Eveso 3:5 - Verikariano Vou Na Baki

⁵ Ea terati nalo na beamu, tomu nalo maka ajikia vite nalo na jibe ka vonganei, napano Atua naio jiloglog vonganei ban atevi lu nalo bija kiano naverialiano nalo maluvo ea Niununo Lu.

Eveso 3:5 ပူးပေါင်းရင်းမြစ်များ

M̃esi Napano JUT Bivitauiaio 1:17

Mia kamiu, kanaku bilbilu nalo, bo ka kamiu kuvitum̃a kuvisidom bunu venia napano m̃a naiagagoano nalo na Tubo Yesu Kristo kanano ajum̃a aberenio ka mia riyotuba iorou.

2 Pitere 3:2

Nojidom never bo ka kamiu kuvitu tiniemiu maio dam̃ariga ka iliano nalo na naverialiano lu nalo re nua, bija bunu tuboiano vou napano kiado Tubo Naioruriano naio jian ban kumemi kenemiu atevi nalo, ka kumemi nuver lilian van kamiu.

Eveso 2:20

Kamiu kumitavukia m̃artea na yimo tai, napano atevi nalo a kulo naverialiano nalo, nalo ajibe ka m̃artea na sudu na yimo nene. A ea yimo nei, Yesu Kristo naio jibe ka m̃artea siyovo napano kirisikili bo napano ju iviso,

Eveso 3:9

mia nojo nejiloglog bunu banlo jum̃abe napano Atua naio mila kiano jidomiano nei maluvo. Jikario ea bogo napano Atua naio ji saba nonovio, binimei bokar bogo nalo napano abarlaka ban ruei, Atua naio bigivanio kiano jidomiano nei jo.

Im̃auano 10:28

Mo Pitere naio mil banlo naruei, berinavo “Kamiu kumitum̃a kumijikia batitigio ka napano tivelinio na nalotuano na kumemi kulo Ju nalo, maka nuvijikia nuva joomo ea kulo dolu nalo kunualo napano maka ave kulo Ju, p̃eli na nuve bilbilu vu rivijalo. Mia vonganei, Atua naio jiloglog meravo bo ban kiniou ka maka rimemedu ka neviti va ea tomu nalo tealo neverinavo nalo abova p̃eli na nalo amiagiago ga.

Luka 10:24

Naverialiano telabo a parinio tubo telabo re nua napano ajidom m̃elea ka aial vite nalo na, mia maka aial kija bogo tai, a abijuku kouo ka ajog vite nalo na bunu, mia maka ajog kija leleio.”

Jone 14:26

Mia bogo napano navano, mia Teta naio riila Niununo na ijaiano rimei, ana mia naio ridu jeleku, naio riverloglog kamiu ka vite nonovio, ana mia naio rudu sidomii kakarioano na kanaku iliano nalo nonovio ea kenemiu jidomiano.

Mataiu 13:17

Naverialiano nalo telabo bija Atua kiano tomu nalo nanua, nalo ajidom toru ka aial vite nalo napano kamiu kumialio vonganei, mia maka lele aialio, mia nalo amila vio toru ka ajog venia na kamiu kumijogio vonganei, mia nalo maka ajog vite nalo nei tai leleio.”

Romo 16:25

Vonganei ea kiaku iliano maariano, nejidom nedular bereio ilivuiano nonovio nalo van Atua. Nobolkouo ka mia naio ridu iliano nalo na Ioluano Vou, vija verloglogiano nalo novo napano aberii Yesu Kristo napano nejian ban kamiu ruei, ridu vatitig tua kenemiu meuliano nalo, ka kuvijikia kuvitu sikili ea bogoti napano ju binimei. Ilirianiano novo nalo na, tomu nalo maka ajikiaio ea yuka miroano napano barlaka ruei, mia vonganei ga Atua berialio ka kito.

Jone 16:13

Mia bo ga, bior mia iorou kanio, bogo na Niununo na ilirianiano naio rimei ea kamiu, mia mijikia rivuru m̃arabo ka kamiu, mia kuvokar ilirianiano dolu nalo nei. Ilirianiano nalo na mia naio riverloglog ka kamiu, mia river re ea kiano jidomiano ga, mia na naio mijogio ea vio mave, naio naruei mia naio riverialio ka kamiu, riva rivokar napano mia naio mijikia riverloglog vatitig kamiu ea tivelinio na vite nalo napano mia amalmaluvo ka kiniou rivesiou re.

Mataiu 23:34

Verenio mia kiniou neiila naverialiano nalo aviedu, vija tomu napano abe masou bo ka Atua kiano iliano nalo, a vija bunu naverloglogiano na tuboiano nalo, verenio aviedu ea kamiu, mia kamiu kuvuebinvin tealo am̃aro ea m̃akolkolo, a tealo mia kamiu kuvitivlo ea kenemiu yimo na volkouano nalo, a mia kuvijili bulaglo ea kenemiu m̃arkomeli nalo.

Luka 11:49

“Kamiu kumitibe ka ga napano ilimasosouano na Atua kiano ber nua, naio berinavo ‘Mia kiniou neiila kiaku naverialiano nalo a atevi nalo aviedu ealo, mia ala lelanlo, p̃eli mia auebinvinlo am̃arm̃aro.’

1 Korin 2:10

A kito, romijikia ilivuiano nalo na, bior napano Atua Niununo napano bitilubar tenene nonovio, a mijikia Atua kiano jidomiano lukluku nonovio, naio berialio ban kito.

Mataiu 20:7

“Naruei nalo nei aberdop̃e, aberinavo ‘Ana maka toro tai rimei rivio kumemi ka nuva nuvim̃au kanano tai.’ “Naruei toro na toru nei naio ber kalo, berinavo ‘Mo bo ga, ver tibe na kiniou novuru kamiu bunu. Kamiu, kumei kuvim̃au kanaku.’