Im̃auano 15:18 - Verikariano Vou Na Baki

¹⁸ Kiniou nebe Atua Sop̃i, napano nemila tomu nalo abitilubar vite nalo nei, jikar nanua beamu laka ruei, kiaku verikariano jibe na naruei.’ ” Amos 9:11,12

Im̃auano 15:18 ပူးပေါင်းရင်းမြစ်များ

Eveso 3:9

mia nojo nejiloglog bunu banlo jum̃abe napano Atua naio mila kiano jidomiano nei maluvo. Jikario ea bogo napano Atua naio ji saba nonovio, binimei bokar bogo nalo napano abarlaka ban ruei, Atua naio bigivanio kiano jidomiano nei jo.

Eveso 1:4

Nina jibe bogo na vio yetano nei naio makanio vo, ana Atua naio berko kito ruei kan romei rove takurano kiteaku Kristo, ka rove kanano, a kan kiado meuliano naio rimeravo rivu ea mirano, napano mia maka niamiamo tai toaio.

1 Pitere 1:20

Atua naio bijauia Yesu ka rijai kito tibena nanua beamu ruei. Beamu ka bogo na naio jii yetemeriba, mia naio bokar kenerinio nei bija naio jibe na ba tinien miia kito laka, naruei naio miila naio miyotuba vonganei ga ea legiano nalo na maariano nei.

Eveso 1:11

Vite nalo nonovio monoka amalmaluvo rimemedu ga ka na Atua naio jidomkakar ka rilaio. Mia jakii kiano jidomiano nei nanua beamu, naio berkar berinavo kumemi kulo Israel ka kumemi nuve kiano, ka kumemi nuve takurano kumemi liko Kristo.

Im̃auano 17:26

Atua nene naruei, naio mila tomu kinkin nalo nonovio amaluvo ea toro na jukamu napano naio jiio, ana jukamu beamu ruei, naio jekar bogoti nalo a vio nalo reraio ea mirano yetemeriba nei, napano mia kulo kinkin nalo nei amijikia ameul eaio.

2Tesa 2:13

Vite tai napano monoka nuvila bogo nonovio, kumemi monoka nuver siva ka Tubo Atua rivior kamiu kuviniu kuruememi a kuviviniememi nalo, napano naio jidom kamiu toru laka. Jikar nua ruei, naio bijauia bulag kamiu ka mia kuve m̃arati moti ka kumonea kiano ilirianiano, a Niununo mim̃au ea kenemiu meuliano, kumei kumeravo ea mirano, ana mia naio rijikia rilarur kamiu.

Mataiu 13:35

Jibe na, ana mila naverialiano nanua kanano iliano be riano, napano Atua ber “Mia kiniou neverial kanaku iliano nalo ea ga jamerijiano, mia kiniou neverial saba nalo napano ajuluku koalabo laka nua ruei aju nunu kia ga vo, jikar ka bogo na nejii yetemeriba, binimei bokar banei.” Iouano 78:2

Navisip̃eiano 17:8

“Buruolu na komialio, naio jo beamu, mia maka bunu to vonganei. Ana ka bogo tai napano jo binimei, mia naio riyotuba rimei mave bereio den bulukup̃ili napano joaio vonganei, mia rivan ka rim̃aro ea kanano vironiano. Ana ea bogo na, tomu nalo na yetemeriba napano aju keano vo, mia aial buruolu nene. Nina be nalo napano jikar ea tikariano na yetemeriba, sialo maka to joomo ea niosi na meuliano. Mia bogo na aial naio, mia aiilo ve toru, bior amijikia ka naio jo beamu nua, karina maka bunu to bogo kirisiou laka, karina, naio miyotuba bereio.

Navisip̃eiano 13:8

Naio mijikia rive tubo tibe na rivano-o rivan nalo nonovio na yetemeriba mia avatove ka naio, mia nalo tealo maka avatove kanio, a nina be nalo ga napano jikar ea tikariano na yetemeriba, sialo abivitauia ju joomo ea niosi na meuliano na nunu solbouo nanua amuebin m̃aro.

Mataiu 25:34

Ana mia naio river ka nalo na ea jum̃ano meruo, riverenio ‘Kamiu kumei naruei, kube tomu nalo napano karam̃aku milivu ka kamiu. Kamiu kumei kuvidu jelemiu jouro ea kiano navenatuboiano, napano naio mila batitigio jororea kamiu ruei, ka bogo napano naio jii yetemeriba nei eaio.