Abe Kulo Ju 7:14 - Verikariano Vou Na Baki

¹⁴ Yati napano Yesu naio miyotuba eaio, romijikia ka naio be yati na Yuta, ana bogo na Mosis berial sio na bajulukuti na tomu lu nalo, naio maka riverial leleio sio na Yuta.

Abe Kulo Ju 7:14 ပူးပေါင်းရင်းမြစ်များ

Mataiu 2:6

Nina bior beamu naverialiano tai naio bivitauiakar iliano nalo nei, berenio ‘Atua naio ber jibe nei, berinavo “Kamiu na vio Betleem, maka kuvijikia kuver kulo dolu na tortoru nalo na ga ea vio Yutea, nalo ga abe tomoruo loa kamiu, ana kamiu kumitutano, makanio, bior mia navurim̃araboiano na toru tai riyotuba ea kamiu rimemedu, naio rivitikar vatitig kiaku kulo Israel nalo.” ’ ” Maika 5:2

Luka 1:43

Kiniou maka nove tira na memedu leleio ka mia kanaku Tubo Kenieno rimei riadu ka kiniou tibe nei, mia namial kirinovo laka ban kiniou.

Luka 3:33

Nesono, naio be Aminatapo kenerinio Aminatapo, naio be Atmin kenerinio Atmin, naio be Ani kenerinio Ani, naio be Esrono kenerinio Esrono, naio be Peres kenerinio Peres, naio be Yuta kenerinio

Jone 20:13

Ana naljuo amil ban Mere, aberinavo “?Koig, jau kojom̃a kejegi vaio?” Naio berdop̃e berinavo “Amidular kanaku Tubo bakovio tai, maka nejikia ka amidu naio mon be naruei.”

Jone 20:28

Tomas mijogio, bitii Yesu, naruei berdop̃e berinavo “Kanaku Tubo, jau kobe kanaku Atua!”

Romo 1:3

Burum̃ara vite napano Ioluano Vou nei naio berialio, naio be Yesu Kristo kiado Tubo, napano naio be Atua kenerinio napano naio miila naio miyotuba ka kito ea yetemeriba nei. Naina naruei napano ea tivelinio na yati na m̃aratavo na kanano, kito romijikia roverinavo naio moluo ea yati na tormoruo Parinio Tubo Teviti memedu.

Romo 2:3

P̃eli jau tai napano kojo kojidom ka jau kobo bior napano kojo komil ban toro napano mila korovio tuboiano, a jau bunu kojo komila korov, mia bova jau kojo kojidom ka vironiano na mia Atua sianio mia maka rijikia rivakarso.

Eveso 1:3

Bo kanio kito reiaia Atua, napano naio be Atua ka kiado Tubo Yesu Kristo, a napano naio be karam̃ano bunu, bior kito napano robe takurano bija Kristo, Atua naio mila vatitig kito bo laka ka ilivuiano novo nalo ea vio mave.

Vilip 3:8

Nao-o, nemijikia never tibe nei naruei, neverinavo nojo namial vite dolu nalo nonovio abe tena vakovio ga, mia nojidom ga ka nejikia vatitig Kristo Yesu tibe ka tubo na kanaku meuliano, riva lie tibe na. Vite takurano na ga na namial naio bo, napano bo lie vo jovulu vite dolu nalo nonovio, naruei naina ga nojidomio. Kiniou nojidom toru ka novokar naio ea kanaku meuliano, mia namilaluv kanaku saba dolu nalo nonovio bior ruei, mia naio bo ga, kiniou namial vite nalo na jibe soro ga ea kiniou.

Abe Kulo Ju 7:13

Naio monoka tibe na, bior vio nei naio berii kiado Tubo, napano naio miyotuba ea yati tai napano maka lele tai ka nalo sikili tu ea boda ka rila toro lu kiano im̃auano.

Abe Kulo Ju 7:15

Mia Yesu, be yati dolu na toro lu jo napano naio miyotuba eaio, naina naruei be Melkeseteki kiano bajulukuti nene napano rojum̃a roberenio. Vite na naruei mila na romial ka Yesu maka tavukia kulo lu dolu nalo, mia naio jibe ka Melkeseteki garuei.

Navisip̃eiano 22:16

“Kiniou Yesu, nemiila kiaku nailiano na biedu ka riverial iliano nalo na vanso, ka jau komijikia kava kesian van kanaku lotuano nalo. Naverikariano napano aberkar ka mia rimaluvo ea tormoruo parinio tubo Teviti re nua, kiniou nei. Kiniou nei nebe M̃ejegi, m̃arivitano napano berial ka vaataro ka viorijen mermeravo.”

Navisip̃eiano 5:5

Naruei navagadeano nalo tai mil ban kiniou, naio berinavo “Ei, jau keteg re bunu! Koialio, laeon yako napano miyotuba ka tomu nalo na Yuta, naina napano abio ka yati na Teviti, naio jovul vite nonovio ruei. Naio naruei mia rilakorov vukariano aluo nei, naio naruei mia rivetavo ea niosi neibano.”