Abe Kulo Ju 12:11 - Verikariano Vou Na Baki

¹¹ Vironiano naio be titai na ka bogo na ravario, mia naio maka sese leleio, naio mijea laka. Mia iorou kanio, ver kito rajamo ka naio riverloglog vatitig rivu kiado meuliano, mia naio rivar sano m̃arati na bo, napano bajago na melumuiano vija tum̃aroano, vija bajago na be lu a memeduano.

Abe Kulo Ju 12:11 ပူးပေါင်းရင်းမြစ်များ

2 Korin 4:17

Bogo kouo tertelisu nalo na yetemeriba nei nalo abe tena bogo bulati ga, mia aju amila kito roju vatitig ka ravar dulu ka rotua mermerano na tiniabene, napano toru laka, bo laka juvulu loa, napano mia rotu rojog rivu kanio to toboto.

1 Pitere 1:6

Nemijikia ka vonganei, kamiu kumitu kubar vite teremi na jogvaiano nalo ea juboluboiano napano m̃a kubokario, a p̃eli jo jibe ga na bunu ea bogo tealo napano naio rimei kia navo. Mia jidomiano nalo napano neberenio ruei na, naio bo ka rila kamiu kuvisaaro, kenemiu iviso nalo ajog rivu bereio.

Abe Kulo Ju 12:10

Karam̃ado nalo ajum̃a amije vironiano ban kito ka yuka nalo na m̃a robe kiritete kia ga vo, amila jibe na ka ajidom aber mia rivu kalo bereio, mia bogo na Atua midu vironiano ban kito, naio mila ka mia rivu lie van kito vo, ka mia kito bunu rojikia rovokar kiano meuliano lu.

Abe Kulo Ju 5:14

mia nalo na m̃a ajum̃a ajen sinaniano nalo na kirisikili, na ameruo bo ruei. Nalo na ajibe nei, kialo jidomiano nalo amim̃au bo bano-o abitii lubarbar vite nalo nonovio, naruei amiluo abinimei abo bokar nana abitilubar vatitig vite venia nalo na bo a vite venia nalo na bova.

Romo 14:17

Ea vio na roberenio ka iliano nalo na tivelinio na ka mia romijikia romunu venia p̃eli rosen venia, p̃eli monoka roveli ka uei p̃eli sinaniano vabe, mia monoka tiniedo bobogia re ka nina maka ve tena toru tai joomo ea Atua kiano navenatuboiano na. Mia kiano tenalo na tortoru, naina rala bajago novo ea meuliano napano memedu, a rotua tum̃aro vija tomu dolu nalo, a rovakar jogvuiano napano Niununo Lu jo jianio.

2 Pitere 2:14

Miralo nalo bujo ka tira ka ala siakaiano, a ajum̃a ajidom asen kariano nalo rivan rivano maka niabelo mave bogo tai kanio. Ba loa, ajum̃a abur kamiu dolu nalo napano amijikiki aban bijalo, a abe tomu na aberlogloglo bunu bereio ka m̃arabo nalo na tinietii m̃elea vite nalo. Ierinio, nalo na abe taara tai napano Atua kanano siniabu na jikili mia naio riakonlo vatitig n avo!

2 Timoti 4:8

Tomu na memedu nalo na Tubo kiano mia nalo avokar batubatu lu, a be tinieku ka kiaku naio midu vatitigio jo mave ruei, ka mia rudu van kiniou ea legiano na maaro. Ea bogo na, naio tibure tomu nalo rive memedu, a mia naio sian jidomiano van kito roviniu napano kiado jidomiano naio jikili ka rasirarago kuku ka kiano rimeiduluiano.