Abe Kulo Ju 5:8 - Verikariano Vou Na Baki

⁸ Be riano ka Yesu be Atua kenerinio ruei, mia Atua naio mijamo ka jogvaiano na jikili nalo amiyotuba kanio, jidom ka riverloglog Yesu ka rivokar vatitig rivu bajago na monmoneano ea kiano meuliano.

Abe Kulo Ju 5:8 ပူးပေါင်းရင်းမြစ်များ

Vilip 2:8

Toro na vio mave naio binimei be toro na yetemeriba, naio mila naio batove, naio jotano yetano ka sidomiano na Atua kanano, banbano-o na naio bokar m̃ariano ea m̃akolkolo.

Jone 4:34

Ana na Yesu ber kalo, berinavo “Makanio, sinaniano na kiniou nojo neberenio na naio dolu kiana. Saku sinaniano, naio be im̃auano na jogkariano na tinieiiano na naio nam̃a miila kiniou nebinimei yetano nei, a kiniou monoka noim̃au ka nonovio riviniu rivanvano-o na ribisi.

Jone 15:10

Ver kamiu kumitum̃a kubokar vatitig kanaku tuboiano, kumijikia kuvijurukar ea kanaku tinietiiano, tavukia nam̃a kiniou nojom̃a nabokar batitig ruei karam̃aku kanano tuboiano, nobijurukar batitig joomo ea kanano tinietiiano nene.

Jone 6:38

“Kiniou najaluvo ea vio mave nabatove yetano ea yetemeriba nei, maka ka mia nala kanaku jidomiano, mia ka nala jidomiano na kanano napano naio miila kiniou nabatove.

Abe Kulo Ju 3:6

mia Kristo naio mila lievo, bior ka naio biekouo ka rivitikar im̃auano na burutomoluo nonovio ea yimo nei, jibeka na naio be kenerinio motoru kar garuei ka naio be napano boru na yimo nene. ?Ana yimo nei naio jom̃a ber venia, p̃elina ber kei? Naio jo ber kito ga, bior ka na ver romerou re, a ver rajaa-ro ka kiano verikariano nalo, rovokar vatitig rivu kiado verikario ealo, mia kito rove kiano m̃aratavo lu memedu.

Abe Kulo Ju 1:8

Mia bogo na Iliano Lu ber Atua kenerinio, ber naio loa laka ka nailiano nalo, beriio jibena ka naio bevirare ka Atua, bio naio ka Atua. Berii naio berinavo “Atua o, kanamo vio lu na m̃a kojojo tanea mia naio ritobo to. Nasitogo na kiamo navenatuboiano, na bajago memedu.

Abe Kulo Ju 1:5

Verver kito reial ea vivitauiano lu nalo, iliano miroano napano ju na m̃a aberenio Atua mila kenerinio naio loa lie vo ka nailiano nalo. Ea iliano nalo nei tai kalo, Atua mil ban kiano Naverikariano, naio berinavo “Jau na, kiniou namial jibe ka banei jau kobinimei kobe keneriku riano, a kiniou nebe karam̃amo riano.” Iouano 2:7 A tai bereio jibe na bunu, naio berinavo “Mia kiniou nemei neve karam̃ano, a mia naio rive keneriku.” 2 Sam 7:14 Iliano juo nei, Atua maka lele river ka kiano nailiano nalo nei tai, river naio be kenerinio lu, mia ber ka Yesu ga.

Mataiu 3:15

Mia Yesu naio berdop̃e, berinavo “P̃eli ga koig, mia tibena re. Jau kala ninei beamu vo, bior bo laka ka mia kito ve juo monoka rotum̃a rataki vite nalo napano Atua jidom ka kito roim̃aukanio.” Naruei Jone mijamo ka Yesu binimei, ana naio baruei eaio.

Abe Kulo Ju 1:2

Mia voniganei, ea legiano na maaro nalo na kito rojua nei, naio mil ban kito jel ea kenerinio memedu Yesu. Kenerinio nene naruei napano beamu, ea tiiano na yetemeriba nei, Atua mim̃au eaio, ana na nalojuo ajii bogo nalo a vio nonovio, avona iorou kanio ana na Atua naio bitirilar kenerinio nei, naio mije vite nonovio monea jum̃ano be parinio kalo.

Jone 10:18

Vere toro dolu tai napano mia rudular kiaku meuliano nei den kiniou, mia kiniou ga takurano nemijamo kanio. Be kiaku ga nesian rivano, a be kiaku ga ka mia nodu bere rimei. Ka noim̃au tibe na, Teta ga mije monea kiniou.”