Im̃auano 15:2 - Verikariano Vou Na Baki

² Mia Pol naio Barnabas, naljuo maka asaaro leleio ka iliano nei, bior amijikia ka Lilianiano Vou na bo na Tubo kiano naio maka river tibe na, naruei amil jikili banlo, amila baravo naliko jiou kija jibe nei, ka amila vonio ka averbure nalo nei averloglog re bunu tomu nalo ka vovuiano na jibe nei. Ana kulo namoneano na vio Antioko, nalo ajidomii m̃elea iliano nalo nei bano-o mia deio, ana amial jibe bo ka nalo aiila Pol naio Barnabas, a vija bunu ga nalo tealo, avavin Yerusalemo, avan aial atevi nalo a navurim̃araboiano nalo, ka ajog vonio ka kulo kouo nalo nei ajidomii jum̃abe ka tivelinio na vite neibano ajum̃a amila baravo biorio.

Im̃auano 15:2 ပူးပေါင်းရင်းမြစ်များ

Kalesia 2:5

Mia kumemi numisidom nuvakar vatitig ilirianiano na Ioluano Vou, ka mia kamiu kumijikia kuvakario rimemedu ga, naruei nuberburelo, ana maka nuvijamo kalo leleio, napano aju ajidom ayuku kinimemi iliano rivatove.

2 Korin 11:5

Atevi dolu nalo aju amila sibi vatitig ban kamiu ka vite nalo nei, mia nemial ka kumitu kumisidomii mave laka kalo. Kamiu kumila jibe napano nalo ga abe atevi na kiado yetemeriba nei, a kumitu kumidu kiniou nojo yetano, naruei maka nosidomii ka nina naio memedu.

Im̃auano 15:4

Nalo amila jibe na ban bano-o, abatove abokar vio Yerusalemo, ana aba amial taara na namoneano nalo, a bija atevi nalo a navurim̃araboiano nalo na nalotuano, mia nalo nei ajaaro ka amial Pol naliko Barnabas, amila ilivorvoruano banlo. Jibe na ana mo Pol naio Barnabas naljuo bunu amila veriiano bunu ban nalo na vio Yerusalemo, aberii jum̃abe napano Atua naio mila im̃auano telabo ruei banlo, napano naljuo aba abokar nalo napano maka ave kulo Ju, a amioliolu banlo, aberinavo verenio nalo amonea ga Kristo, mia Atua naio rilarurlo.

M̃esi Napano JUT Bivitauiaio 1:3

Banalo, beamu kiniou nejidom nevivitauia m̃esi tai van kamiu ka neverial jidomiano tealo ea tivelinio na ioruriano novo na m̃a kito nonovio robokario, mia vonganei ga iliano tai binimei bokar kiniou jelea kamiu, naruei namial ka monoka nevivitauii vite dolu naruei. Kiniou nomijog jibe vite tealo abova kija, tenena nejidom never ka kamiu ka kuvitumolu kuvitu sikili, kuvisikili ka p̃irimiu rivalo ka kuvokar vatitig kiado moneano. Kiado moneano nene, Atua naio jian binimei ban namoneano lu re nua vaarakurano ruei, naruei maka ve tena aje bukua p̃eli aiasol dolu tai mave kanio bereio.

1 Korin 1:1

Bilbilu nalo na Korin, kiniou napano nebivitauia m̃esi nei biedu ban kamiu, kiniou Pol, napano Atua jidom ka nemei neve Kristo Yesu kenerinio kiano atevi tai, ana naio bio kiniou, bitirilar kiniou ka navakar im̃auano tibe na. Kiniou nojoa vio nei bija kiado bilbilu nei Sostinis, ana kumemi juo nuberenio kavijo bo p̃eli bogiano bo ban kamiu nonovio,

Im̃auano 21:18

Naruei numon, viomijeni kavijo ana kumemliko Pol, nubano numaluvo ka Yemesi, ana navurim̃araboiano dolu nalo na nalotuano na vio Yerusalemo bunu nalo aju ea bogo nei.

Im̃auano 16:4

Naruei ka bogo na nalo ajum̃a ajeliviv ea komeli nalo, ajum̃a ajian iliano ban namoneano nalo, aberial banlo tuboiano napano naiagagoano nalo a navurim̃araboiano nalo re Yerusalemo aberenio ea kialo vioriano jukamu ruei, ana na Pol nalo aber kalo ka monoka atakilili iliano nalo nei naruei.

Im̃auano 15:27

Naljuo neibano, Jutas naio Sailas, mia ave juo atukunu vatitigio lie vo van kamiu, riveverare ka ga vaio napano nubivitauia ban kamiu ea m̃esi nei.

Im̃auano 15:25

Ana kuruado novo juo nei, Pol naljuo Barnabas, napano nalo na maka asidomii ve temi ka kanalo meuliano, mia aju ajidom yebekavo toru ka ga averial Tubo Yesu Kristo siano, kamiu kuviila nalo na amei aial kumemi rivior vite nei. Ana kumemi nuvioro kanio, kumemi nuvitiio rivano-o, naruei nuvironkario ka mia nuviila kuruado juo na vio nei adu m̃esi nei, aviedu bereio naliko Pol naio Barnabas.

Im̃auano 11:12

Naruei Niununo Lu naio mil ban kiniou, berinavo ‘Jau maka kejikia koverenio maka kasaaro ka kava kamliko nalo tolu na,’ mia kiniou naban ga, a kuruado dolu nalo ari nei na vio Jopa, nalo bunu abinimei kumemilikolo. Kumemi nubano-o nuboru Sisiria, ana na nalo aburu kumemi nuban ea toro neibano Kornelias kunuano.

Im̃auano 10:23

Mo bior m̃erenio batove ruei, ana Pitere naio burulo aba amon ea yimo napano naio joaio, ka mia aviniu aiel kia ga kavijova avatove. Viomijeni kanio bereio, ana Pitere naio bano naliko, a naliko bunu namoneano dolu nalo na vio Jopa, nalo aban bunu naliko.