Im̃auano 2:27 - Verikariano Vou Na Baki

²⁷ Ana jau Atua, mia jau kotuvan re niunuku toa vio na nam̃ariano, a mia jau kajamo ka re taniabene na kanamo Toro Lu na kanamo im̃auano rimenunu.

Im̃auano 2:27 ပူးပေါင်းရင်းမြစ်များ

Im̃auano 2:31

mia bogo napano vite nei maka riyotuba vo, naio mial ruei ka mia Atua rila Naverikariano nei naio rimeul bereio ea nam̃ariano. Tenene na m̃a Teviti naio berenio ea kanano iliano napano berenio, berinavo Atua naio maka tuvan niununo tobo ea vio na nam̃ariano, a maka rijamo ka kanano tati tobo rimenunu.

Navisip̃eiano 1:18

Naio napano be burupati na meuliano be kiniou nei, bior napano kiniou nemeul, karina nam̃aro, karina nemeul bereio, nemeul to toboto. Kiniou nei naruei napano vulariano na m̃ariano a vulariano na bulukusebi kirivova nei na tomu na m̃ariano, nalo ajua jum̃aku.

Navisip̃eiano 20:13

Mia bija tomu na m̃ariano nalo nei, nalo napano am̃arm̃aro ajua tei, a nalo napano m̃a am̃arm̃aro aba ajua vio na jogvaiano ruei, nalo abiniu abinimei bereio ka atiburelo memedu ka kialo im̃auano.

1 Korin 15:55

Ea bogo na, mia kito reielkuei vite nei m̃ariano, rover tibe nei, rover “M̃ariano, jau kojidom koto mave, mia vonganei kiamo sebi m̃aro garuei. Kiamo m̃arbutoto ka tulu kumemi jo be vonganei?” Osea 13:14

1 Korin 15:52

Jibe ka napano rojetavoko mirado bogo bulati kirisop̃eli ga, mia rotabujo ka vaarakurano ga simeduo rivio, a mia namoneano nalo napano am̃arm̃aro ruei mia atarabujo ameul bereio vija mokotenalo vou, a kito bunu napano romeul kia ea bogo na, mokotenado bunu rive terivou.

Jone 11:39

Ana Yesu naio berinavo atubonlar puruveru na toru nei. Mia Marita naio mijog Yesu ber atubonlar puruveru, mia naio jidom riverbureio, ber kanio, berinavo “Tubo, maka rivu ka rala tibe na, bior naio m̃aro bogoti ver barlaka ruei, mia bonoti rivova laka na.”

Navisip̃eiano 3:7

“Bereio, jau monoka kovivitauia m̃esi tai riva van nailiano na lotuano na komeli na vio Vilatelvia, jau kover tibe nei, koverinavo ‘Iliano na napano biedu ban kamiu, naio binimei den naio napano be lu, a naio be riano, napano naio naruei naio midu vukariano na vetavoiano na m̃aratavo napano Parinio Tubo Teviti re nua kiano. Venia napano naio betavo eaio, maka toro tai rijikia tetavoko bereio, a venia napano naio jetavokoio, maka toro tai rijikia rivetavo ea bereio.

1 Jone 2:20

Mia kamiu na m̃a kumitu bo kia navo, Toro Lu Kristo naio mioako kamiu ruei, naruei kamiu kubitilubar kanano ilirianiano, mia maka kuvijikia kuvitaluvo den naio bereio.

Luka 4:34

“?Ei, Yesu re Nasarete, kiamo vaio joa kumemi? !P̃eli jau kobinimei ka kalakiki kumemi, a! Bior nemijikiaso ruei, ka kobe Toru Lu nabo tai na Atua kanano.”

Luka 1:35

Ana na nailiano berdop̃e, berinavo “Mia Niununo Lu rivatove easo, a mia moroano na Atua Na Loa Laka kiano rimei sovokoso, ana na mia jau kop̃igi. Ana bior mia jau kotibe na, mia nalo averinavo kiritete lu napano mia jau koduio be ‘Atua kenerinio.’

Yesu Kristo Kiano Ioluano Vou Napano MAK Bivitauiaio 1:24

ana mila toro neibano miaga va souo, naio mil ban Yesu berinavo “?Yesu re Nasarete, kiamo venia jua kumemi? P̃eli na jau kobinimei ka kala lelan kumemi, a! Kiniou namijikiaso ruei, ka jau kobe kirinovo, kobe Atua kiano Tolu tai.”

Mataiu 11:23

“!A kamiu kulo Kapeneam, napano m̃a kumitum̃a kubarvar ka kamiu, a kumisidom kuvitu mave laka, mia kamiu kuvitikar kamiu! Mia Atua naio rivuku kamiu kuvatove laka ea bulukusebi. A verenio kulo Sotomo nalo aial burutomoluo nalo napano kamiu kumialio nei, mia p̃eli aviliglo ka mia burum̃ara sebi na vio mave maka rijikia sisen kialo vio rivakovio. Mia kamiu kumial burutomoluo nalo nei ruei, mia kamiu maka kuvilig kamiu leleio vo.

Im̃auano 4:27

Atua Sop̃i, kumemi numial iliano nei be riano, naio memedu ga ka kenememi bogo na vonganei, bior memedu ea bulukomeli nei, Erot naio Pontas Pailat, naliko kulo Israel nalo, naliko kulo dolu nalo nei, tiniel mimi toru ka Toro Lu na kanamo im̃auano nei Yesu, napano naio be Naverikariano napano jau komioakoio, ana nalo ajidomii kakario ka mia ala lelan naio.

Im̃auano 3:14

Bekurano ka naio bar sio na ka be Toro Lu a Toro Na Memedu, mia ea bogo napano kenemiu iliano jibe na naruei, kuber maka kuvisidom naio. Mia kuber ka ga Pailat kuberinavo kamiu kumisidom toro nam̃a muemue toro m̃aro ruei naio mijikia taluvo, mia Yesu naio tobo, ana Pailat naio mijamo kanio.

Luka 16:23

Mia abuku deven naio ban ea sebi, napano mijog naio bova-o mia bova laka, mia iorou ana naio jirarag bavin, mial koalabo laka, naio mial Epraamo naio jo, a mial ka napano Lasaros jotano naljuo naio, abe juo ajum̃a ajinan.

Luka 24:44

Karina na, Yesu mil banlo, berinavo “Bogo na nanua m̃a nojo kitoliko nua, kiniou nojom̃a neberii iliano miroano ea yati na nonovio na Navivitauiano Lu nalo ban kamiu ruei. Kiniou nobar iliano nalo na ea niosi na Mosis kiano, ea naverialiano nalo kialo niosi nalo, a ea niosi na Iouano lu nalo, naruei kiniou neberial ka iliano nalo na naruei, aberii kiniou ga, mia amei ave riano rivesiou re ga na. Tenene na kiniou neber jibe na ka kamiu, mia vonganei naruei kumial vite nonovio nalo na abinimei be riano ruei ea miremiu nalo.”

Im̃auano 2:26

Jibe na naruei, ana tinieku jaaro, a buruminaku miou, kiniou nebe toro ga, mia nabarkar tinieku jikili ea Atua.

Im̃auano 2:28

Jau kobisip̃e m̃arabo nalo na meuliano ka kiniou ruei, a mia tinieku rivujo ka saariano na toru, napano jau kojo bija kiniou.’ Iouano 16:8-11