Abe Kulo Ju 11:37 - Verikariano Vou Na Baki

³⁷ Tai bereio, ajubabinvinlo ka puruveru, a tealo abijikokorov mokotenalo beve juo ka so, a tealo ajebinvinlo ka iobogu na mira. Nalo napano ver maka am̃aro, nalo bunu vite nonovio kirisikili banlo. Nalo maka ve kialo titai, jum̃alo bulati laka, naruei amijulu bulag kulukuti nani p̃elina nunu bunu ka mia mila niabele bitunu, mia vite nonovio bova ga banlo julaka ga, mia tomu dolu nalo maka aialerinio ealo, amila lelanlo toru laka.

Abe Kulo Ju 11:37 ပူးပေါင်းရင်းမြစ်များ

Im̃auano 7:52

Atua kanano naverialiano nalo re nua, korobido tormoruo nalo amila kiki nonovio lo abiniu, a amuebinvinlo telabo, be kurano ka abe tomu nalo napano Atua miilalo abinimei ka averial ka Toro Lu na Atua kiano im̃auano, mia naio jo binimei. Mia kamiu kubova kitkiti garuei, bior bogo napano toro nei naio maluvo ka kito ruei, mia kamiu kubielar naio a kumuebin naio m̃aro.

Navisip̃eiano 11:3

Mia bogo na atua vio na, mia tomu juo napano aju jikili ea ilirianiano na kanaku ayotuba. Mia naljuo aya m̃adabake ga tibe ka kialo kulum̃arauo, mia nalo averial kanaku iliano ea tikariano na siberio nalo na riva rivokar juluvati nene, napano legiano nalo nene abokar menu takurano toromomou juo duelimo va ari [1,260].”

2 Korin 12:10

Tibe na, ka rila na siano rimei ve toru lie, nomijamo ga ka neber nojaaro ka meluklukuano nalo ajua mokotenaku, p̃eli ka avitii kiniou rivova, p̃eli nobinua bogokouo nalo, p̃eli amila bulag kiniou, p̃eli nubardulu jaleleano nalo, bior napano nomijikia ka bogo na nomelmeluku, Kristo naruei mia rila kiniou nesikili.

Im̃auano 14:19

Avona kario, ana kulo Ju nalo tealo napano m̃a amijil Pol naio Barnabas ea vio Antioko a ea vio Aekoniam ruei, vonganei ana nalo aba amiyotuba ea vio Listra nei bereio. Naruei nalo ajum̃a ajukunu ban kulo Listra nalo, ban bano-o mia aburu batitigio kialo jidomiano nalo abano be dolu bereio, avona kario, ana nalo aban ka Pol, ana ajubaio ban bano-o mia amialio aberiam̃a naio m̃aro ruei. Naruei nalo aburutitigia taniabene ba tavio ea komeli, abuku searia naio jo jibe ga na, naruei aban bereio.

Luka 13:34

Ana na ka bogo na, Yesu tinien miia Yerusalemo m̃a jegidu kanio, naio berinavo “!Yerusalemo, Yerusalemo-o! Bior vaio ana kojom̃a komuebinvin naverialiano nalo, a kojom̃a kojuba binvin tomu nalo nam̃a Atua jom̃a miilalo abinimei easo? Vatelabo kiniou nejidom nodu jum̃aku selvivko kiamo tomu nalo tibe ka sabarou bio kirikiti nalo abinimei amiyuku jel tano ka sibiano, mia kanamo tomu nalo maka asaaro kanio.

Mataiu 21:35

Mia bogo na kanano tomu nalo nei abinimei, tomu dolu nalo neibano amuelo, napano mia nalo tai abitivio, dolu nene ajukubin naio m̃aro, a dolu bereio ajubabinio ka puruveru m̃aro.

Mataiu 8:20

Ana na Yesu naio berdop̃e banio, berinavo “Kuli deden nalo abe m̃alo p̃ili na amon eaio, a menu nalo abe m̃alo niuku. Mia kiniou, Kulorinio Kenerinio, kiniou maka ve kiaku vio tai, ka nava nomonmel eaio. Mia verenio jau kajaaro ka meuliano na jibe nei mia jau komijikia komei.”

Mataiu 3:4

Jone Baruei nene naio javukia Naverialiano Elaija re nua, jibe ka napano naio maka m̃ano kulum̃arauo novo nalo, mia m̃ano kulukoti amim̃aukanio ea vijinio kamele ga a naio mior m̃ano kulukoti ka niati kulubue marauo tai ga. Sano sinaniano na yeturu nene naio be surubu nalo ga bija vite sesei napano sukabak nalo amim̃aukanio.

Abe Kulo Ju 11:25

mia naio jidomii temi laka ka kiano bajulukuti dolu nalo, tomu nalo na abe Atua kanano m̃aratavo. Naio juva vonuo na tor na toru kanano, bija yetemeriba nei kiano bajago nene nalo, napano kanano saariano nene naio be tena banei ga, ana naio ba miasol kanano tomu nalo, ea meuliano na bogokouo napano m̃a kulo Ijivi nalo ajum̃a amila banlo.

Abe Kulo Ju 13:3

Kuvisidomial nalo na m̃a ajua nalakoiano, kuvar bitiran kanalo jogvaiano nalo, na tavukia ga napano abuku kamiu bunu kumitu bijalo. Mia kamiu tiniemiu ribobogialo re bunu nalo na m̃a kulo dolu nalo amila lelanlo, bior ka kito robiniu rojua vio yetemeriba nei ga, monoka rajai kito ka ravar bitiran bogokouo nalo nam̃a robiniuaio.