3 Jone 1:3 - Verikariano Vou Na Baki

³ Vonganei maka vesiou laka vo, ana kuruado nalo tealo abinimei aboru ea vio nei, ana nalo ajukunu ban kiniou jum̃abe ka jau kojom̃a kajakii Tubo kanano ilirianiano, a jau kojom̃a komila kanano im̃auano novo nalo banbano-o na tomu nalo abitilubar ka kanamo meuliano naio memedu riano ga. Kanalo veriiano nei naio mila tinieku jaaro-o mia jaaro toru laka.

3 Jone 1:3 ပူးပေါင်းရင်းမြစ်များ

Im̃auano 1:15

Be legiano tealo abarlaka ruei, ana namoneano nalo abinimei vio takurano, nalo abokar titai jibe kanio toromomou takurano duelimo valuo [120] abiniu. Ana ea bogo na, Pitere naio jidom riverii vanlo ka mia ala tum̃abe ka aleal toro na mia rudu jeleig Jutas.

1 Korin 13:6

Naio maka sidom vite va, mia jaaro ka vite novo.

Kalesia 6:10

ana mia monoka rovijuku rivu ka tomu nalo bogo nonovio, ana monoka tiniedo vu rivu lie vo van nalo napano robe m̃aratavo takurano kitoliko ea Kristo.

2 Jone 1:2

Kito roju tiniedo titii kito jibe na bior Atua kiano ilirianiano naio joa kanado meuliano ruei, a mia naio toa kito rivano-o na maka rijikia ribisi bogo tai.

2 Jone 1:4

Kiniou nejidom neverial vanso, ka namial kenerimo tealo ea vio nei ruei, mia najaaro toru laka ka nemial ka nalo aju amiel ea bajago na ilirianiano bo laka, javukia na Teta naio ber ka kito.

3 Jone 1:10

Naio jom̃a mil m̃ele, a jom̃a ber iliano telabo na bova ii kumemi, naio mila sibi niegeniege kumemi toru laka. A maka ve iliano na bova ga, mia be im̃auano na bova bunu, bior bogo na m̃a Atua kanano tomu nalo amiyoyotuba ka kamiu, naio maka sidomlo, naio ber avan bereio ga. Mia mave ka naina, bogo na kam tealo ka kamiu, kubitikar nalo, kumijailo ka ala im̃auano na abinimei kario, mia kema nei naio jumolu buk bulag kamiu den lotuano bunu. Vite nalo nei na m̃a naio jo mila nei naio maka rimemedu na, mia bogo na kiniou neviedu nomiyotuba kean kamiu, mia roviniu rava vio takurano ka roverii ka mia rala venia van naio.

3 Jone 1:2

Kanaku bibilu novo, nemijikia ka jau kojom̃a komijog bo dam̃ariga napano kanamo meuliano naio jo bo ea Atua jum̃ano ruei, mia nojom̃a nobolkouo kaso julaka, ka kanamo im̃auano nalo atu aiel rivu, a ka ve re mieiano tai ka rila bulag mokotenamo.

3 Jone 1:4

Maka ve todolu tai napano mia mijikia rila kiniou nojog rivu tibe nei, mia bogo na ga nomijog ka keneriku nalo aju ajumolu aju jikili ea Tubo kanano ilirianiano, naina naruei namial bo laka.

3 Jone 1:5

Kiaku bilbilu na bo, siva toru banso ka im̃auano nalo na m̃a jau komila ka mijai nalo na m̃a aju amial bija Ioluano Vou na bo, na abiedu aboru ea kamiu. Nalo abiedu jibe ka na nalo abe valauo ga, naruei tealo maka asidom avitikarlo, mia jau komijuku bo toru laka banlo.