Abe Kulo Ju 7:15 - Verikariano Vou Na Baki

¹⁵ Mia Yesu, be yati dolu na toro lu jo napano naio miyotuba eaio, naina naruei be Melkeseteki kiano bajulukuti nene napano rojum̃a roberenio. Vite na naruei mila na romial ka Yesu maka tavukia kulo lu dolu nalo, mia naio jibe ka Melkeseteki garuei.

Abe Kulo Ju 7:15 ပူးပေါင်းရင်းမြစ်များ

Abe Kulo Ju 7:11

Ana iliano nalo na mave nei aberial burum̃ara vite tai. Amila kirimeravo ka na Atua midular bajulukuti na kulo lu na Livai nalo, naio bitirilar bajulukuti dolu tai na kulo lu nalo, midu jo jeleig naio. Tormoruo Erono bunu naio bitirilar im̃auano na bajulukuti na kulo lu nalo, a Mosis naio bar kiano tuboiano miyotuba, mia ver Atua rial ka vite juo nei bevirare ka rila kito romemedu rivu vija naio, mia naio tuvan tobo. Mia makanio, naio mijebukua, naio miila parinio toro lu vou tai miyotuba ka kito, napano naio be bajulukuti na tormoruo dolu nei Melkeseteki.

Abe Kulo Ju 7:3

Kema na, kiano tukunuano naio be dolu, bior ka maka romijog ka napano m̃a aberenio ka kiano tormoruo juo nei ajum̃abe, p̃elina korobinio nalo yati re be. Maka averenio ka kiano meuliano naio jikar jel jum̃abe, a tukunuano na kiano m̃ariano maka tai. !Jibe napano naio maka rim̃aro kulio, mia naio jom̃a bokar dolu ka ga kiano im̃auano vo! Jibe na naio jibe ka Atua kenerinio, napano naio be kiado toro lu riva vano-o mia ribisi re bogo tai.

Mataiu 13:21

mia jibe ka maka ve salo pati tai. Amijikia atu ka bogo ve bulati ga, mia verenio bogo na jikili rimei, p̃elina tomu nalo ajilo kar amonea Atua kiano iliano, mia vaarakurano ga nalo ajoru bereio.

Abe Kulo Ju 5:6

Mia dolu naio ber jibe nei ber “Kiniou nomiduso kojo javukia tormoruo Melkeseteki, jau kobe parinio toro lu na maariano na ea kiano bajulukuti, ka na mia jau kovokar im̃auano nei rivan mia ribisi deio.” Iouano 110:4

Abe Kulo Ju 7:14

Yati napano Yesu naio miyotuba eaio, romijikia ka naio be yati na Yuta, ana bogo na Mosis berial sio na bajulukuti na tomu lu nalo, naio maka riverial leleio sio na Yuta.

Abe Kulo Ju 7:16

Nalo dolu nei, abinimei abe kulo lu bior ka ga ajakii jameul na kiano bajulukuti, jibe ka na tuboiano moruo naio berenio, mia Yesu naio binimei be kiado parinio toro lu ea burum̃ara moroano na kiano meuliano nei na maka ajikia ala lelanio, napano mia naio to tobo to.