Abe Kulo Ju 4:1 - Verikariano Vou Na Baki1 Naruei beamu, Atua naio mila batitig kiado tormoruo nalo kanalo vio novo na jilimebiano tai, mia voniganei naio mila batitig ber ga bunu kiado jilimebiano lu tai ruei jibe na. Verikariano na jilimebiano na naio meul batitig bo jo kiana vo, naruei maka rivu ka kito rotibe ka kiado tormoruo nalo nei, napano amilaluvu kialo jilimebiano nene, nalo miroano maka ava jouro eaio. P̃eli bo ka kito rotu rovitii vatitig kito rivu, maka rivu ka rotu ga o-o mia kito tealo nalo bunu alaluvu kialo bogu, avitiilo ka maka ajikia avokar kialo jilimebiano. အခန်းကိုကြည့်ပါ။ |
Abe Kulo Ju 4:1
28 ပူးပေါင်းရင်းမြစ်များ
Be riano napano Atua burkokorov jerati tealo, a mila ga ban Ju nalo napano maka amonea Yesu, a be riano napano naio jidom kamiu kuviasol, a nina maka rivior napano kumila vite novo nalo tai, a bior napano kumitu jikili ea kenemiu viekouoiano ea naio. Jibe na, kamiu kuvarvar ka re napano kubinimei jibe Atua kiano tomu nalo, a monoka kuviturmaro ka kuvisidomii vatitig vite novo nei napano Atua mila ban kamiu. A kamiu monoka kuvitikar vatitigio bunu,
Kumemi numim̃au jibe tomu nalo na amim̃au vei bija Atua, a numijikia jum̃abe ka naio be tinievu laka ban kito robiniu. Tibe na, numisidom nuvika sikili van kamiu, ka kiano tinievu novo napano binimei ea kamiu, maka rivu ka rimei kurano ga. Kamiu monoka kuviduio, a monoka kuvituvan rila kiano im̃auano ea kenemiu meuliano.
Ana monoka kuvim̃auka im̃auano m̃ele ka mia ve re kamiu tai tikiti mia rijoru rimebi ea m̃arabo togio, napano maka rivokar Atua kanano tiniememiano vo. Kuvitikar vatitig bunu rivu ka kiri pati na mijea tai na telisu ga rimei re ka rivijurukar kiamo iviso. Verver makanio, bisi mia riluo rivar m̃arati na bova nalo ve telabo ea kiamo meuliano, a napano niamiamo nene rila niegeniege namoneano lu dolu nalo kanalo meuliano na bo nalo.
Tuboiano moruo re beamu, naio jibe ka ililaboniano tai napano miyotuba ea yetemeriba nei, a ioluano vou na bo, naio jibe ka ililaboniano tai na miyotuba ea vio tiniabene. Nalo na m̃a abilig taakalo ka tuboiano moruo, maka ajikia avuro ka kialo vironiano leleio, naruei ver tibe na, mia tum̃abe ka nalo na m̃a abilig taakalo ka ioluano na bo? Mia nalo avuro kulu kija re na. Tibe na, mia bo ka raiagago vatitig ka Atua joono, bo kito roduio.
Vite dolu, bo ka kamiu kuvitu tiniemiu rimaio ka kenemiu navu-rim̃araboiano nalo, napano ajukamu ka aberial Atua kanano iliano beamu ban kamiu. Kuvilavon ka kuvitii vatitig m̃arati napano naio miyotuba ea kialo bajago novo na kialo meuliano, a kuvilaii kialo moneano na jikili ea kenemiu meuliano nalo.
ကြော်ငြာတွေ