Abe Kulo Ju 11:17 - Verikariano Vou Na Baki

¹⁷ Ana ea tivelinio na tormoruo nalo nei keana vo, kito rover tormoruo Epraamo bereio, naina ea lavoniano kouo napano naio biniuaio. Ea kanano viekouoiano ea Atua, naio mijamo ka kenerinio takuranolar ga nei Aisak, naio mijamo ka mia rila jokoluolu ka naio bereio. Naina be Aisak nene nanua beamu, Atua naio berkar jikili ban karam̃ano, naio berinavo

Abe Kulo Ju 11:17 ပူးပေါင်းရင်းမြစ်များ

Navisip̃eiano 3:10

“ ‘ “Kiniou neber ka kamiu nua ruei neberinavo monoka kuvitu sikili vija jidomiano na tebievi tulaka, naruei nemial jibe kubokar vatitig kanaku iliano nei. Bior vite na naruei, nemijikia neverikar van kamiu never burum̃ara jogvaiano na mia rimei ea yetemeriba nei, ka rilavon nalo napano ajuaio, ana mia kiniou notokovio batitig ka kamiu kanio, mia vite na naio maka rijikia tokol kamiu.”

Yemesi 5:11

Nalo aju jikili bano-o ana nalo ajovulu vite nalo nei, ana tenene na kito romial ka Atua naio milivu kalo toru laka. Toro nei Jov naio bunu ga be nalo tai napano naio ju jikili ea bogo na jikili jibe na, mia romijikia ruei vite novo nalo napano Atua naio mila banio iorou kanio. Nina riano, Atua naio be tiniememi toru ka tomu nalo a tinien miialo toru laka.

1 Pitere 4:12

Banalo, nemijikia ka vonganei kamiu kumitu kubiniua bogo tai na jaleleano napano naio mila kamiu kumijog bova toru. Mia nejidom never ka kamiu, ka kuviilo m̃ele re kanio, maka kuvial vite na tibe vite tai napano be tiniemiu ka kuver maka rijikia riyotuba ka kamiu bogo tai.

Abe Kulo Ju 7:6

Mia Melkeseteki nene, naio maka ve m̃aratavo na Epraamo, mia tormoruo Epraamo naio bitilubar ka naio be toro lu tai, ana naio bio ka togio na ijaiano banio. Tormoruo Epraamo nei naruei nanm̃a Atua berkar tonovo nalo banio, mia naio batove ka Melkeseteki. Mia bogo na Melkeseteki bokar ijaiano nei, naio jaaro milivu ka Epraamo, a nina naio mila kirimeravo ban kito ka naio loa lie kanio,

2 Korin 8:12

Atua maka river ka monoka reje jidomiano todovul venia napano joa jum̃ado ka rosian, mia jidom ga ka rosaaro ka roija toro dolu, a reje jidomiano rimemedu ea venia napano rabare ka rosianio.

Jone 3:16

Yesu ber jibe na bior Atua tinien jii tomu nalo na yetemeriba nei toru laka, naruei naio mijamo ka kenerinio na kirinovo laka, napano naio ga takurano be kanano, binimei m̃aro kar kito, naruei toro kei napano rimonea naio, mia maka rijikia riva kovio, mia rivokar meuliano na bo nei napano maka rijikia ribisi bogo tai.

Abe Kulo Ju 11:13

Mia tormoruo nalo nonovio nei na m̃a amonmonea Atua jibe na, mia Atua naio berkar tonovnovo nalo banlo, mia nalo amijev togio telisu ga, mia am̃arm̃aro ajaluvo den yetemeriba nei. Mia nalo amijikia ka mia Atua rijev togio ga vanlo, mia sian nonovio togio na toru nene vanlo iorou, naruei naio mila abitilubar ka nalo abe valauo ga ea vio nene.