Eveso 5:4 - Verikariano Vou Na Baki

⁴ Maka rimemedu ka kamiu kuver ilivovuiano nalo p̃eli iliniagiagoano nalo, p̃eli iliserevaiano nalo. Memedu ka kamiu kuvitum̃a kuver siva ga van Atua.

Eveso 5:4 ပူးပေါင်းရင်းမြစ်များ

Kolosia 3:8

mia vonganei, be bogo na kuvituvan bajago nalo na, be bogo na abisi ea kenemiu meuliano nalo. Tibe na, ana mia tiniemiu rimimi re, a kuvilvilea re toro dolu, a kuvitu re m̃a kuve nabilbiluvaiano van kamiu. Mia kamiu kuvil die re a kuvitu re m̃a kuvila nailimum̃iano va ka toro dolu, a kuvila re iliniamiamoiano nalo.

Eveso 4:29

Ea kenemiu iliano nalo, kamiu kuve re ilimenunuano, mia kuverenio iliano nalo napano mia rijikia riijalar kialo jidomiano nalo, ka nalo amijog kenemiu iliano nalo, napano josonu bare, a memedu bo, a ka rijailo.

1Tesa 5:18

rover siva ka Atua bogo nonovio. Nina naruei kiano sidomiano ka kito roim̃aukanio, ea tivelinio na kito robe Yesu Kristo kiano.

2 Pitere 2:18

Mia monoka avar vironiano tibe na, bior ka napano niolo bujo ka sibiano nalo a ilivevaviniano nalo, napano jo buru m̃elea tomu dolu nalo kialo jidomiano. Tomu dolu nalo nei, aburo den yetemeriba vonga abinimei jouro maka vesiou, mia vonganei tomu na bova nalo nei ajum̃a aber iliano nalo na vaganiano na tinieiiano va na bajago na kariano napano joalo, mila binimei burutomoruo lie vo, naruei ea m̃arabo na aju aburvuru bulaglo bereio.

Abe Kulo Ju 13:15

Jibe na, bo ka rosidomial ka Yesu, naio bijuku bo laka ban kito, naio betavo ea kiado m̃arabo, mia rodular Atua siano tulaka kanio. Rala re sida ka temeul nalo vanio, tibe nalo re nua, ana iliano nalo na amiyotuba ea niodo ka rudular naio ajibe ka m̃arati tai napano jesei bo laka banio.

Vilip 4:6

Kamiu kuvila re kenemiu jidomiano rivova tulaka ea vite nalo, mia ea vite venia na mia naio riyotuba ea kenemiu meuliano, kuver siva van Atua riviorio. Kamiu kuverial ka naio vite venia na jumemiu bulati kanio, kubolkouo kanio, kuviteg vanio riviorio, a nina monoka kuvila vija jidomiano na sivaiano tulaka.

M̃esi Napano JUT Bivitauiaio 1:10

Mia tomu nalo nei, amil kirivova a amil siniabu ea vite nonovio ga. Vite na m̃a amijikia p̃eli na m̃a maka ajikia, mia aberiio kirivova ga. Jikiaiano na m̃a nalo amijev, naio be verare ga ka jikiaiano na temeul, ka napano vite venia nam̃a naio mijog ka rila, bo p̃eli na bova, mia naio mila ga. Bajago bova nalo nam̃a ajum̃a amila, naio mila kanalo verloglogiano nalo abe tena sibiano ga, maka amemedu, maka ajikia atumolu leleio.

2 Korin 9:15

Bo ka aver siva ka kamiu bior kenemiu jidomiano novo na jibe na, mia bo bunu ka kito nonovio rover siva laka van Atua tulaka bior jidomiano novnovo napano naio jianio ban kito, napano kenerinio nei, Yesu Kristo.

Yesu Kristo Kiano Ioluano Vou Napano MAK Bivitauiaio 7:22

tinieiiano, bajago na bova, sibiano, lakoroviano na tuboiano, jokuano, tii ilisibiano nalo, ilivarvariano, bija vovuiano.

M̃esi Napano JUT Bivitauiaio 1:13

Nalo ajibe ka tei napano naio jo mikulkulu toru, karina naio jo buk niamniag bija soro nalo abavin ea vio medave. Ajavukia m̃arvitano nalo na m̃a aburo ea buluniogovu yauo mave, napano aju bogo bulati ga karina aba kovio bereio, aban bo kovio ea burum̃ara melijokouo ea vio na bobogio.

2 Korin 1:11

A kamiu monoka kuvija kumemi napano kuvisidomii kumemi bogo nonovio ea kenemiu volkouano nalo. Tibe na, bogo napano mia Atua rijog volkouano miroano nei, ana mia rilivu ka kumemi vatitig, rilarur kumemi den bogokouo nalo nei bereio, a mia kamiu ve miroano kuver siva laka vanio bior venia napano mia naio rila van kumemi.

Romo 1:28

Tomu kinkin na jibe na, maka aialerinio ea Atua ea kialo meuliano nalo, maka asidom titai kanio, ana Atua maka tokovio kalo, mia naio juvanlo ka kialo sidomsearoiano nalo aburulo aba amidu momou ea bajago va.

2 Pitere 2:7

A na maariano ka rosidomial nalo nanua beamu, nina toro nei Lot. Naio be toro na memedu tai, a naio jo mijog bova dam̃ariga ea bajago na kiriniagiago nalo na tomu na m̃a amila korov tuboiano, napano naio jo iviso kalo.

Vailimon 1:8

Nao Vailimon, kiniou nejidom novika titai denso. Ea burum̃ara im̃auano na Kristo kiano napano nojom̃a nemilaio, p̃eli memedu ga ka mia kiniou never batitig ga ka jau ka mia jau kala tibe na tibe na,

1Tesa 3:9

Bogo na numitu nubolkouo ka kamiu, numial jibe maka kumemi nuvila titai na bo laka ka kamiu, a kamiu naruei kumitu kumila tena bo tai ka kumemi, bior kumila kumemi nubar jogvuiano ea kenememi iviso, banbano kumemi maka bunu iliano vare ka nuver siva van Atua kanio.

Jone 6:23

mo nalo abano abar uako dolu nalo tai, nalo abarkor ea vio Kapeneam ka asirav kumemi. Uako dolu nalo nei, maka ave kanalo, mia be kulo Taiperias nalo kanalo napano nalo abinimei aborvoru ealo, abano vauro ea vio na ga m̃a Yesu bolkouo ka joko eaio, naio mila binimei bare ka nalo asenio.