano kiaku iliano nonovio ajibe ka p̃i tai napano amue vovu, miolu kurano ga.

Im̃auano 13:9

Naruei Sol, napano ajum̃a aber bunu siano aber Pol, naio binimei bujolou ka Niununo Lu, ana tiniamirano bitikar jikili ban ka toro nam̃a mila m̃esi nei,

Luka 12:12

Rimonloglog aura nei ga, mia Niununo Lu ga rijai kamiu, ka riverloglog kamiu ka iliano na vabe na mia kamiu kumijikia kuverenio.”

1 Korin 14:18

Kiniou najaaro laka ka Atua jian moroano ban kiniou ka noil ea iliano napano Niununo Lu jianio, neber siva laka kanio, a nemial jibe nemila toru jovulu laka kamiu nonovio.

Romo 15:13

Naruei nobolkouo bior kamiu bereio ban Atua, napano romijikia ravalea ea kanano verikariano nalo, nebika ka kamiu kuvitu kumonmonea naio rivanvano-o kanano saariano nalo a kanano tum̃aro rimei rivujo rivu ea kenemiu meuliano nalo, rila napano Niununo Lu kiano moroano mijikia rim̃au tanea kamiu ka rila ka kuvitu kuvalea kiano verikariano nalo, jo binimei toru lie riva rivan tibe na.

Im̃auano 4:8

Naruei Niununo Lu binimei bujo ea Pitere, ana Pitere naio mil banlo, berinavo “Kiniou nojumolu nojukamu ea miremiu, kamiu tomu na tortoru nalo na vio Israel, a navurim̃araboiano nalo,

Jone 20:22

Iorou ka nina, naio miuvu jegi binimei ea kumemi, naio berinavo “Kamiu kuvokar Niununo Lu.

Luka 4:1

Naruei telikiti na Yesu naio binimei bereio ea tanobuku na marauei na Yortano ea vio na Jone baruei ea naio, naio binimei bujo vatitig ka Niununo Lu. Ana na Niununo buru Yesu ban ea vio yauo bereio,

1 Pitere 1:12

Beamu be tinielo ka naio be toro na toru tai ea kialo bogo ga, avona iorou, abitilubar ka vite nalo nei napano aju aberialio, maka ve kialo bogo, mia ka ve kiado na iorou. Naruei kamiu bunu kubitilubar ka vite nalo nanua m̃a naverialiano nalo ajum̃a aberialio beamu binimei, nina naruei abinimei abe riano ea iliano nalo na Ioluano Vou nabo napano kumemi numioliolu ka ban kamiu ea Niununo Lu na mave kanano moroano ruei. Mia maka ve naverialiano nalo ga, mia nailiano nalo bunu ajidom ajikia vite nalo nei, mia makanio, maka ve kialo ka ajikia. Tenalo nei amalmaluvo vonga meravo ea kiado bogo ga.

1 Korin 14:5

Ee, kiniou najaaro ver kamiu kuvil sel iliano dolu jibe na, mia nemialio ka bo lie ver kuvitu kuverial Atua kiano iliano van kulo dolu nalo. Naio napano jo berial Atua kiano iliano nalo, kiano im̃auano bo lie loa ka napano jo mijev jel iliano dolu. Nina bior naio napano jo mil jel iliano dolu, kiano im̃auano maka jikia rivar m̃arati ea kulo dolu kialo meuliano. Kiano im̃auano maka rijikia vagan lotuano ver maka tai napano jo bilig kiano iliano nalo ka kulo dolu nalo ajikia ajoglubario.

Im̃auano 11:15

“Mia bogo napano Kornelias naio mil bisi, ana na kiniou kija nemil banlo, mia monloglog bogo napano nojom̃a nejikar ka nemil kia ga, ana Niununo Lu batove ealo javukia ga napano jom̃a batove ea kito be moti nanua ruei.

Im̃auano 6:5

Naruei nalo napano ea burum̃ara taara nei, nalo amijog jidomiano nei, mia ajaaro toru laka kanio, ana amileal tomu aluo jibe kanio napano nalo aberenio. Nalo aluo nei napano amilealo, nalo tai be Stevin, napano be toro tai napano jikili ka monmonea, a naio bujo ka Niununo Lu, bija Vilip bunu, a Pokaras, a Nikeno, a Timon, a Pamenas, a Nikolas toro na vio Antioko, napano naio maka ve toro Ju, mia naio monea kulo Ju nalo kanalo Atua ruei.

Im̃auano 6:3

Verenio tibe na, kamiu monokanio kuvileal tomu ve aluo ea kamiu, napano sialo bo ea tomu nalo miralo, a napano abujo ka Niununo Lu, a napano abarlo ka im̃auano, kanio mia kumemi nuvitiri bulaglo ka nalo ave taara sesa ka avitikar vatitig im̃auano dolu nalo nei.

Im̃auano 1:8

Ana na iorou kanio, Niununo Lu naio rimei ea kamiu, ana bogoti nei naruei kuvijev moroano, ana mia kamiu monokanio kuva kuverial kiniou ea vio Yerusalemo nei, a ea vio dolu nalo nonovio napano yako Yutea vija Sameria, rivano-o rivokar vio dolu nalo na yetemeriba reraio.”

Luka 1:15

Kiritete nene, mia naio rimei rive Atua kanano toro na toru tai, a mia naio tibe ka toro lu tai, mia naio rivel ka m̃arjum̃elm̃elu vija uei na bitunu. Tikario ea bogo napano joa kia ga kenieno mabono, mia Niununo Lu to rivujolou ea naio ruei.

Eveso 6:18

A vija vite nalo na, kamiu monoka kubolkouo bunu, monoka kuvika den Atua ka rijai kamiu. Bogo nonovio ga, monoka kuvitum̃a kubolkouo ea moroano na Niununo Lu, mia kuvitu tiniemiu rimaio ka namoneano lu dolu nalo tulaka ea kenemiu volkouano nalo, napano mia miremiu nalo ve temi re bogo tai.

Eveso 3:19

Riano ga na, kiano tinietiiano nene naio toru, mia maka garuei, kito maka rejikia rover romijikia batitig naio ruei. Mia bekurano, kiniou nobolkouo ga ka mia kamiu kumijikia kuvial kiano jidomiano nene ea kenemiu meuliano nalo, rivano-o mia Atua kiano bajago novo nalo, a kiano meuliano novo, avujolou batitig ea kamiu.

Im̃auano 11:24

Barnabas naio mila jibe na bior naio be toro novo laka, napano Niununo Lu bujolou eaio, a naio biekouo ea Atua, mo jibe na, ana tomu telabo abinimei ea Atua ka bogo na.

Im̃auano 6:8

Naruei nalo aluo nei tai, napano Stevin, naio be toro tai napano bujo ka Atua kiano tiniememiano, a bujo bunu ka burum̃ara moroano na Atua kiano, mila ana naio mim̃auka burutomoluo telabo a vite na iloiano bunu ban tomu nalo.

Luka 21:15

bior rimonloglog bogo nene ga, mia kiniou nesian iliano na masouano rivan kamiu. Mia bogo na kuver iliano nalo nei ka kenemiu uolu nalo, mia tovulo, mia ajikia re ka atup̃edop̃e bereio kenemiu iliano nene.

Luka 1:67

Naruei Niununo Lu binimei bujomagmago ea Sakaraia, kiritete telisu nei karam̃ano, ana naio berial jibe nei, ber

Luka 1:41

Mia bogo napano Lesveti naio mijog lubar Mere joono ka mil banio, naio mijog ka kenerinio napano joa naio, bijobijo toru. Naruei Niununo Lu binimei ea Lesveti, naio binimei bujolou eaio,

Mataiu 10:19

Mia ka bogo na nalo amei avuru kamiu, bo ka mia niukniuku rivie re kamiu m̃ele, kuver ‘?Mia neil tum̃abe, a never venia vanlo?’ bior mia Niununo Lu naio sian iliano van kamiu ka mia kuverialio, rimemedu ka bogo na iliano.

2 Pitere 1:21

Nina bior napano verialiano nalo nei, maka lele amaluvo den toro kiano jidomiano, mia Atua kiano Niununo naio mim̃au ea tomu nalo, naio jukamu kalo ka averial Atua kanano verialiano.

Im̃auano 2:3

Naruei ana nalo amial vite tai jibe kanio sebi naio bilvili, ana na sebi nene jerabo ba janea nalo abeve terakurano.

Im̃auano 8:17

Jibe na, ana Pitere naio Jone, naljuo amila jibe na banlo naruei, ana nalo abokar Niununo Lu ka bogo nene naruei.

Im̃auano 10:47

Ana na Pitere ber ka nalo napano naliko naio, berinavo “!Kamiu kumialio na! Vonganei, nalo abokar Niununo Lu jibe ka ga napano kito rabakario jukamu. Jibe na, mia maka rejikia roverburelo bunu ka mia ravaruei re ealo.”

Im̃auano 15:8

Atua naio mila jibe na bior naio maka tibure nalo nei den kito, mia naio mial tinielo beverare jibe ka napano naio mijikia vatitig vaio napano jua kiado iviso nalo. Naio berial ka naio jaaro ka nalo amijikia amonea kia ga m̃arabo napano kito rojum̃a romoneaio, napano naio mije Niununo Lu banlo, a napano naio jekon kialo iviso nalo meravo bunu, bior nalo abarkar tinielo ea naio, javukia kito.