Abe Kulo Ju 6:4 - Verikariano Vou Na Baki

⁴ Nao, mia kito monoka ralavon ka rotu rava lie vo rivija naio dam̃ariga, mia tum̃abe ka nalo na amijoru, aban bereio ruei? Nalo na beamu amiel bo ea miamoiano, a ajum̃a ajinan ea tiniavio na vio mave ruei, a Niununo Lu binimei ealo bunu, mia bogo na m̃a aban bova bereio jibe na, mia maka bunu ajikia aviliglo amei bereio ea meuliano na bo.

Abe Kulo Ju 6:4 ပူးပေါင်းရင်းမြစ်များ

Mataiu 5:13

Ana Yesu ber bunu, berinavo “Kamiu kube vaatei na tomu nalo na yetemeriba nei, napano kenemiu bajago novo naio bakar vio yetemeriba nei maka riva rivova laka. Ana verenio vaatei nei rijea re bunu rivu, maka bunu rijikia rila kanano im̃auano, a maka bunu titai rijikia rila rivu, mia naio bo ka ga avukuio rivano.

Jone 15:6

Ver toro tai vijurukar re kiniou, naio tibe ka tilikiti tai napano binimei menoko, ka mia atelario, adu avuku rivan ea sebi, ka mia sebi sisenio.

Eveso 2:8

Atua naio milarur kamiu ea ga kiano tiniememiano, bior kamiu kubarkar tiniemiu ea naio. Vite na maka rimaluvo ea kenemiu im̃auano novo tai, makanio, mia Atua ga naio jian kurano ka ga ban kamiu.

Jone 3:27

Ana bogo nam̃a aber jibe na ka Jone, naio maka rijoku, maka rijog rivova, mia naio jaaro ga, berinavo “Kito tomu nalo nonovio monoka roim̃auka ga venia napano Atua naio midu jua jum̃ado.

Abe Kulo Ju 10:32

Kito maka rejikia ka mia tum̃abe ea legiano nalo na aju abinimei, mia bo ka rotu rosidomial m̃arabo novnovo nalo nam̃a Atua mijaja kito kanio ea legiano nalo napano abarlaka ban ruei. Bogo na kito romiyotuba ea miamoiano nanua beamu na, maka vesiou ana romidu bogo na jikili laka, napano aju amila kirivova ban kito napano romonea Yesu.

Mataiu 12:45

Naruei naio mijikia riva rivuru bereio niadu dolu nalo ve aluo napano abova laka loa naio, amei vija naio, ka mia amijikia ava joomo bereio atua toro nei. Mia toro nei nua kiano meuliano bova, mia iorou kanio kiano meuliano rivova lie vo. A mia tibe na ga bunu ea meuliano na tomu na bova nalo ea bogo nei.”

Kalesia 3:2

Kiniou nejidom nevika vikadeniano tai van kamiu beamu vo. Vikadeniano nene jibe nei “?Kamiu nanua kumijev Niununo Lu ruei, kumijevio kar vaio? ?Kumijevio bior kumonea Mosis kiano tuboiano nalo na?” Makanio, kamiu kumijevio kar ga kumijog Ioluano Vou ana kumitu kumoneaio.

2 Timoti 2:25

P̃eli bogo tai mia nalo tealo tinielo ail die naio, ana ver naio rilavio ka rila kialo jidomiano to rimemedu, mia naio rimelumu rivanlo ga. Ea m̃arabo na naruei p̃eli mia Atua mijikia rudu bogo ve telisu kalo ka avilig kialo jidomiano bereio, amijikia avokar kiano ilirianiano.

1 Jone 5:16

Ver kito reial kuruado tai napano naio jom̃a mila kariano, napano kar-iano nene maka ve toru laka, maka ka toro rim̃aro riviorio, p̃eli ka rivuru bulag tomu den Kristo bereio, romijikia robolkouo van naio, ana mia Atua mijikia jaamo ka naio to joomo ea meuliano ga. Mia maka kiniou never bo ka kito robolkouo ka toro na m̃a mila burum̃ara kariano bova, bior ka napano kariano tealo abe tena m̃ariano ga, ana ver toro tai rila, mia maka rejikia rever titai bereio.

Abe Kulo Ju 2:4

Mia Atua bunu miija iliano nei, napano m̃a mila vremesiano ninio nalo, a vite na vameneano nalo, a im̃auano nalo na kiano moroano, mia mave ka nina, naio biovio ka bulagio Niununo Lu kiano ijaiano nalo ban kito kei napano naio jidom rudu vanio. Ana na kito romial vite nalo nei ana romijikia ka Ioluano Vou na bo na Yesu Kristo kiano naio be iliano tai napano bo-o laka loa ka tuboiano moruo na kito kulo Ju kiado.

1 Timoti 4:14

Jau tiniemo bobogia re moroano lu nam̃a Atua jian banso ea bogo napano taara na vurim̃araboiano nalo amioa parimo. Naverialiano tai ka bogo na, kiano iliano naio berial moroano nei be kanamo, naruei monoka kesikili ka koim̃au vija.

Im̃auano 11:17

Mo kito kulo Ju nalo, napano kito romonea kiado Tubo Yesu Kristo ruei, Atua jian kiano Niununo ban kito, jibe ka ijaiano tai, mia bogo napano nemial napano Atua jian ijaiano nene kia ga banlo napano maka ave kulo Ju, ana vite na mila kirimeravo batitigio ea kiniou ka vonganei, maka lele rimemedu ka mia neverenio tomu nalo nei nalo maka ajikia amei jouro kitoliko. !Kiniou nebe kenia, ka neielkue kanio Atua tibe na, verenio naio sidom ka rila tibe na vanlo!”

Eveso 4:7

Mia ea kito nonovio robeve terakurano, Kristo jian ijaiano dedade nalo ban kito ea kiado meuliano, napano nalo kirinovo laka, memedu ka kiano tiniamemiano napano toru nei.

Eveso 3:7

Mia Atua naio mila kiniou nobe atevi na im̃auano na Ioluano Vou nei, a im̃auano nei naio be ijaiano novo tai napano Atua jianio ban kiniou, napano kiano moroano nene naio jo mim̃au maluvo ea kiniou.

Im̃auano 10:45

Ana namoneano dolu nalo napano ajuvan vio Jopa naliko Pitere abinimei, nalo abe kulo Ju nalo, naruei nalo amiilo toru manenea ka vite nalo nei, bior napano binimei bokar bogo nei, ana nalo aberiam̃a Niununo Lu naio be jidomiano tai napano Atua jian ga ban kulo Ju nalo ga.

Im̃auano 8:20

Mia Pitere naio maka lele saaro ka vaio napano Saimon bikanio, naio tinien jerio, naruei mil jikili banio, berinavo “!Tavaliki! Maka nejikia navar kanamo veru napano jau koberiam̃a komijikia kovulular moroano na Atua kiano kanio. Nina naio be ijaiano ga tai napano Atua mijikia sian kurano ka ga van toro. Kiniou neber kaso, mia kanamo puruveru mia rivano, sebi sisenio ea vio na jogvaiano, ana jau bunu katakisorio kavano.

Jone 6:32

Ana Yesu berdop̃elo bereio, berinavo “Nao, vite na naio joa niosi lu, mia joko napano Mosis bario, naio maka ve joko na vio mave. Joko na vio mave napano be riano, karam̃aku ga naio mijikia sianio.

Im̃auano 15:8

Atua naio mila jibe na bior naio maka tibure nalo nei den kito, mia naio mial tinielo beverare jibe ka napano naio mijikia vatitig vaio napano jua kiado iviso nalo. Naio berial ka naio jaaro ka nalo amijikia amonea kia ga m̃arabo napano kito rojum̃a romoneaio, napano naio mije Niununo Lu banlo, a napano naio jekon kialo iviso nalo meravo bunu, bior nalo abarkar tinielo ea naio, javukia kito.

Jone 4:10

Naruei ana Yesu naio berdop̃e berinavo “!Tira, verver jau komijikia ga ijaiano na bo napano Atua naio jidom sian vanso! !Verver jau komijikia ga ka kiniou nebe kei nei ga nam̃a nebika uei denso! Ver tibe na, vede maka ve kiniou na nebika uei denso, ana mia jau kovika uei den kiniou. Mia bogo na ver jau kovika uei den kiniou, nemijikia nesian uei na be uei na ridu meuliano vanso.”

2 Timoti 4:14

Jau komijikia toro na mim̃auka tano p̃ili marau nei Aleksada, naio mila iliano bova telabo laka ban kiniou. Mia Tubo ga naio rivitii ka rila venia ka naio,

Romo 1:11

Nojidom laka ka neviedu neial kamiu, ka verenio nemijikia nejev ijaiano tealo na moroano na Niununo Lu juvan ban kamiu ka rila kuvisikili lie vo, mia naio rivu laka.

2 Korin 4:4

Ea tivelinio na nalo napano maka amonea vo, tubo va na yetemeriba nei naio jetavoko kialo jidomiano ruei, naio milalo jibe abe merebono, bior napano naio maka sidom ka avitii burum̃ara miamoiano na Kristo kiano Ioluano Vou. Kristo nene kiano mermerano merera laka, bior napano naio bar mirano Atua ga memedu.

2 Korin 4:6

A vite nonovio nei be Atua kiano im̃auano ga. Ea tiiano, Atua ber jibe nei, berinavo “Mia miamoiano rimei mereralii melijokouo napano jo,” a jo mila jibe na kea ban kito. Nina ga Atua nei napano jo mim̃au vonganei, mila kiano miamoiano merera ba joomo nonio ea kito, mila robakar miamoiano nei napano jo merera binimei den Kristo mirano, napano miyotuba nonovio ea Atua kiano mermerano napano joaio.

Eveso 1:18

Ana na nojom̃a nobika denio ka naio rivetavo ea kenemiu jidomiano, ka mia kuvitilubar kiano yulu, a ka kuvijikia vite nalo napano Atua naio bio kamiu kanio, a ka kenemiu jidomiano naio monoka sikili lie vo ka mia kuvokar vite nalo na. Vite nalo napano, naio be kenemiu jajum̃ano, jibe ka vite na bo telabo napano Atua mila batitigio ju, ka ve namoneano lu nalo kanalo.