Abe Kulo Ju 13:24 - Verikariano Vou Na Baki

²⁴ Kumemi numisidom ka kuverial van kenemiu navurim̃araboiano nalo, vija Atua kanano tomu dolu nalo, ka kumemi numitum̃a nubika ka nalo ajum̃abe na, aju bo p̃elina jum̃abe, a nalo na vio Italia napano m̃a ajua vio nei nalo ajidom aver bogiano bo van kamiu bunu.

Abe Kulo Ju 13:24 ပူးပေါင်းရင်းမြစ်များ

Abe Kulo Ju 13:17

Vite ta bunu bereio, na naio bo ka kito monoka romonmonea kiado navurim̃araboiano nalo, a monoka rasaaro ka rotutano ka kanalo iliano nalo. Nalo aju amila vio jikili ka abitikar batitig kito bo, bior kanalo tomu na tortoru nalo na mave kalo ajum̃a abitii kialo im̃auano nalo a kialo bajago nalo bunu. Verver kiado navurim̃araboiano nalo, kialo jidomiano nalo am̃arm̃aro, ana mia im̃auano nonovio rivova, mia ver romonmonea nalo rivu, ana mia rila im̃auano ve temi laka re vanlo. Mia asaaro kanio ana mia rivu lie bunu rivan kito tomu na im̃auano nonovio.

Abe Kulo Ju 13:7

Vite dolu, bo ka kamiu kuvitu tiniemiu rimaio ka kenemiu navu-rim̃araboiano nalo, napano ajukamu ka aberial Atua kanano iliano beamu ban kamiu. Kuvilavon ka kuvitii vatitig m̃arati napano naio miyotuba ea kialo bajago novo na kialo meuliano, a kuvilaii kialo moneano na jikili ea kenemiu meuliano nalo.

Vailimon 1:5

Nina bior nomijog ruei ka napano ajum̃a aberii kanamo bajago novo, napano kanamo viekouoiano ea Tubo Yesu naio jikili vatitigio bo, a kanamo tinietiiano ban namoneano nalo bunu, naio toru laka.

Im̃auano 18:2

Ana ea vio na, naio mileal toro Ju tai napano toro nene be toro tai na tanobuku na vio dolu Pontas, mia naio ba joa venuo na vio Italia, ea sano burum̃ara bulukomeli na vio Romo, mia vonganei, naio naljuo koano, abinimei vonga aju Korin, bior Parinio Tubo Klotias na vio Romo naio bukubulag kulo Ju nalo ea kiano vio nei. Mia toro neibano siano Akuila, a koano siano Prisila. Jibe na ana Pol ba mial naljuo,

Vilip 4:22

Nalo ta bunu ka atuvan iliano tibe na van kamiu, naina be namoneano lu nalo abiniu ea vio nei, bija bunu nalo nam̃a amim̃au parinio tubo nei Sisa kanano ea kunuano na toru.

2 Korin 13:13

Namoneano lu nalo na vio nei aber kialo bogiano bo binimei ban kamiu bunu.

2 Korin 1:1

Bilbilu nalo, kiniou Pol bija kuruado nei Timoti, kumemi juo numisaaro ka nubiviuo vija kamiu bereio ea m̃esi nei, nina kamiu ea Atua kiano yimo lu, ea komeli na toru na Korin, bija kamiu namoneano lu dolu nalo napano kumitu janea vio ea burum̃ara tanobuku nei na Kris. Ea kiano verikariano, Atua bitirilar kiniou Pol ka nemei tibe Yesu Kristo kiano atevi tai, mia vite telabo ka noverialio van kamiu ea m̃esi nei, mia beamu ka nina,

Vilip 1:1

M̃esi nei, tomu juo nam̃a amim̃au kurano ga Yesu Kristo kanano, naina be kumemi juo kiniou Pol bija Timoti, kumemi juo nubivitauia biedu ban kamiu, napano kamiu kumitua komeli na vio Vilipae, nina kamiu nam̃a kenemiu meuliano naio jo bo bija Kristo, jibe ka kamiu kube namoneano lu nalo, bija kenemiu navagadeano nalo a kenemiu ijaiano nalo.

Im̃auano 27:1

Ana ea bogo na, kiniou Luka, kiniou bunu nojo bija Pol ea vio Sisiria, ana neberenio kiniou bunu navan vija naio Romo. Naruei bogo napano tomu na tortoru nalo amial ka bogo na ka mia nuvano, aburular Pol naliko nalo dolu napano aju joomo ea nalakoiano, amidulo jua toro na toru na mira tai jum̃ano. Toro na, naio siano Julias, a naio be navurim̃araboiano na taara na tomu nalo na mira nei napano abiolo ka “Taara na Okastas.”

Im̃auano 9:13

Mia bogo napano Ananaias mijog iliano nei naio miilo va kanio, ana berinavo “Tubo, kiniou nemijog tomu telabo aberii toro na kiano bajago ban kiniou ruei, a aberial jum̃abe napano m̃a mila ka kanamo namoneano lu nalo napano aju Yerusalemo,

1 Korin 16:16

Tomu novnovo nalo jibe nei, bo ka kuvitiri bulaglo ka avuru m̃arabo ka kamiu, a bo ka kuvatove bunu ka tomu dolu nalo napano kumim̃au vei bijalo.