Abe Kulo Ju 7:11 - Verikariano Vou Na Baki

¹¹ Ana iliano nalo na mave nei aberial burum̃ara vite tai. Amila kirimeravo ka na Atua midular bajulukuti na kulo lu na Livai nalo, naio bitirilar bajulukuti dolu tai na kulo lu nalo, midu jo jeleig naio. Tormoruo Erono bunu naio bitirilar im̃auano na bajulukuti na kulo lu nalo, a Mosis naio bar kiano tuboiano miyotuba, mia ver Atua rial ka vite juo nei bevirare ka rila kito romemedu rivu vija naio, mia naio tuvan tobo. Mia makanio, naio mijebukua, naio miila parinio toro lu vou tai miyotuba ka kito, napano naio be bajulukuti na tormoruo dolu nei Melkeseteki.

Abe Kulo Ju 7:11 ပူးပေါင်းရင်းမြစ်များ

Kalesia 2:21

Ea bajago na, romial Atua kiano tiniememiano toru laka, naruei maka nejikia nala kiano tiniememiano nei rimei rive vite kurano ga tai, bior ver toro mijikia rimei memedu vija Atua bior ga naio mijogkar tuboiano, nana jibe na jibe Kristo naio m̃aro kar iakurano ga.

Kalesia 4:3

Ea kito naio jibe na bunu, napano beamu, rojibe ka kiritete nalo, napano kiado jidomiano jutano ka sim̃aro nalo na jukamu ea vio yetemeriba nei.

Kalesia 4:9

mia vonganei, kumijikia Atua ruei, p̃elina bo ka never tibe na, never voniganei, Atua mijikia kamiu. Mia kiniou nejidom nevika den kamiu, nenerinavo “?Kar vaio ana kumisidom kuva iorou bereio ea sim̃aro nalo nanua na, napano maka ve kanalo moroano tai, a napano maka ajikia avijuku rivu ka kamiu bogo tai? ?Kar vaio ana kumisidom kuvitutano ka kialo moroano bereio?

Abe Kulo Ju 5:6

Mia dolu naio ber jibe nei ber “Kiniou nomiduso kojo javukia tormoruo Melkeseteki, jau kobe parinio toro lu na maariano na ea kiano bajulukuti, ka na mia jau kovokar im̃auano nei rivan mia ribisi deio.” Iouano 110:4

Abe Kulo Ju 6:20

Nina bior Yesu naio jukamu ka kito ban ea vio lu nene ruei, naio ba mila kiano im̃auano jibe ka parinio toro lu na kiado, ka rila kiado merevuiano rivija Atua. Jibe ka na m̃a kito roberiio beamu ruei, naio javukia parinio tor lu na maariano na yati na tormoruo toro lu na Melkeseteki, naruei naio bulu bulag nono kiado kariano nalo ruei, ana mia rimonmon bo ka kiano im̃auano na kar kito rivano-o mia maka rijikia ribisi bogo tai.

Abe Kulo Ju 7:10

Vite na jibe na javukia bogo na Epraamo biviuo Melkeseteki, mila banio, Livai naio maka riyotuba ea korobinio nei navo, mia jibe ka napano naio bunu milaio.

Abe Kulo Ju 7:12

Ana bior Atua bitirilar parinio toro lu vou nei, memedu bunu ka ver rivitirilar kiano tuboiano nene.

Abe Kulo Ju 7:13

Naio monoka tibe na, bior vio nei naio berii kiado Tubo, napano naio miyotuba ea yati tai napano maka lele tai ka nalo sikili tu ea boda ka rila toro lu kiano im̃auano.

Abe Kulo Ju 7:15

Mia Yesu, be yati dolu na toro lu jo napano naio miyotuba eaio, naina naruei be Melkeseteki kiano bajulukuti nene napano rojum̃a roberenio. Vite na naruei mila na romial ka Yesu maka tavukia kulo lu dolu nalo, mia naio jibe ka Melkeseteki garuei.

Abe Kulo Ju 7:21

Mia bogo na Atua bitirilar Yesu be kiado parinio toro lu, naio milakar bija kiano verikariano na jikili tai. Javukia napano iliano tai ea niosi lu na iouano naio berenio, napano naio berinavo “Atua sop̃i naio berkar ruei, mia naio maka rijikia river bukua kanano iliano bereio, naio berinavo ‘Jau mia kovokar im̃auano na parinio toro lu na kanaku tomu nalo, rivano-o mia jau kobisi ka re bogo tai.’ ” Iouano 110:4

Abe Kulo Ju 8:7

Verver virakariano na beamu naio rivu kia ga vo, mia ve re bunu tinene bereio, mia makanio, milaio ana na Atua bitirilar virakariano vou bija kito napano naio bo bo laka garuei.

Abe Kulo Ju 9:6

Vite nalo na mave nei, naina naruei vite nalo na m̃a abar batitiglo aju joomo ea yimo panpano lu na beamu nei, mia bogo na kulo lu nalo aba joomo, amim̃au bijalo. Mia dam̃ariga, ajum̃a aba joomo ea ga vio lu na jukamu nene,