Abe Kulo Ju 10:27 - Verikariano Vou Na Baki

²⁷ Venia napano ga jo, nina Atua kiano verikariano ka mia sian vironiano na jikili riviorio, vija burum̃ara jeleig sebi napano mia sisen nonovio kiano uolu nalo. Naina be vite na merouano toru laka na.

Abe Kulo Ju 10:27 ပူးပေါင်းရင်းမြစ်များ

Abe Kulo Ju 2:3

Mia voniganei, Ioluano Vou na bo na terivou naio binimei bokar kito ruei, mia naio toru lie loa ka Tuboiano moruo na beamu. Jibena, ver kito rosidomii kurano ea m̃arabo na kiado ioruriano napano joaio, mia maka rejikia rovuro den kanano vironiano leleio. Kanado Tubo nene naruei naio mila Ioluano Vou na bo naio miyotuba jukamu, mia nalo na m̃a amijog naio ka m̃a berialio ea tilinielo nalo, nalo kija aberial sosolio binimei boru ea kito, amila meravo ka be riano.

Navisip̃eiano 20:15

Mia toro kei napano maka alealio siano toa Niosi na Meuliano nei, naio naruei avuku naio bunu rivatove ea burum̃ara bulukuti sebi nei.

Abe Kulo Ju 12:25

Tuboiano moruo re beamu, naio jibe ka ililaboniano tai napano miyotuba ea yetemeriba nei, a ioluano vou na bo, naio jibe ka ililaboniano tai na miyotuba ea vio tiniabene. Nalo na m̃a abilig taakalo ka tuboiano moruo, maka ajikia avuro ka kialo vironiano leleio, naruei ver tibe na, mia tum̃abe ka nalo na m̃a abilig taakalo ka ioluano na bo? Mia nalo avuro kulu kija re na. Tibe na, mia bo ka raiagago vatitig ka Atua joono, bo kito roduio.

Abe Kulo Ju 9:27

Ea tivelinio na kito tomu nalo, Atua mila ka kito romeul ea yetemeriba, karina rava kovio denio karina romeul bereio ka ravan ea tibureiano,

Mataiu 13:50

avukulo avan ea sebi na toru, na tomu nalo ajum̃a ajegi eaio, ajum̃a ajer m̃arjuvolo nalo eaio.”

Mataiu 8:29

Mia bogo napano nalo amial Yesu, naljuo amiaga jouo, aberinavo “?Jau Atua Kenerinio, kiamo vaio joa kumemi? ?Jau kobinimei ka koje vironiano van kumemi napano maka ve kenememi bogo nene vo, a?”

Yemesi 5:3

Ana kenemiu veru nalo bunu, ajibe ka abijauialo ruei, bija mokotenemiu bunu abijauialar lo ruei, jibe ka sebi jijenio, mia nina mila meravo ber kamiu kumim̃au bova bija kenemiu puruveru nalo. Kito rojua legiano na maaro nalo, mia kamiu kumitu kubiobijii kenemiu puruveru nalo bavin lie vo.

Abe Kulo Ju 12:29

Bior kanado Atua naio be sebi napano jum̃ano nalo amijikia asisen nonovio vite nalo rivano-o riviniu kokoio.

Mataiu 25:41

“Mia iorou kanio, mia naio ril bunu van nalo na ea jum̃ano mal, mia naio river kalo, riverinavo ‘Kamiu kuvuro den kiniou, Atua miobap̃e ka kamiu ruei. Kamiu kuvan ea sebi na maka rijikia rim̃aro bogo tai, napano naio jororea kia Setano ruei naliko kanano nailiano nalo ka avan eaio.

Mataiu 13:42

Mia nailiano nalo avukulo avan ea sebi na toru, ea vio napano tomu nalo ajum̃a ajegi eaio, a ajum̃a ajer m̃arjuvolo nalo eaio.

Mataiu 3:12

Naio midukar titai jibe ka m̃artea joa jum̃ano, ka mia naio rilakon vatitig kanano uiti nalo. Mia naio rivar uiti napano be nioti uiti na bo, ava joomo ea kunuano, mia nalo na abe vinikiti ga, mia naio risebilo ka sebi tai napano maka rijikia rim̃aro bogo tai leleio.”

Mataiu 3:10

Neber ka kamiu, yekesi tai jua burupati iesi ruei, ju rorea ka mia ate bulag buruiesi nalo napano maka avar m̃arati nalo na bo, mia ate bulaglo avukulo avan ea sebi sisenlo.

Luka 23:30

“Ana mia bogo na rimei rivova laka vanlo, rivan rivan mia atumolu ateg van burusuku nalo vija suku nalo, aver ‘Aiou, kuvitibirbilko kumemi, kuvituba kitkit kumemi, kuvitivinko kumemi.’

Luka 21:26

Telikiti na nalo abitilubarbar ka venia napano m̃a jo binimei ea yetemeriba nei, a napano vite na tortoru nalo na bul niogovu yauo amikulkulu janea vio, mia nalo amemebiju ve toru, meribobogo am̃arm̃ariulu rivior meroano.

Luka 19:27

Mia tivelinio ka kiaku uolu nalo nei, napano maka asidom neve tubo kalo, nejidom ka kuva kuvurulo amei ea vio nei, kuvuebinvinlo am̃arm̃aro kamu ea miraku.’ ” Naruei Yesu kiano jamerijiano naio biniu ea vio na.

Luka 16:24

Ana naio bio banlo, berinavo ‘Aue-e, karam̃aku Epraamo, kovijuku bo tiniem riia kiniou liki, jau keiila Lasaros rimei rudu juluvati m̃arjukjum̃ano titi ka kiri uei tai, ka titi ka minaku. Bior vonganei sebi jijen kiniou mia nomijogio bova toru nei.’

Jone 5:29

naruei mia ana kialo tumoliano bereio ka aje meuliano, ana tomu nalo na aim̃au bova, kialo tumoliano ka avokar tibureano.”