Abe Kulo Ju 8:9 - Verikariano Vou Na Baki

⁹ Mia virakariano nei naio rivevirare re ka nanua namila kar bija korobimiu nalo re nua. Virakariano moruo nene, nina ea bogo na kiniou tinieku miialo, kiniou noburu bulaglo den bogokouo ea vio Ijivi, mia iorou kanio, ana maka bunu asidomial virakariano nene, a maka bunu amonmoneaio, mila na kiniou bunu nobilig taakaku kalo.

Abe Kulo Ju 8:9 ပူးပေါင်းရင်းမြစ်များ

Kalesia 4:24

Naruei mia romijikia reial viginiano nei jibe kanio jamerijiano tai, napano tira juo nei, a jibe ka verikariano napano Atua milaio. Tira nei Ekara naio jibe ka virakariano napano Atua milaio ea burusuku na toru na Sinai, nina ea buruvenuo na Arapia, vio na naruei napano Atua jian tuboiano ban Mosis eaio. Ekara nene, naio be tira na im̃auano ga, mia kenerinio nalo, nalo bunu abe tomu na im̃auano ga. Tenene na Ekara naio bunu jibe kanio komeli labo na Yerusalemo, napano tomu nalo nene abokar tuboiano nene nalo jikili, mia nalo abe tomu na im̃auano ga bunu, bior nalo ajutan ka tuboiano nene naruei.

Yesu Kristo Kiano Ioluano Vou Napano MAK Bivitauiaio 8:23

Ana Yesu bokar merebono napano jum̃ano, ana naio burio bano, ana naljuo aban bilig ea komeli tivelinio abano. Naruei Yesu midu titinio jua toro napano mirano, a naio midu jum̃ano joa mirano be juo, ana bika den naio, berinavo “Jum̃abe, jau kojo komial vite, p̃elina makan vo?”

Im̃auano 13:11

Vonganei ga mia keial Atua jum̃ano rivokarso rimemedu. Vonganei ga mia jau miramo ribono, mia jau kojikia re keial legiano vesiou kija.” Ana kolvare ga ana toro na mijikia mila m̃esi nei naio mial jibe ka napano iou tai na yeturu napano kiri bobogio laka binimei juko mirano, ana naio jo miel vovu ga jibe na ka jidom rileal toro tai ka rivokar jum̃ano ka rivurio rivano.

Im̃auano 9:8

Avona bisi, ana Sol naio mila jibe ka na Yesu berenio. Naio jumolu bereio, mia bogo napano bisip̃e mirano, mia maka rijikia rivitilubar titai leleio, jibe kanio napano mirano miununu ga. Vite nei naruei milaio ana nalo abokar jum̃ano, ana abalavo kanio ka ava Tamaskas.

Im̃auano 7:36

Ana nina be Mosis nene kia ga navo napano naio burum̃arabo ka kulo Israel nalo ajaluvo den vio Ijivi, nalo abinimei. A bogo nonovio, ea vio Ijivi, a ea Tei Mia, a bereio ea yuka duelimo va veri [40] ea vio yauo, naio jom̃a mila vremesiano ea Atua kanano moroano, a mila saba nalo na burutomoluo nalo banlo.