Abe Kulo Ju 10:25 - Verikariano Vou Na Baki

²⁵ Maka rivu ka kito rotuvan bajago na reiasosol vatitig kito rivu, tavukia na tealo ajum̃a amila ruei, mia bo ka na kito rotum̃a rotunukakar kito tulaka dam̃ariga. Bajago novo nalo nei monoka rotum̃a rala van kito dam̃ariga, ana ver bogo tai kito reial ka bogokouo na legiano na maaro atu vaataro, bo ka rovu ka kito tibe na dam̃ariga lie vo.

Abe Kulo Ju 10:25 ပူးပေါင်းရင်းမြစ်များ

Im̃auano 2:42

Ana namoneano nalo nei nalo aju abokar jikili bajago nalo nene, napano nalo amiagago julaka ka atevi nalo aberlogloglo, a nalo amijeburonlo bogo nonovio ea tinieano takurano novo ea kanalo taara, a nalo ajum̃a ajinan vio takurano bogo nonovio, a nalo abarlo ka aura na volkouano nalo bogo nonovio.

Mataiu 18:20

Bior ver tomu ve juo p̃elina ve tolu avior vio takurano ea siaku, mia kiniou bunu noto iviso kalo.”

1Tesa 5:11

Iliano nalo na naruei bo ka kuvitu kuverver ka ridular kenemiu jidomiano mave, kuvitu kuvijaija kamiu ka kuvim̃auka kenemiu moneano rimei sikili rivu, tibe napano nemijikia ka kumitum̃a kumila ruei.

Abe Kulo Ju 3:13

Maka rosidom ka mia kito tai rijoru tibena, naruei monoka rotunukakar kito dam̃ariga ka legiano nonovio, ka mia ve re tai ka kito napano bajago na kariano atum̃a atubolbolili lelan naio rivano-o mia rimenini nonovio. Iliano na mave na ber “Banei, ver kamiu kuvijog joono Atua,” mia naio be iliano na beamu tai, mia naio ju jikili kia ga vo, joono naio jom̃a bio kiaga vo, kito rojua legiano nalo na jogvaiano kiaga vo.

Abe Kulo Ju 10:24

Ana ea tivelinio ka kito bereio, bo ka rotu rosidomii vatitig rivu, roseravo m̃arabo na tutuliano na kiado jidomiano nalo ka tiniedo tii kito rivu lie, a ka ralala im̃auano novnovo nalo van kito rivan lie tibe na.

1 Korin 5:4

Jibe na, bogo napano kamiu kubinimei vio takurano bereio, monoka kuvitii ka jibe niunuku jo bija kamiu, a monoka kuvijikia ka Tubo Yesu bunu jo bija kiano moroano,

1Tesa 4:18

Verikariano na bo laka, mia bo ka kito rotu reijaja kito bogo nonovio ea jidomiano novo nalo nei.

Im̃auano 2:1

Ea legiano na Jokoluolu Na Uiti Meruo, namoneano nalo abinimei aju vio takurano,

Im̃auano 20:7

Ana ea Legiano Lu, bogo napano m̃erenio batove bisi, jibe ka napano legiano na be moti na bogoti aluo jikario naruei, kumemi nubior kumemi liko namoneano nalo na vio na, nubolkouo a nubure kokorovio joko lu. Naruei Pol naio jidomii ka ber mia nuvituvan kavijova kia ga vo, mia bior ninei be vioriano na maariano kumemi liko, be iliano telabo, mila Pol bunu mil vio tebievi, ba bokar bogiano viovare vaarakurano.

1 Korin 14:3

Mia ver toro tai riverial Atua kiano iliano nalo van kito, ril van kito sel ea kiado iliano, kiano iliano novo nalo nei amijikia ala kito rosikili, amijikia adular kiado jidomiano, amijikia adururu kiado iviso.

Romo 12:8

p̃eli ver rive kiamo ka kotunukakar tomu nalo kialo jidomiano, monoka kosidomii ve temi ka kolaio, p̃eli ver rive kiamo ka kosian jidomiano nalo ka ijaiano, monoka kovario ve miroano, p̃eli ver rive kiamo ka kovuru m̃arabo ka Atua kiano im̃auano, monoka koyovo re, p̃eli ver rive kiamo ka keija nalo napano ajua bogokouo, monoka kosaaro ka kolaio.

Vilip 4:5

Bogo na m̃a kamiu kubiniua bogokouo, kumelumu, kuvila ka tomu nalo ajikia ka avitilubario ka kenemiu jidomiano naio tebievi bo. Kuvisidomii von tulaka ka vesiou re ga mia Tubo rimei bereio.

2 Pitere 3:9

P̃eli tomu tealo be tinielo ka aber Atua jo jii liliano laka ka rila venia na naio berkario, mia naio maka tibe na. Naio maka rivijuku kiki, mia jo mila kiano jidomiano ba tebievi laka, bior napano maka sidom toro tai rivakovio. Naio jidom rudu bogo rivan tomu nalo nonovio ka amijikia aviliglo.

Yemesi 5:8

Ana kamiu monoka kumelumu ga tibe na bunu naruei ka kuvitu rorea kiado Tubo naio rimei bereio. Mia kenemiu jidomiano naio monoka tu sikili, bior mia naio rimei bere vesiou re ga na.

1 Korin 14:23

Tibe na, bogo na kumei vio takurano ka kuvila lotuano, maka rivu ka kuvitu kuvil laka sel iliano dolu nalo napano Niununo Lu jianio ban kamiu. Ver bogo tai tibe na, ver tai napano maka jikia vatitig vite nei, p̃eli maka rimonea, ver rimei joomo ea kenemiu lotuano, mia naio rial tum̃abe? Mia monoka sidomii ver kamiu nonovio kumiavovu garuei.

M̃esi Napano JUT Bivitauiaio 1:19

Tomu nalo na jibe na ajum̃a aber aberinavo kanalo taara ga naio bo, aberinavo nalo ga amim̃au ea Niununo, mia kiniou nejidom neverial van kamiu ka nalo amim̃au ea ga jidomiano na yetemeriba nei ga, Niununo Lu naio maka toalo leleio.

2 Pitere 3:14

Bilbilu nalo, nina naruei roju rorea naio ka rimei rivuru kito ravan ea vio nene, mia bogo napano maka rovokar vo, monoka ralavon ka rove lu, rotu romeravo, a rotua tum̃aro.

1 Pitere 4:7

Kiniou nojidom never tibe nei, ka vonganei vaataro ka kito rovokar jukuti na vite nonovio. Ea bogo na jibe na, namoneano nalo monoka atumolu batitig rivu ka napano kialo jidomiano nalo ameravo rivu, ka amelukluku re ka volkouano.

2 Pitere 3:11

Naruei bior napano yetemeriba nei mia naio rimei kurano tibe na, kiniou nojidom nevika den kamiu, ka bogo napano kuvitu kea eaio, bo ka kuve tomu nalo na jum̃abe, a bo ka kamiu kuve lu p̃eli kuvim̃au Atua kanano tum̃abe?

1 Korin 11:20

Mia ea tivelinio na sinaniano lu, nomijog aberenio nina bunu kumitu kumila bova. Bogo napano kuburon vio takurano ka kuvila sinaniano lu nei, maka bunu kuvila ka kuvisidomiikar kiado Tubo, mia kumila jibe semiu sinaniano dolu nalo.

1 Korin 3:13

Mia iorou, sebi na legiano maaro rila von sisen veve kialo im̃auano nalo, rila im̃auano napano nalo amim̃aukaio, rimaluvo ea vio medave.

Im̃auano 16:16

Naruei ea legiano tai bereio, ana kumemliko Pol nubatove bereio ea kanalo vio na volkouano, naruei nubitavo bija niatira tai ea m̃arabo. Niatira nei, tomu tai abulular naio ka rim̃au kanalo, mia niununo va tai joaio napano abio ka niununo na m̃aro, napano be niununo na jom̃a mial vite nalo napano mia ayoyotuba iorou. Naruei tomu nalo telabo ajum̃a abinimei abika den niatira nei kiano tomu na tortoru nalo, ka naio riverial vanlo ka mia tum̃abe ka kanalo meuliano nalo. Ana bogo napano niatira nei berial banlo, ana nalo ajum̃a abar ijaiano ban kanano tomu na tortoru nalo, mila ana bogo nonovio nalo ajum̃a jum̃alo bujo ka puruveru telabo biorio.

Mataiu 10:15

Riano kiniou neber batitig ban kamiu, mia sikili lie vo van nalo na ea bogo na tibureiano, tovulu bogo napano Atua naio jiibure kulo Sotomo bija kulo Komora nalo nanua beamu.”

Abe Kulo Ju 10:37

Ana bogo na ka rovokario, p̃eli mia ve sio re ga na mia naio riyotuba ka kito, tavukia na Atua kanano iliano tai napano naverialiano Abakuku naio berialio, napano naio berinavo “Bogo ve telisu kija bereio, ve sio re ga na, mia toro na toru nei napano ka mia rimei naio maka rijikia tuliliei va lie vo, ana mia naio riyotuba.

Abe Kulo Ju 13:22

Kanaku m̃aratavo nalo na ea Kristo, nebivitauia m̃esi nei biedu ban kamiu, be kurano ka maka ve tebievi laka, mia ver kuvial tum̃abe ana mia tiniemiu ser m̃elea re kiniou, mia kuvidu tibe ka kanaku iliano na ijaiano ka rijai kamiu ga.