Im̃auano 13:23 - Verikariano Vou Na Baki

²³ Ana Atua naio berkar ban korobido nalo re nua nua nalo ruei, berinavo mia naio rudu toro tai ea tormoruo Teviti nei kanano bajulukuti, rudu naio van kito kulo Ju nalo, tibe kiado Ioruriano, ana vite nei Atua milaio ea toro nei Yesu ruei.

Im̃auano 13:23 ပူးပေါင်းရင်းမြစ်များ

Mataiu 1:1

Yesu Kristo naio miyotuba ea bajulukuti na tormoruo juo na tortoru na kulo Ju nalo korobilo, nina be Epraamo naio beamu, bija Teviti naio iorou kanio. Yesu korobinio nalo nonovio, sialo ajibe nei:

Navisip̃eiano 22:16

“Kiniou Yesu, nemiila kiaku nailiano na biedu ka riverial iliano nalo na vanso, ka jau komijikia kava kesian van kanaku lotuano nalo. Naverikariano napano aberkar ka mia rimaluvo ea tormoruo parinio tubo Teviti re nua, kiniou nei. Kiniou nei nebe M̃ejegi, m̃arivitano napano berial ka vaataro ka viorijen mermeravo.”

M̃esi Napano JUT Bivitauiaio 1:25

Kumemi nubameneaso Atua, napano jau ga takurano kobe naioruriano. Numidular siamo, bior moroano, sikiliano, a tuboiano abe kanamo ga. Numiaiaso maluvo jelea Yesu Kristo Tubo na kenememi, jikar ea bogo nalo na beamu ruei binimei bokar vonganei, rivan rivano-o to tobo to, mm. Kiniou, Jut.

Im̃auano 13:32

“Mia vonganei, ea vio nei, kumemi juo nubinimei ea kamiu ka nuvar Lilianiano Novo nei rimei van kamiu. Kumemi juo nuberial ban kamiu, nuber vite novo nalo napano Atua berkario ban korobido nalo re beamu, berenio mia rila van kiano tomu nalo,

Romo 1:3

Burum̃ara vite napano Ioluano Vou nei naio berialio, naio be Yesu Kristo kiado Tubo, napano naio be Atua kenerinio napano naio miila naio miyotuba ka kito ea yetemeriba nei. Naina naruei napano ea tivelinio na yati na m̃aratavo na kanano, kito romijikia roverinavo naio moluo ea yati na tormoruo Parinio Tubo Teviti memedu.

1 Jone 4:14

Ana robitilubar bunu ka be riano ga ka Atua Teta naio miila kenerinio nene naio binimei ka rive ioruriano na yetemeriba nei, jibe ka na romial ruei ka mirado a bunu ka na m̃a rojum̃a roberial janea vio nonovio.

2 Pitere 3:18

Kanaku iliano na maaro, ber kamiu kumiluo kumei kumeruo bo ea bajago na bo nalo na tinie-memiano a masouano na Tubo Yesu Kristo kanado Ioruriano kanano. Ana kito rejian meran mermerano van naio, vonganei, a ea bogo nalo napano aju abinimei, rivan riva ribisi deio, Mm. Kiniou, Pitere.

2 Pitere 3:2

Nojidom never bo ka kamiu kuvitu tiniemiu maio dam̃ariga ka iliano nalo na naverialiano lu nalo re nua, bija bunu tuboiano vou napano kiado Tubo Naioruriano naio jian ban kumemi kenemiu atevi nalo, ka kumemi nuver lilian van kamiu.

2 Pitere 2:20

Ver be riano ka amileal Tubo Yesu Kristo kiado Ioruriano ea kialo meuliano nalo, abitilubar ka napano bajago na yetemeriba nalo ajum̃a amila lelanlo, mila aburo den naio abinimei, nina naio bo laka. Mia ver bogo telisu ga na naruei aban bereio ea kialo meuliano napano ajaluvo denio ga abinimei, nina naruei bova lie laka.

2 Pitere 1:11

Ver kamiu kuvitu kuvila tibe na, mia kuvijikia re kuvijoru bogo tai, a m̃aratavo na riva joomo ea Yesu Kristo kiano navenatuboiano napano naio be Tubo a Ioruriano na kiado, mia naio rivetavo ea batig van kamiu. Mia ala vorvoruano na bo van kamiu ka kuva kuvitu vija naio to toboto.

2 Pitere 1:1

M̃esi nei, kiniou Saimon Pitere nebivitauia, jibe ka nebe Yesu Kristo kiano naim̃auano, a nebe kiano atevi. Nojo nebivitauia biedu ban kamiu napano kubokar viekouoiano ea naio bo laka, be verare ga ka kumemi nanua, nubakar beamu ruei. Naio naruei be Atua a be ioruriano na kiado robiniu, naio jo mila memedu bo ban kito dam̃ariga.

Taitas 1:4

Ana Taitas, nina naruei kiaku m̃esi banso. Nemialso jibe jau kobe keneriku memedu napano kitojuo kiado viekouoiano ve takurano ga, mia kiaku volkouano karso naio ban jibe nei, ka Atua karam̃ado bija kiado Kristo Yesu na Ioruriano kialo tiniememiano a tum̃aroano to vijaso.

Romo 11:26

Maka tibe na, a mia naio rilarurlo kean navo, tibe iliano tai ea Vivitauiano Lu, napano beriio jibe nei, ber “Toro na rilarur kito Atua kiano tomu nalo, mia riyotuba ea kiado vio ga, ea kiado komeli na toru Yerusalemo mave ea burusuku nei Saion. Kito Yakovo kiano yati, kito kulo Ju napano kiado vovaiano nalo telabo laka, a naio naruei mia rimei rivar bulagio nonov kiado vironiano, rila kito rovu bereio.” Aisaia 59:20,21

Im̃auano 3:26

Memedu ka verikariano na, Atua mila Yesu jumolu ruei jibe ka kanano toro na im̃auano, ana naio maka riila naio rimei ea kulo dolu nalo, naio miila binimei ka kamiu jukamu. Naio miila Yesu binimei ka rila rivu laka van kamiu, napano mia naio rivilig kamiu, ka kuvituvani kenemiu bajago va nalo.”

Im̃auano 2:30

Mia bogo napano naio jo meul kia ga vo, mijikia ruei ka Atua berkar jikili banio, berinavo mia bogo tai, kanano yati tai naio monokanio totano bereio ea kanano jobaro na toru, tavukia napano kanano yati naio rimei ve parinio tubo ka tomu nalo, tibe ka Teviti napano naio be parinio tubo jukamu. Ana Teviti nene naio be naverialiano tai,

Jone 7:42

Kiado Vivitauiano Lu ajum̃a aber ga mia Naverikariano mia naio riyotuba ea Parinio Tubo Teviti kiano yati, mia naio rive toro re Betleem.”

Jone 4:42

Aber ka bunu tira nei, aberinavo “Beamu, kumemi numijog venia ga napano jau kober ka kumemi, maka nuvijikia, mia vonganei, kumemi numijog kanano iliano memedu ga, kumemi numijikia ka be riano ga, kanado toro na toru nei, naio be Ioruriano na yetemeriba.”

Luka 1:69

bitirilar kiano siyovo, miyotuba ea bajulukuti na kiano toro na im̃auano Teviti, ka mia rilarur kito.

Mataiu 22:42

“?Ea kenemiu jidomiano nalo aberenio mia Naverikariano rimaluvo ea kei kiano bajulukuti?” Mia nalo aberii kanio, aberinavo “Naio ve tormoruo parinio tubo Teviti kiano bajulukuti tai.”

Mataiu 21:9

Ana nalo aju amiel ka ava jouro ea vio Yerusalemo, ana tiniobi toru aju kamu ka Yesu bija nalo na ajakisor naio, nalo aju abiovio jouo jibe nei, aberinavo Aiou bo mia bo laka “!Kito ravamenea naio napano be Teviti kiano bajulukuti nei! Atua Sop̃i, jau keilivu ka ninei napano naio binimei ea siamo. Kamiu napano ea mave laka, kamiu bunu kuvilivu ka naio.” Iouano 118:26

Mataiu 1:21

Mia Mere naio rivar tete sum̃ano tai, mia monoka jau kesisia siano ka Yesu Naioruriano, bior mia naio rilakon nonovio kiano tomu nalo kialo kariano nalo.”

Im̃auano 4:12

Mia maka m̃arabo dolu tai bereio napano mia romijikia rovokar meuliano eaio, bior Atua naio maka sian sio dolu tai leleio van kito ea yetemeriba nei napano mijikia rilarur kito eaio.”