Abe Kulo Ju 2:16 - Verikariano Vou Na Baki

¹⁶ Riano ga na, Yesu kiano im̃auano novo na ijaiano nene, naio maka rila rivan nailiano nalo na vio mave, mia naio mila ban kito tomu na yetemeriba nei. Iliano telabo na m̃a aber vite na jibena, aberinavo “Naio jom̃a miija batitig tormoruo Epraamo kiano bajulukuti nalo.” Aisaia 41:8-9

Abe Kulo Ju 2:16 ပူးပေါင်းရင်းမြစ်များ

Romo 2:25

Jau kober ka apakuveuso ruei, ana kobe Ju tai riano, nina bo laka. A tena mijaso verver ga jau kojo komonea Atua kiano tuboiano. A ver jau kolakorov tuboiano na, jau kobe Ju ka iakurano ga, jau kobova ea Atua jibe ga nalo napano maka abakuveulo.

Kalesia 3:16

Ana Atua mila kiano verikariano ea Epraamo, bija kiano bajulukuti. Iliano nei maka river ga ea tomu nalo napano ea kiano bajulukuti nalo, napano naio ber toro takurano ga, mia toro nene naruei naio be Kristo.

Kalesia 3:29

Mia bior kamiu kube Kristo kanano jibe na, kamiu naruei kube Epraamo kiano bajulukuti memedu, mia tibe na, ilivuiano nalo napano Atua naio berkario ka Epraamo kanano bajulukuti nalo, mia kamiu naruei kuvarilo.

Abe Kulo Ju 12:10

Karam̃ado nalo ajum̃a amije vironiano ban kito ka yuka nalo na m̃a robe kiritete kia ga vo, amila jibe na ka ajidom aber mia rivu kalo bereio, mia bogo na Atua midu vironiano ban kito, naio mila ka mia rivu lie van kito vo, ka mia kito bunu rojikia rovokar kiano meuliano lu.

Abe Kulo Ju 2:15

Naio muelar Sim̃aro kiano moroano, ana naio mijubar bulag teli nalo na merouano na m̃ariano na amiorkakar tanea niegeniege kito, napano mila kito romijog bova biorio ea kiado meuliano momou.

Abe Kulo Ju 2:17

Naina naruei be Atua kiano jidom-iano naio jibenei. Naio mial bo ka mia Yesu naio rimei tibeka ga kito kuruano nalo ea vite nonovio, rivanvano-o mia mijikia rijikia vatitig kito rivu, naio mijikia tinien riia kito. Ana mia kito ravarkar tiniedo ea naio, ka mia naio riviekouo ea im̃auano na mia naio rila van Atua rivior kanado kariano nalo, napano naio mila kiado merevuiano bija Atua, jibeka naio be kiado parinio toro lu.

Abe Kulo Ju 6:16

Ka tivelinio na bajago na ala verikariano jikili, tomu nalo ajum̃a aberii tor lu tai siano p̃elina vite lu tai. Mia bogo na tomu dolu amijogio, monoka amonea ga, maka bunu ajikia ail mum̃ii ka bereio, bior sio na aber naio mila iliano nene tu sikili.

1 Pitere 1:20

Atua naio bijauia Yesu ka rijai kito tibena nanua beamu ruei. Beamu ka bogo na naio jii yetemeriba, mia naio bokar kenerinio nei bija naio jibe na ba tinien miia kito laka, naruei naio miila naio miyotuba vonganei ga ea legiano nalo na maariano nei.