Im̃auano 17:7 - Verikariano Vou Na Baki

⁷ Ana toro nei, Jesono, naio burulo aban ea kunuano, ana nalo nei abova, ajum̃a amila kokorov tuboiano na parinio tubo na vio Romo nei, Sisa, kiano. Sisa nene ga naio berenio ruei ka mia rolotu ka naio ga, mia nalo nei ajum̃a aberenio aberinavo parinio tubo takurano ga ea yetemeriba nei, nina naio be toro tai napano siano Yesu.”

Im̃auano 17:7 ပူးပေါင်းရင်းမြစ်များ

Luka 23:2

Naruei amila veriiano ban Pailat, aber bulavulag vite telabo banio, tivelinio ka Yesu. Nalo aberenio aberinavo “Kema na, jom̃a mila bulag tomu na kenememi venuo kialo jidomiano, naio jom̃a berburelo ka avulu re bunu takis van kiamo boru parinio tubo Sisa na Romo, a naio jom̃a miaia naio toru ber naio bar sio na Naverikariano, jibe ka naio be kenememi parinio tubo na toru. Vite nalo na naruei, kumemi numialio ka mirememi memedu.”

Im̃auano 16:21

Nalo ajum̃a ajadua kito ka ratakii kanalo bajago tealo, mia ea tuboiano na vio Romo napano roju tan kanio ea vio nei, maka rimemedu leleio ka rala tibe ka napano nalo ajum̃a aberenio.”

Jone 19:12

Telikiti napano Pailat mijog Yesu mil jibe na, naio milavon bereio naio jidom ka tuvan naio rivan ga tibe na, mia kulo Ju nalo kialo tomu na tortoru abio bereio, aberinavo “Kema na naio barvar ka naio-o mia, berinavo naio be parinio tubo tai, naio jidom rila naio to mave, ka kanamo toro na toru nei Parinio tubo Sisa naio totano. Tibe na, ver jau kotuvan naio rivano ga tibe na, jau komila im̃auano tai napano mia Sisa naio maka saaro ka leleio ga, mia rivuku larso den kiamo im̃auano na.”

1 Pitere 2:15

Atua naio jidom ka kanano tomu nalo monoka ala rivu, bior ka napano ver rotu rala tibe na tulaka, mia tomu nalo na m̃a maka ajikia vite, napano ajum̃a abuku iliano vovu die kito, mia ajikia re bunu ka aver titai leleio.

Luka 10:38

Mia ka bogo na, Yesu naliko kiano naiagagoano nalo ajum̃a amiel abavin mave Yerusalemo, naruei nalo amalmaluvo ea m̃arkomeli na telisu na Betani, ana ea vio na tira na Marita naio buru Yesu ban ea kialo vonuo.

Im̃auano 17:5

Mia tomu na tortoru na kulo Ju nalo maka asaaro, nalo amijoku, ana naruei aberii ka mia ala von vite tai. Ana aba amial terati na parilo jikili nalo na vio nei, ana aburu nalo tealo napano abova lie vo, ana aba aburu tomu nalo telabo bereio ana amila burum̃ara tiniobi na, ana nalo aba amila burum̃ara uetubaiano janea m̃arkomeli nei. Ana nalo aberiam̃a Pol naljuo Sailas nalo ajua yimo na toro tai kunuano, siano Jesono, ana nalo aban kalo ea yimo nene, ka avurulo ava komeli. Ana abinimei abokar yimo nei, ana amila searo mia, amila korovio m̃aratavo nene,

Im̃auano 17:8

Ana tomu nalo bija kulo navurim̃araboiano nalo na m̃arkomeli nei, bogoti napano amijog iliano nei, mia nalo tinielo jikili, ana ajum̃a amiaganiaga a ajum̃a amil bova toru laka.

Yemesi 2:25

Mo kamiu kuvisidomii von Reavo nei, na nanua beamu naio be tira na jom̃a jaano jeregii ga ea m̃arabo. ?Mia Atua mila naio memedu bija naio jum̃abe? Nina bior naio bitikar batitig tomu juo na vio Israel nei, napano naljuo abinimei benalukluku ga ka avitilubarbar vio Jeriko. Naio buru van tomu juo nei ea kunuano, avona bisi ana iorou ana naio jiloglog m̃arabo dolu ka naljuo ka amijikia avuro avan bereio.