Abe Kulo Ju 4:11 - Verikariano Vou Na Baki

¹¹ Ver tibena, bo ka kito resikili ka ravokar jilimebiano lu novo na, maka rivu ka mia kito tai bunu rimonmonea re Atua, ka mia rilaluvuio.

Abe Kulo Ju 4:11 ပူးပေါင်းရင်းမြစ်များ

Abe Kulo Ju 3:18

?A nalo na m̃a naio berkar ber mia nalo ajikia lele re ka mia ava jouro ea kiano buruvenuo novo na jilimebiano napano naio mila batitigio be kanalo, nalo abe tomu na ajum̃abe? Nalo na maka ajikia avano, nina nalo na m̃a amila pariparilo, a nalo na m̃a maka adu niono.

Luka 13:24

Naruei Yesu berdop̃elo, berinavo “Kamiu monoka kuvilavio sikili ka mia kuva joomo ea bulutavo dolu na, napano na teliki ga. Kiniou neber riano ka kamiu, ka mia tomu ve telabo asidom ava joomo, mia maka ajikia alaio.

Abe Kulo Ju 6:11

Tibe na, ana mia nojidom notunukakar kamiu bereio, ka kamiu kuvan re bunu, kuvisikili ka kuva lie vo rivano-o rivokar jukuti nene, ka mia monoka kuvokar vatitig vite nonovio na m̃a kenemiu jidomiano joaio.

Eveso 5:6

Kamiu kuvijamo re ka tomu nalo avuru kamiu kuvan ea m̃arabo dolu nalo, napano nalo amijubolbolili kamiu ea kanalo iliseseiano nalo. Vite nalo nei naruei, mila ana Atua tinien jerlo ruei, jibe ka napano nalo maka amonmonea naio ruei, ana na mia naio rudu vironiano vanlo.

Abe Kulo Ju 3:12

Kuruaku nalo bija kuvivinieku nalo, bior vite nalo na mia bo ka mia kamiu kuvitikar kamiu rivu. Maka rivu ka mia kamiu tai, jidomiano na bova toa naio, p̃eli kiano iviso rimonea re bunu, ka mia rila naio rivan bereio taluvo den meuliano nabo na Atua na meul kiano.

Taitas 1:16

Tomu nalo napano nojo nebivitauia nei, nalo aju aberial ka nalo amijikia Atua, a kialo im̃auano nalo na amila meravo ban kito ka nalo maka ajikia leleio. Kialo iviso minunu a mijalele, parilo kirisikili laka, nalo maka avare ka ala im̃auano novo tai leleio.

Vilip 2:12

Banalo, ea vio nei romialio jibe ka nam̃a Yesu naio monmonea karam̃ano, a kamiu bunu, nanua kiniou namial jibe ka kumitu kumonea naio bo bunu ruei, bo mia bo. Mia maka kumila ga ka bogo na kiniou nojo bija kamiu, mia vonganei, maka bunu noto vija kamiu, maka bunu neial ka kamiu jum̃abe naruei, mia nojidom ka kuvitu kuvisikili dolu ga ka rila rivano-o rivu lie tibe na. Kamiu kubokar ioruriano ruei, tibe na naio maka rivu ka kuvitutano kule vijaio, mia monoka kuvisidomii rivu laka ea naio. Monoka kuvitilubar vatitig burum̃ara im̃auano novo nam̃a Atua naio mila, naruei monoka kuvim̃auka kija ka im̃auano novnovo nalo na meuliano vou nam̃a naio jian ban kamiu.

Taitas 3:3

Iliano nalo jibe na abe kiado robiniu, kar napano maka nalo dolu ga, ana beamu nua, kito bunu rojua meuliano va. Kito romila vovu ban Atua, a kito romila parido jikili ka naio. Bajago va buru bova kito banbano-o robinimei robe toro na jo yetano ka moroano na sidomivaiano nalo a saariano va na yetemeriba. Ea bogo na, sado sinaniano na bogoti bogo nonovio naio be tiniemimiano bija tiniekakariano nalo. Kiado iviso jerm̃ii tomu dolu nalo, a mave kanio, roju rejerm̃i kito bereio.

Kolosia 3:6

Bior bajago nalo nei naruei Atua tiniene mimi m̃ele, ana kanano natibureano jo binimei ea nalo napano maka amonmonea naio.

Im̃auano 26:19

Ana Pol naio mil kia navo, berinavo “Nina naruei, Tubo Akripa, bogo napano kiniou nemial burum̃ara vite napano jaluvo ea vio mave binimei ea kiniou, maka bunu nejikia nala titai bereio, mia nomonmonea ga Tubo kiano iliano ga.

Luka 16:16

Iliano dolu tai napano Yesu berenio, naio berinavo “Beamu, Niosi Moruo jo, napano niosi nalo na Mosis kanano bija niosi nalo na naverialiano nalo kanalo juaio, bano-o binimei bokar bogo na Jone Baruei. Jone mim̃au bano-o bisi ana vonganei Ioluano Vou na bo na Atua kanano navenatuboiano naio binimei, naruei ajum̃a amioliolu ka janea vio reraio, mia tomu nam̃a ajidom ka ava jouro eaio na aju amila vio jikili ka ajogkario.

Mataiu 11:12

Jikario ea bogo napano Jone Baruei jikar ka m̃a mioliolu, binimei bokar banei, tomu nalo ajum̃a amilidie navenatuboiano na Atua kiano, a uolu kouo na mira nalo bunu ajumolu m̃a amila vio ka atuvulio.

Mataiu 7:13

Ana na Yesu berii bunu, berinavo “Be burum̃ara bulumorouo tai napano betavo laka jo, mia m̃arabo nene jagati toru laka be vodobi bo. Mia tomu telabo ajum̃a ajakii m̃arabo nene, mia m̃arabo nei naio ban ea vio na avokar vironiano. Mia kamiu monoka kuvisel ea bulumorouo dolu napano naio kiritavaso. M̃arabo nene naio jikili, mia maka tomu nalo ve telabo napano ajeliaio, mia m̃arabo nei naio be m̃arabo na meuliano.”

Eveso 2:2

naruei ea bogo na, kamiu kumiel ea bajago va nalo na yetano nei. Beamu, kamiu kumitakisor tubo na moroano nalo na vio yauo, kumonmonea naio ga, napano naio be niununo napano jo mila kiano im̃auano ea nalo napano m̃a maka amonmonea Atua.

Jone 6:27

Mo, kanaku ilirianiano van kamiu naio jibe nei: kamiu kuvitum̃a kuvisidomii m̃ele re rivior sinaniano ga napano naio be tena bogo bulati ga naio joono bereio. Mia bo kanio kuvim̃au sikili rivior sinaniano nei na m̃a naio mijikia to dam̃ariga to, naio mijikia to to riva rivokar bogo na meuliano nei napano naio maka ve jukuti nene. Be riano, mia kiniou Kulorinio Kenerinio nemijikia nesian meuliano nene van kamiu, bior ka napano teta Atua naio jekarlar kiniou takurano ga ka nela tibe na.”

Abe Kulo Ju 4:6

ana na iliano nei mila kirimeravo ka monoka ve tomu nalo na vio dolu tai bereio na mia Atua naio rijamo kalo ava jouro eaio. Nalo na beamu, amijog Atua kiano lilianiano vou na bo, bija buruvenuo na berkario ka ve kialo, mia maka atu sikili, maka amonmonea, mia nalo amilaluvu tanea garuei, maka ava jouro eaio.

2 Pitere 2:6

A bereio, kuvisidomial burum̃ara komeli juo na Sotomo bija Komora. Atua mial kialo vovaiano nalo naruei naio misebikolo abe burumaroro ga naruei, a nina naio betavo ea venia na mia naio rila ka nalo nonovio napano ajua meuliano na bova.