Eveso 2:13 - Verikariano Vou Na Baki

¹³ Mia kamiu, napano beamu kumitu koalabo, mia vonganei kubinimei vaataro ruei ea Kristo kiano burukija, vonganei ana kube takurano kamliko naio.

Eveso 2:13 ပူးပေါင်းရင်းမြစ်များ

Im̃auano 2:39

bior verikariano napano Atua mila naio mila ban kamiu, a mila ban kenerimiu nalo, a mila bunu ban kulo dolu nalo napano aju koalabo kia ga vo. Verikariano nei naio joa nalo napano kanado Atua Sop̃i naio jom̃a biolo.”

1 Korin 6:11

Riano ga, beamu na kamiu tealo ajibe na ruei, mia siva toru napano Niununo Lu jekon kamiu kumeravo, mila kube lu, a kiado Tubo Yesu Kristo mila kito romemedu vatitig bereio ea Atua mirano.

Navisip̃eiano 5:9

Mo nalo amijev iouano vou tai napano ban jibe nei, berinavo “Amila sida kaso, naruei ea kanamo burukija jau kobulu bulag tomu nalo abe Atua kanano, napano amoluo ea taara nonovio na tomu nalo, ea iliano doldolu nalo nonovio, ea uleule nonovio nalo na tortoru, a ea uleule na tertelisu nalo bunu. Jau komiasosol lo abinimei abe taara takurano ajutano ka parinio tubo takurano ga, nalo abinimei abe kulo lu na Atua kanano im̃auano, ka napano mia ave tubo ka yetemeriba nei. Mo bior ka napano jau komila jibe na, memedu ka jau ga ve takurano naruei kodu niosi nei, ka kelelar vukariano nalo nene, ana kovetavo eaio.”

Im̃auano 26:18

ka kovetavo ea miralo nalo, ka koviliglo ataluvo den melijokouo napano ajuaio, amei ea miamoiano, a ka atuvan moroano na Sim̃aro kiano tobo, mia amei ka Atua ga. Naruei ka bogo napano aviekar kiniou tibe na, mia Atua rivie kokoalo ka kialo kariano nalo, a mia rivijurukarlo ea kiano taara na kulo lu nalo kialo.’ ”

Eveso 2:12

Mo, ana nanua beamu, kamiu kumitibe na ruei. Kamiu tiniemiu ribobogia re nanua, kumitu koalabo ka Kristo, kumitu tavio ka taara na kulo Israel nalo, a kube valauo ga, mia maka kuvijikia kuvokar vite nalo napano Atua naio berkario ban kiano tomu nalo. Kamiu kumitua vio yetano nei, kube iakurano ga liki, a maka kuvijikia Atua leleio.

Eveso 1:7

Ja na kenerinio naio miou, mia kario vite na kito napano robe takurano kitoliko Kristo nene, ana Atua naio buru bulag kito, napano naio biekokoa kiado kariano nalo. !Riano ga, Atua kanano tiniememiano ka kito naio toru laka, ba lie vo!

Kalesia 3:28

Mia kamiu nonovio kubinimei kube takurano ga ea Kristo Yesu, mia jibe na naruei, kamiu nonovio kube veverare. Bokanio kito monoka rotiburevure re tomu nalo, rover ninei be toro Ju, mia nina be toro dolu ga, p̃eli na rover ninei naio be toro na toru, mia nina be toro na im̃auano ga, p̃eli na rover ninei be tubo, mia nina be toro na im̃auano ga, p̃eli na rover nina be sum̃ano, ana ninei be tira ga. Mia bajago na monoka toa re bunu kamiu.

2 Korin 5:17

Nina bior napano toro kei napano ver rimonea Kristo, naio rimei tibe toro terivou tai garuei. Kiano meuliano moruo na re nua ba kovio, a vonganei, kiano meuliano vou maluvo ruei.

1 Pitere 3:18

Kamiu tiniemiu maio ka Kristo, napano naio jibe na. Naio be toro na memedu laka tai, mia naio mijog jaleleano burutomoruo laka bior tomu nalo napano maka amemedu. Kariano na kito tomu nalo na yetemeriba kiado telabo laka, mia ea kanano m̃ariano takurano nei, naio mila vite nonovio bo ruei ka rila ka ve kiado m̃arabo ka mijikia rivuru kito rava vaataro ka Teta Atua. Amila lelan Yesu niabene jibe na bano naio m̃aro garuei, mia bo laka ka napano iorou, naio binimei meul bereio ea moroano na Atua Niununo.

Abe Kulo Ju 9:18

Naio jibe ka ga ea virakariano na beamu na Atua mila bunu, napano burukija na jokoluolu miou, ana na iliano nalo na virakariano na atumolu atu.

1 Korin 1:30

mia Atua ga be burupati na kiado meuliano vou bija Kristo Yesu. Naio naruei miila Yesu binimei jiloglog m̃arabo ban kito, ana Yesu bulu bulag kito mila romemedu ea mirano, robinimei robe kiano tomu lu.

Romo 8:1

Kristo Yesu binimei ka rilarur kito, naruei mila ka kito napano kiado meuliano jo bo bija naio ruei, mia Atua maka leleio rijikia ridu vironiano van kito bogo tai.

Im̃auano 22:21

“Mia Tubo naio ber ka kiniou ga, berinavo ‘Jau kataluvo den vio na ga, kiniou nejidom neiilaso kavan ea vio nalo na koalabo laka, jau kavan ka nalo napano maka ave kulo Ju nalo.’ ”

Im̃auano 15:14

Kito romijog m̃a ruei ka napano Saimon nei, napano Pitere, naio ber bisivisii batitigio ban kito ruei jum̃abe napano Atua malmaluvo moti ka nalo napano maka ave kulo Ju, a napano naio buru bulag nalo tealo abinimei ka ave kulo vou tai napano siano joaio.

Jone 10:16

A kiaku nunu dolu nalo miroano napano aju bunu, napano maka amei atu jouro ea kiaku burusio nei vo, naruei kiniou monoka novio nalo bunu, mia bogo na ajog jooku, mia amei. Mia kiniou nala tibe na-o mia kiaku nunu aviniu amei ave burukuti ve takurano ga vija kiniou, kialo toro na vitikariano na toru nene.

1 Korin 12:13

P̃eli kito kulo Ju p̃eli kito kulo Krik, p̃eli kito tortoru p̃eli roju romim̃au kurano toro na toru tai kiano, mia Atua kiano Niununo midu kito nonovio, mila kito rabaruei ka romei rove terati na Kristo mokotenano, a Niununo na naruei napano naio takurano ga joa kiado meuliano nalo beve terakurano.

Eveso 1:1

Kiniou Pol, napano Atua naio bitirilar kiniou ka neve kiano toro tai napano nojom̃a ber bulag Ioluano Vou nei, napano nebe Kristo Yesu kiano atevi, kiniou nejirii m̃esi nei viedu ban kamiu namoneano nalo na komeli labo na vio Eveso, napano kamiu na kubiekouo ea Kristo Yesu.

Eveso 2:2

naruei ea bogo na, kamiu kumiel ea bajago va nalo na yetano nei. Beamu, kamiu kumitakisor tubo na moroano nalo na vio yauo, kumonmonea naio ga, napano naio be niununo napano jo mila kiano im̃auano ea nalo napano m̃a maka amonmonea Atua.

Eveso 2:6

Ana jibe ka kito romeul kitoliko Kristo, mia Atua naio bitirilar kito bija naio bunu, a naio midu kito rojutano bija naio ea vio mave.

Eveso 2:10

Mia kito rajavukia tonovo tai napano Atua mim̃aukanio bo laka, ka napano naio ji kito robinimei robe kulo vou nalo ea Kristo Yesu, a Atua naio mila jibe na ka mia kito bunu rala kiano im̃auano novo nalo, napano naio bijauialo kar beamu ruei, ka kito roim̃aukanilo ea kiado meuliano nalo.