Im̃auano 15:13 - Verikariano Vou Na Baki

¹³ Ana bogo napano naljuo ajukunu ka vite nalo nei bisi, ana Yemesi nei, napano naio be kanalo toro na toru tai yako Yerusalemo, naio jumolu jusol iliano ban tomu nalo, berinavo “Kuruaku nalo, nejidom kamiu kuviagago ka kiniou beamu vo.

Im̃auano 15:13 ပူးပေါင်းရင်းမြစ်များ

Im̃auano 12:17

Ana Pitere jisiu benavena ga banlo, juvan jum̃ano berinavo aturm̃aro ga, ana naio jukunu banlo ka jum̃abe napano Atua burular naio den yimo na tetavokoiano. Ana naio ber kalo berinavo “Bo ka kamiu kuva kuverial vite nei van Yemesi vonganei, a vija bunu ga kuruado dolu nalo na.” Ana iorou kanio, ana Pitere jaluvo bereio, ba joluku ea vio dolu tai.

Yemesi 1:1

Kiniou Yemesi, kiniou nobe toro na m̃a nemila Atua kiano im̃auano, a kiado Tubo Yesu Kristo kanano, napano nejirii m̃esi nei biedu ban kamiu, napano m̃a kube bajulukuti duelimo ba juo [12] na Israel, napano m̃a kumitua taara dedade nalo ea vio yetemeriba nei. ?Kiniou nebika neber jum̃abe, kamiu kumitu bo ga p̃eli na kumitu jum̃abe?

Kalesia 2:12

Beamu, Pitere naio mila memedu ga, kanio napano naio jo jinan ga naliko kuruado nalo napano nalo maka ave kulo Ju, mia iorou kanio, Yemesi miila kiano tomu tai abinimei Yerusalemo, ana nalo amil ban Pitere, nalo ajum̃a aber jibe nei aberinavo “Nalo napano maka ave kulo Ju, nalo bunu monoka avakuveulo, ver p̃eli, mia Atua maka rijikia rilarurlo.” Iliano nei maka takii vaio napano vioriano na toru nei berenio beamu, mia mila lelan Pitere kiano jidomiano, mila naio merou, ana kario naio maka bunu saaro ka sinan vio takurano naliko namoneano nalo na napano maka avakuveulo.

Kalesia 2:9

Naruei Yemesi naio Pitere a Jone, napano tomu nalo aberenio ka nalo ve tolu nei abe kialo navurim̃araboiano, nalo abitilubar ka Atua midu im̃auano maraiu nei joa jum̃aku ea kiano tiniememiano. Ana nalo tolu nei abinimei abanjum̃alo kumemliko Barnabas, jibe ka napano kumemi nube taara takurano kumemliko nalo, mia nubiniu numijamo ka nuvitibure im̃auano nalo, jibe ka napano mia kumemi ve juo nuva nuvioliolu ea vio nalo na tomu nalo napano maka ave kulo Ju, a mia nalo avan aioliolu ea kulo Ju nalo kialo vio.

Yemesi 1:19

Kuruaku a kuvivinioku novo nalo, mia kamiu tiniemiu ribobogia re iliano nei, ka tomu nonovio monoka ala sop̃eli ka aiagago ka tomu nonovio monoka ala sop̃eli ka aiagago kanio, ana monoka aviju kiki ka aili. Ana ala sopeli re ka tinielo rimimi,

Kalesia 1:19

Mia ka bogo na maka neial atevi dolu nalo bunu, mia takurano ga na nemialio, nina kialo navurim̃araboiano napano Yemesi ga, napano naio be kiado Tubo kuruano.

Im̃auano 22:1

Naruei Pol naio mil banlo berinavo “Banalo, kamliko teta nalo, kiniou nejidom ka kamiu kuvijamo ka kiniou never bisivisii vatitig vite nonovio van kamiu. Kamiu kuviagago vatitig rivu ka kiniou beamu vo.”

Im̃auano 21:18

Naruei numon, viomijeni kavijo ana kumemliko Pol, nubano numaluvo ka Yemesi, ana navurim̃araboiano dolu nalo na nalotuano na vio Yerusalemo bunu nalo aju ea bogo nei.

Im̃auano 7:2

Ana na Stevin naio berdop̃e, berenio berinavo “Karam̃aku nalo a kuruaku nalo, kamiu kuviagago ka kiaku verdop̃eiano beamu vo. Mia kiniou neverii korobido moruo nalo re nua tukamu vo. Nanua nanua laka, tormoruo Epraamo naio joa kanano buruvenuo napano Koltia, ea burum̃ara vio napano Mesopotomia, ana Atua na mermerano na kiado naio maluvo ka naio, berial kanio, berenio berinavo

Im̃auano 2:29

Banalo, kiniou nejidom neverial vite nei rimeravo van kamiu. Korobido nanua beamu, napano siano Teviti, naio m̃aro bogo be ruei, ajivinio nua ruei. Ninei be sano m̃artanbo nene nei joa kanado vio, jo binimei bokar vonganei.

Im̃auano 2:22

“Tomu nalo na Israel, kamiu kuviagago vatitigio ka kiaku iliano nei. Yesu na vio Nasarete, naio be toro napano Atua jiloglogio meravo ka kamiu ka naio be Naverikariano. Atua mila jibe na nina ea im̃auano nalo na moroano bija burutomoluo nalo napano naio mila Yesu mim̃aukanio ea miremiu nua ruei. Vite nalo na kamiu kumitu kumijikia ruei,

Im̃auano 2:14

Ana Pitere naliko atevi dolu nalo duelimo ba tai [11] nalo ajumormolu abinimei ajua vio nei, ana naio mil jouo banlo, napano berial jibe nei, berinavo “Bilbilu nalo, napano kamiu kube kulo Ju, bija kamiu kulo dolu nalo napano kamiu kumitua vio nei, ea Yerusalemo, kamiu kuviagago vatitigio ka kiniou ka never bisivisii vite nei van kamiu.

Yesu Kristo Kiano Ioluano Vou Napano MAK Bivitauiaio 15:40

A tire tealo napano ajum̃a ajakisor Yesu aju ka bogo nei, nalo ajikili aju koalabo kija, aju abitikar kialo naverloglogiano. Ea nalo nei, nalo tolu nei, be Mere tira re Maktala, a Mere dolu napano Yemesi naio Yoseve kenielo, a tira napano Salome.

Im̃auano 15:14

Kito romijog m̃a ruei ka napano Saimon nei, napano Pitere, naio ber bisivisii batitigio ban kito ruei jum̃abe napano Atua malmaluvo moti ka nalo napano maka ave kulo Ju, a napano naio buru bulag nalo tealo abinimei ka ave kulo vou tai napano siano joaio.