Abe Kulo Ju 11:19 - Verikariano Vou Na Baki

¹⁹ Ana ka bogo napano Aisak vaataro ka naio rim̃aro, Epraamo naio maka vitovtonia ea Atua kanano verikariano nei, mia naio jo monmonea ga ka ver naio monoka ruebin kenerinio nene rim̃aro, mia Atua mijikia rila naio rimeul bereio. Ana Atua mial kiano viekouoiano ea naio be riano jibe na, ana Aisak naio maka bunu m̃aro, mia karam̃ano naio mial ka napano Atua mila kenerinio kiano meuliano ban ea jum̃ano bereio.

Abe Kulo Ju 11:19 ပူးပေါင်းရင်းမြစ်များ

Mataiu 12:36

“Mia kiniou nejidom kamiu kuvijikia ka ea bogo na tibureiano, mia tomu nalo nonovio monokanio ala kialo veriiano ea kialo ilivovaiano nonovio veve terakurano napano ajum̃a aberenio ea kialo meuliano nalo,

Mataiu 9:28

Ana Yesu ba joomo ea yimo tai, naruei merebono juo nei abinimei ea naio. Naruei Yesu naio bika denlo, berinavo “?Kamjuo kumonea ka mia nemijikia nalarur kamiu tibe na?” Ana tomjuo nei aberdop̃e, aberinavo “Nao Tubo, kumemi numoneaio.”

Romo 5:14

Romijikia ka jibe na, bior napano jikar ea bogo na Atam, binimei bokar Mosis kiano bogo, maka tuboiano, mia tomu nalo aju am̃arm̃aro ga, kar vironiano na kariano jo ruei ea yetemeriba. P̃eli tealo amila bova jibe Atam milaio, p̃eli amila todolu nalo, mia ea Atua kiano vitiiano, kialo vovaiano nalo nene abiniu abe kariano be verare ga. Jibe na ga, romial ka venia napano toro takurano na ga Atam milaio, bokar tomu nonovio kialo meuliano ea yetemeriba, jibe ka ga venia napano Kristo naio takurano mila iorou, naio bunu bokar kiado meuliano robiniu napano romoneaio.

Eveso 3:20

Mia vonganei, kito reiaia Atua, bior ea kiano burum̃ara moroano napano jo mim̃au ea kiado iviso nalo, naio mijikia rim̃au tovulu venia napano romijikia rovika denio, p̃eli venia na mia romijikia rosidomiio.

Abe Kulo Ju 9:24

Ana burukija na jokoluolu nei naio joa Atua mirano ruei, bior kiado parinio toro lu Kristo naio ban ea vio lu nei ruei, napano maka ve vio lu na tomu nalo ga amim̃aukanio, mia be vio lu na be riano, nina ea vio mave tiniabene.

Abe Kulo Ju 9:9

Panpano na yimo lu nei, bija sano jagidago nene napano jakilele jo joomo, a sano vite nalo, abe tena vio beamu ruei, mia aber burum̃ara titai ban kito banei. Amila kito robitilubar ka ijaiano nalo na m̃a kulo lu nalo ajiajian ban Atua a jokoluolu nalo na m̃a ajum̃a amilaio, nalo abo ga, mia vite nalo nei maka ajikia ala tomu nalo ajog ka kialo iviso meravo reraio ea vitiiano na Atua kiano.