Abe Kulo Ju 7:17 - Verikariano Vou Na Baki

¹⁷ Kito romijikia ka mia naio toboto tibe na, bior Atua kiano iliano naio berenio ruei, napano naio berinavo “Kiniou nomiduso kojo jibe ka tormoruo Melkeseteki, jau kobe toro lu na maariano ea kiano bajulukuti, ka na mia kovokar im̃auano rivano-o mia maka rijikia ribisi.” Iouano 110:4

Abe Kulo Ju 7:17 ပူးပေါင်းရင်းမြစ်များ

Abe Kulo Ju 5:6

Mia dolu naio ber jibe nei ber “Kiniou nomiduso kojo javukia tormoruo Melkeseteki, jau kobe parinio toro lu na maariano na ea kiano bajulukuti, ka na mia jau kovokar im̃auano nei rivan mia ribisi deio.” Iouano 110:4

Abe Kulo Ju 7:21

Mia bogo na Atua bitirilar Yesu be kiado parinio toro lu, naio milakar bija kiano verikariano na jikili tai. Javukia napano iliano tai ea niosi lu na iouano naio berenio, napano naio berinavo “Atua sop̃i naio berkar ruei, mia naio maka rijikia river bukua kanano iliano bereio, naio berinavo ‘Jau mia kovokar im̃auano na parinio toro lu na kanaku tomu nalo, rivano-o mia jau kobisi ka re bogo tai.’ ” Iouano 110:4

Abe Kulo Ju 7:15

Mia Yesu, be yati dolu na toro lu jo napano naio miyotuba eaio, naina naruei be Melkeseteki kiano bajulukuti nene napano rojum̃a roberenio. Vite na naruei mila na romial ka Yesu maka tavukia kulo lu dolu nalo, mia naio jibe ka Melkeseteki garuei.

Abe Kulo Ju 6:20

Nina bior Yesu naio jukamu ka kito ban ea vio lu nene ruei, naio ba mila kiano im̃auano jibe ka parinio toro lu na kiado, ka rila kiado merevuiano rivija Atua. Jibe ka na m̃a kito roberiio beamu ruei, naio javukia parinio tor lu na maariano na yati na tormoruo toro lu na Melkeseteki, naruei naio bulu bulag nono kiado kariano nalo ruei, ana mia rimonmon bo ka kiano im̃auano na kar kito rivano-o mia maka rijikia ribisi bogo tai.

Abe Kulo Ju 7:11

Ana iliano nalo na mave nei aberial burum̃ara vite tai. Amila kirimeravo ka na Atua midular bajulukuti na kulo lu na Livai nalo, naio bitirilar bajulukuti dolu tai na kulo lu nalo, midu jo jeleig naio. Tormoruo Erono bunu naio bitirilar im̃auano na bajulukuti na kulo lu nalo, a Mosis naio bar kiano tuboiano miyotuba, mia ver Atua rial ka vite juo nei bevirare ka rila kito romemedu rivu vija naio, mia naio tuvan tobo. Mia makanio, naio mijebukua, naio miila parinio toro lu vou tai miyotuba ka kito, napano naio be bajulukuti na tormoruo dolu nei Melkeseteki.