Im̃auano 16:31 - Verikariano Vou Na Baki

³¹ Naruei tomjuo nei aber kanio aberinavo “Jau monoka komonea Tubo Yesu, ana jau kovokar ioruriano, jau kamliko nalo na ea kanamo m̃aratavo.”

Im̃auano 16:31 ပူးပေါင်းရင်းမြစ်များ

Jone 1:12

Mia tealo ajaaro kanio, amoneaio, naruei ea nalo na abiniu, naio mijamo kalo ka amijikia amei ave Atua kenerinio nalo.

Jone 3:36

“Tibe na, kito napano romonea naio, robokar ruei meuliano nei napano naio to tobo to. Mia toro napano maka m̃a rimonmonea naio, mia naio rijikia re rial meuliano nei bogo tai, mia Atua kanano tiniemimiano ve toru toa naio.”

Yesu Kristo Kiano Ioluano Vou Napano MAK Bivitauiaio 16:16

Ver toro tai rijogio, mia naio rimoneaio, mia karina avaruei ea naio, toro nene mia naio rijev ioruriano. Ana naio napano ver maka rimoneaio, mia Atua naio riverkar m̃ariano vanio.

Kalesia 3:26

Ana bior napano kamiu kubarkar tiniemiu ea Kristo Yesu, kamiu nonovio kamliko naio kube Atua kenerinio nalo.

Im̃auano 18:8

Mia navurim̃araboiano na yimo na volkouano nei, napano siano be Krispas, naio tai nene napano monea Tubo Yesu, naio naliko nalo na ea kiano m̃aratavo, a be tomu dolu nalo telabo na vio Korin bunu napano bogo napano amijog Pol kiano iliano nalo, mia nalo amoneaio, mia karina amila varueiano ealo.

Kalesia 3:22

Mia maka titai tibe na, bior Iliano Lu naio berenio ruei ber kito nonovio rojutano ka moroano na kariano, kito roju romila korov tuboiano ga. Mia Atua kiano ilivuiano nalo napano berkar ka mia sianio, nalo amijikia amaluvo ea kito bior napano ga kito rabarkar tiniedo ea Yesu Kristo.

Im̃auano 15:11

Mia nalo amoneaio, a kito bunu ga romoneaio bijalo, ka kito nonovio rabarkar tiniedo ea Tubo Yesu, a robokar bunu meuliano ea naio, binimei ga ea kiano tiniememiano ga.”

Im̃auano 4:12

Mia maka m̃arabo dolu tai bereio napano mia romijikia rovokar meuliano eaio, bior Atua naio maka sian sio dolu tai leleio van kito ea yetemeriba nei napano mijikia rilarur kito eaio.”

Im̃auano 16:32

Naruei nalo aberial Tubo kiano iliano banio, a ban nalo na ajua kiano vonuo,

Jone 6:47

“Nao, kiniou nojom̃a neber be riano laka ban kamiu, ka tomu nalo nonovio napano amonea kiniou, aju jouro ea meuliano ruei, na maka jikia bisi,

Jone 6:40

Karam̃aku naio jidom toru ka tibe nei naruei, ka nalo nonovio napano m̃a amial kiniou, ana amonea kiniou, mia nalo avokar meuliano nei napano naio maka ve jukuti nene, a naio jidom toru bunu ka ea legiano na maaro, ka mia kiniou naruei nevitiri bulaglo bereio.”

Kalesia 3:14

Kristo naio mijamo ka naio jibe na, ka tomu nalo napano maka ave kulo Ju, nalo amijikia avokar bunu ka ilivuiano nalo napano Atua berkario ban Epraamo, ana vite nei mila ana vonganei, kito napano robiekouo ea Kristo, romijikia rejev Niununo Lu napano Atua berkario ka mia rije van tomu nalo.

Im̃auano 16:15

Ana ea bogo na, Litia nei naliko nalo na ea kiano vonuo, abiniu abokar varueiano. Avona bisi, ana naio jadua jikili ban kumemi, naio berinavo “Verenio kamiu kumial kiniou noju jikili riano ea Tubo, kiniou nejidom ka kamiu kumei kuvitua kunuaku kija.” Jibe na naruei, ana na naio buru kumemi nuba numitua kanano vonuo.

Jone 20:31

Mia iliano nonovio na jua niosi nei, be tena rijai kamiu kumijikia kumonea ka Yesu naio be Naverikariano, naio be Atua kenerinio riano. Naruei kenemiu moneano ea siano na, mia ve m̃arabo na mia kuvokar meuliano ea naio.

Romo 11:16

Mia kiniou never jamerijiano tai ea vio nei ea tivelinio na m̃ariesi moti nalo napano roju robario ban ea yimo na volkouano, rober siva ka Atua biorio, romioa rive lu. Mia bogo napano rojian m̃ariesi moti ban Atua, mila na m̃ariesi dolu nonovio napano maka rosianio, nalo bunu abe lu, abe Atua kiano. Ana kulo Ju kialo tormoruo nalo ajibe m̃ariesi moti nalo napano aban ea Atua kunuano beamu, a nina mila ka Ju dolu nalo napano abinimei iorou, nalo bunu ave Atua kiano. A bereio, tormoruo nalo nei ajibe burupati iesi tai napano ju miluo joomo ea Atua kiano tiniavio, a verenio burupati ve Atua kiano, mia jaati nalo napano amei iorou, nalo bunu ave Atua kiano.

Im̃auano 8:36

Mia ka bogo na, abe juo aju aburo ea rukuruku kia ga vo, ajakii m̃arabo abano, mia nalo abinimei abokar vio tai napano uei tai joaio. Naruei bogo napano toro na toru nei naio mial uei nei, naio mil ban Vilip, berinavo “Kiniou nejidom ka jau kavaruei ea kiniou, mo keialio, ninei be uei tanie jo. ?P̃eli maka bunu ve titai tokovio ka kito juo ka kavaruei ea re kiniou a?”