Abe Kulo Ju 9:13 - Verikariano Vou Na Baki

¹³ Monoka tibe na, bior ea bajago moruo, ka ver toro tai mila titai na bova, ana amidu burukija na nani p̃elina bue m̃arauo, bija bulum̃aroro na kirikiti bue m̃arauo napano amisebio, amidu ban ea vio lu. Ana ea bogo na, ajidom aber ka ijaiano na jibe na mijikia rila toro neibano naio rimeravo bereio ea Atua mirano.

Abe Kulo Ju 9:13 ပူးပေါင်းရင်းမြစ်များ

Abe Kulo Ju 10:29

Ver ala tibe na ka toro na mila korov Mosis kiano tuboiano, mia tum̃abe ka toro na bilig taakano ka Atua kenerinio? Mia kanano vironiano naio ve burutomoluo laka na, bior naio mila lelan burukija na virakariano vou napano beamu mila naio meravo ruei ea Atua mirano. Mia Niununo na tiniememiano naio rijog rivova ka bajago na mia naio tinien ser m̃elea toro na m̃a mila.

Abe Kulo Ju 10:4

Ajum̃a amijog jibe na bior kialo jidomiano tai jo, aber burukija na buruolu bue marauo p̃elina burukija na nani naio mijikia sekon bulag kialo kariano tum̃abe? Vite na, ajidom bitovitonia toru laka kanio, ban bano-o na abitiidieio, kialo kariano jo keano vo.

Abe Kulo Ju 9:19

Tena Mosis bunu mila, napano Atua jian tuboiano banio mave ea burusuku, ana naio batove berial iliano nonovio na kanano ban tomu nalo, ana ka bogo na naio berialio bisi, naio muebinivin sida nalo, ka rila ka iliano nalo na tuboiano nei ameul, atumolu atu. Amuebinvin kirikiti bue marauo bija nani nalo, naruei naio midu kija kialo burukija telisu, mion kija uei telisu ban ea, ana midu jaiesi tai na telisu, abio ka isop, bija vijinio sipsip na bilvil, ana budomio ban ea burukija nene, bukio tertelisu mave ea niosi na tuboiano nene, a bukio bunu ea tomu nalo, karina naio berial banlo, naio berinavo

1 Pitere 1:22

Jikario ea vio nei naruei kamiu kumonea ilirianiano na Atua kanano, a kenemiu meuliano jo binimei memedu bo, a kumitu tiniemiumaio lie vo ka kuruemiu dolu nalo. Mia kamiu kuveve re torogio ea naio, monoka kuvila vio sikili ka tiniemiuriia kamiu kuviniu ea kenemiu iviso nalo ka rimei ve toru lie laka.