Im̃auano 13:39 - Verikariano Vou Na Baki

³⁹ Mosis kiano tuboiano maka lele rijikia rivurular kitojuo den kiado bajago na vovaiano, mia jau kei, napano verenio komonmonea Yesu sikili, ana mia naio rijelar kiamo bajago na kariano denso.

Im̃auano 13:39 ပူးပေါင်းရင်းမြစ်များ

Kalesia 2:16

Makanio, kito robe kulo Ju memedu nei, mia vonganei, kito romijikia ruei, ka toro maka rijikia rimemedu vija Atua, napano naio jo mijogkar vatitig ga Mosis kanano tuboiano. Toro napano monea Yesu Kristo, naio ga mijikia rimemedu rivija Atua. Jidomiano nei naruei mila kito kulo Ju kito monoka romonea Yesu ga bunu, ka kito romemedu vija Atua. Kamiu monoka kuvijikia vatitig iliano napano Atua kiano iliano lu berenio, napano berinavo maka toro tai leleio napano rimemedu vija Atua bior naio jakii batitig tuboiano na.

Romo 10:4

Nalo aju ajikili ka aber ka ajogkar tuboiano, naio ga be m̃arabo, mia m̃arabo nene bova ruei, kar napano kito robiniu romila korovio tuboiano nalo. M̃arabo napano kito rober ka romemedu bija Atua bior napano romijogkar tuboiano, Kristo juko ruei, a naio mim̃auka kiado m̃arabo vou tai. A vonganei, ver romonea ka Kristo bar bulag kiado kariano nalo, naruei Atua mijikia rila kito romei romemedu ea mirano.

Romo 8:3

Tomu nalo amila vio ka amonea vatitig Atua kiano tuboiano ka avokar ioruriano eaio, a maka ajikia ala kar toro parinio kirisikili laka. A venia napano maka ajikia alaio, Atua naruei milaio. Naio miila kenerinio Yesu binimei ea yetemeriba, mila mokotenano a kiano meuliano, be verare ka kito tomu na kariano. Mia Yesu binimei mijamo ka mokotenano a kiano meuliano nei jibe sida tai ka uelar vironiano na kiado kariano.

Abe Kulo Ju 7:19

Naio bijuku deio ka rila kito romei romemedu, tenene na Atua juvan m̃arabo moruo nene jobo garuei, ana mila jidomiano vou tai binimei medave, midu jeleigio. M̃arabo vou nei naruei romijikia romonea sikili ka naio be m̃arabo na be riano, napano mia naio mijikia rivuru m̃arabo ka kito ka mia romei vaataro ka Atua.

Romo 10:10

Nina bior napano toro na biekouo ea kiano iviso ka Yesu meul bereio ea m̃ariano, a berialio ea vio reraio ka Yesu be kiano Tubo, mia Atua sian re bunu vironiano van naio kar kiano kariano nalo, mia rilarur naio.

Romo 8:1

Kristo Yesu binimei ka rilarur kito, naruei mila ka kito napano kiado meuliano jo bo bija naio ruei, mia Atua maka leleio rijikia ridu vironiano van kito bogo tai.

Romo 4:15

Mia bereio, titai dolu mila meravo ka kito berenio Atua kiano verikariano novo nalo maka ajikia amaluvo ea bajago na jogkariano ea tuboiano. Nina bior ka bogo napano tuboiano jo, bajago na lakokoroviano na tuboiano monoka riyotuba, a iorou kanio, monoka vironiano tai kanio, ka napano maka toro tai napano jilimebi ka rilakorovio tuboiano bogo tai.

Romo 3:19

Ee, iliano nalo na amiyotuba ea Atua kiano tuboiano, a kito romijikia ka venia napano Atua kiano tuboiano berenio, naio jo jiloglog kito kulo Ju. Kito roju yetano ka tuboiano na, a toro na bitilubar venia na tuboiano na berenio, naio maka bunu iliano ka verenio, naio mijikia ka yetemeriba reraio amila kokorovio, monoka aviniu ka avar vironiano kanio.

Romo 5:20

Nua, Atua jian tuboiano ban Mosis, mia tuboiano nene jo berial ka tomu nalo ka kialo kariano nalo ju bujo laka. Mia bogo napano kariano nalo aju abinimei miroano lie bogo nonovio, Atua bunu ban lie vo, mila napano kiano tinieseseiano binimei toru lie vo.

Romo 5:9

Kiano burukija miou jekon kito romeravo ruei, ana robinimei romemedu ea Atua mirano a mila napano maka bunu titai toa kito napano naio mia ridu vironiano van kito kanio.

Jone 1:17

Beamu, Atua bitirilar tormoruo Mosis, ka naio du ga kanano tuboiano binimei ban kanano tomu nalo, mia Yesu Kristo, Atua bitirilar naio ka naio naruei bar bajago na tiniememiano a iliano na ilirianiano binimei ea yetemeriba nei.

Abe Kulo Ju 10:11

Kulo lu nalo na m̃a ajum̃a amim̃au ea bajago moruo, monoka ve tealo na m̃a legiano nonovio ga atumolu atua Vio Lu. Nalo ajum̃a amila jokoluolu sesa nalo dam̃ariga, napano abe vevirare ga bogo nonovio. Jokoluolu nalo nei ajum̃a amila bior kariano na tomu nalo ajum̃a amilaio, mia maka lele ajikia avare ka avar bulag bajago na kariano den tomu nalo kialo meuliano.

Abe Kulo Ju 10:4

Ajum̃a amijog jibe na bior kialo jidomiano tai jo, aber burukija na buruolu bue marauo p̃elina burukija na nani naio mijikia sekon bulag kialo kariano tum̃abe? Vite na, ajidom bitovitonia toru laka kanio, ban bano-o na abitiidieio, kialo kariano jo keano vo.

Romo 5:1

Bo ga, vonganei naio meravo bo ban kito ka tenalo napano mila kito romerevu bereio bija Atua, naio be kiado viekouoiano ea venia napano Yesu mila ka rijai kito. A bogo napano romijikia ka romerevu bija Atua jibe na, mila napano romial ka tum̃aro jo iviso ka kito bija naio,

Romo 4:24

mia bo ka rodu tibe iliano tai napano berii kito nonovio, kar napano kito bunu romonea Atua ka mia naio rila kito romei romemedu ea mirano tibe napano naio mila ka Epraamo. Kito romonea ka naio naruei napano miila Yesu binimei ka rivokar m̃ariano kar kiado kariano nalo, a romonea ka Atua naruei midular Yesu den nam̃ariano ka rila rimeravo rivu ka kito romerevu bereio bija naio na ruei.

Im̃auano 10:43

Ninei be Yesu nene kia ga napano naverialiano nalo aberial naio nanua ruei, napano aberenio aberinavo mia Atua riviekokoa tomu nalo napano amonea siano kialo kariano nalo, nina nalo napano mia avie kouo ea naio.”

Kalesia 5:3

Ee, tenene napano neber bereio iliano na jikili nei ka kamiu, ka toro napano verenio naio rijamo ka naio rivakuveu, naio jo midu naio jo yetan ka tuboiano nei bereio, a mia toro napano naio jotan ka tuboiano nei jibe ka naio monoka rivitikar vatitig ka rijogkar vite nonovio napano tuboiano nei berenio, ver p̃elina mia rije vironiano.

Kalesia 3:8

Bior Atua kiano Iliano Lu berial Ioluano Vou nei nuanua laka ruei, napano naio berii Epraamo berenio “Ea jau mia Atua rilivu ka yati na tomu nalo nonovio na vio yetemeriba nei.” Takii iliano nei, Iliano Lu berkario bunu ruei berinavo mia Atua to rila nalo na maka ave Ju mia amemedu naliko, verenio avarkar tinielo ea naio.

Kalesia 2:19

Ee, tuboiano na naio jidom rila ka kiniou nam̃aro, mia vonganei tuboiano na naio javukia tasim̃aro tai ga ea kiniou, kiniou nebisi eaio ruei. Kiniou nojuvan tuboiano na ruei, kanio kanaku meuliano toa ga Atua.

1 Korin 6:11

Riano ga, beamu na kamiu tealo ajibe na ruei, mia siva toru napano Niununo Lu jekon kamiu kumeravo, mila kube lu, a kiado Tubo Yesu Kristo mila kito romemedu vatitig bereio ea Atua mirano.

Romo 9:31

A kulo Ju nalo, amila vonio jikili ka amonea tuboiano ka rila amemedu ea Atua mirano, a nalo abijukudeio ga, ana mia rivova vanlo.

Jone 5:24

Ana Yesu mil lie vo, naio berinavo “Kamiu kuviagago vatitigio. Toro kei nam̃a monmonea kanaku iliano, a naio monea nana naio miila kiniou nabatove, ea bogo nei memedu mia naio rivokar meuliano. Naio maka totano yetano ka tibureiano tai leleio, bior naio jumolu den bajago na m̃ariano, ba bokar kiano meuliano vou ruei.

Luka 18:14

“Mo kamiu kumisidomii von: mia Atua naio saaro ka tomjuo nei na vabe kiano volkouano? Nao-o, toro napano bitilubar kiano kariano, naio mijog bova biorio, Atua mijelar kiano kariano. Mia dolu nene, naio ban bere vonuo napano kanano meuliano jo jibe ka ga bogo na naio binimei. Toro nam̃a jo bavavin ea naio, mia Atua rudu naio to yetano, mia toro nam̃a jo midu naio jo yetano, mia Atua rivitiri lario.”

Luka 10:28

Ana Yesu berkanio, berinavo “Nao, jau kober kirimemedu tanea na. Mia ver jau kala tibe na, mia jau kovokar meuliano na kojom̃a kobikanio na.”

Luka 10:25

Mia bogo tai bereio, toro tai napano be m̃asou bo ka tuboiano, naio jidom rijukujuku Yesu ea vikadeniano tai na kirisikili, naruei naio jumolu ju, bika den Yesu, berinavo “?Naverloglogiano, verenio kiniou nesidom nalavon ka navokar meuliano napano maka ve jukuti nene, mia kiniou monoka nala tum̃abe?”

Romo 3:20

Maka toro tai rijogkar ka tuboiano na Atua kanano rivare ka naio rimemedu ka Atua mirano, a tuboiano na mila na abiniu amijikia vatitig ka kariano joalo.