Abe Kulo Ju 7:22 - Verikariano Vou Na Baki

²² Mia Yesu naio bokar batitig kiano im̃auano jibe na, be kijokijo na verikariano vou na Atua kanano bija kito, napano naio bo lie vo loa ka nana beamu, a naio be tikariano na vite dolu nalo na Atua berkario ban kito, mia na rila nonovio ea kito iorou.

Abe Kulo Ju 7:22 ပူးပေါင်းရင်းမြစ်များ

1 Korin 11:25

A iorou, bogo napano ajenio bano-o bisi, naio midu baja na m̃arjum̃elm̃elu, mila jibe nene bereio, ber kalo berinavo “Baja nei, naio be kiaku burukija, napano mila Atua kiano verikariano vou napano mila bija toro jikili ju. A bogo nonovio napano kamiu kuvidu baja nei tibe na, neber bo, kamiu monoka kuvisidomial kiniou.”

Abe Kulo Ju 13:20

Kiniou nojom̃a nobolkouo ka kamiu bunu, ka mia Atua rijai kamiu. Naio be Atua na tum̃aro, a be Atua na tinien miia kito kiano nunu nalo, naruei naio miila kiado Tubo Yesu naio binimei ea yetemeriba nei, naio binimei be kiado toro na toru na bitikar nunu nalo, kiano burukija naio miou ka rivitirilar virakariano vou nei napano mia naio to toboto. Naio be Atua nene kiaga vo bunu napano Yesu mijamo ka kiano meuliano banio, naruei naio burulario den m̃ariano, bitirilario meul bereio.

Abe Kulo Ju 12:24

A bija vite dolu na bo nene nalo napano ajua kiado burusuku lu na Ioluano Vou na bo nei, mia romijikia reial Yesu, vija kiano burukija na miou, napano m̃a ap̃iligṽilig ea kiado iviso nalo ka rila romeravo. Kiano burukija nei, naio maka tibe ka burukija na tormoruo Epel re beamu, na m̃a ajum̃a aber naio be burukija na m̃a wem̃aren toro, aber bunu be burukija na riuemeran na bova, mia Yesu kiano naio be burukija na milarur toro a naio be burukija na viekokoano. Yesu mila tanea keana, ka naio jikili ju iviso ka Atua bija toro, naio mila virakariano vou ka tom juo nei ju jikili bo, naio milalo aju burukuti bo bereio.

Luka 22:20

Ana iorou kanio, bogo napano ajinan bisi, naio mila jibe na bereio javukia napano mila ka niajoko jukamu, naio midu baja namuniano tai, berenio “Baja nei naio be kijokijo na kiaku burukija napano mia riou ka kamiu, ka vitirilar Atua kiano virakariano vija kamiu.

Mataiu 26:28

bior ninei be kanaku burukija, napano mia rila Atua kiano verikariano tu sikili, napano mia naio rioukar viekokoano na vijuku vovaiano na tomu ve telabo kialo.

Yesu Kristo Kiano Ioluano Vou Napano MAK Bivitauiaio 14:24

Ana naio ber kalo, berinavo “Ninei naio be kiaku burukija, ka rila Atua kiano virakariano tumolu tu sikili bogo nonovio, bior mia kiaku burukija nei naio riou ka sovoko tomu ve miroano kialo meuliano nalo.

Abe Kulo Ju 7:23

Kulo lu nalo na beamu nalo miroano, bior nalo tai mim̃au bano-o bakovio, ana na dolu midu jum̃ano, mim̃au banbano-o, naio bunu bakovio, nalo amila jibe na naruei. Nalo maka ajikia avokar tobo to,

Abe Kulo Ju 8:13

Ana ea kanano iliano nene nei, Atua berii virakariano vou nei, mila kito robitilubar ka naio jo mial virakariano na beamu nei naio be termoruo ruei. Mia jidomiano tai na jo ber vite na m̃a Atua ber be termoruo ruei, vonganei jo batove lilie ka mia riviniuviniu nonovio.