3 Jone 1:11 - Verikariano Vou Na Baki

¹¹ Kanaku bilbilu, nojidom never kaso ka kema nei mila kirivova kaso mia maka rivu ka rila jau bunu, jau kala rivova van naio bereio. Monoka kito rovijauia re bajago na bova ga, mia bo ka rovijauia bajago na bo. Toro na m̃a mila bo ban toro dolu, naio be Atua kiano toro riano, mia toro na m̃a mila bova ban toro dolu, naio maka rial Atua vo, naio jo koalabo kia ga vo.

3 Jone 1:11 ပူးပေါင်းရင်းမြစ်များ

Eveso 5:1

Bior kamiu kube Atua kenerinio novo nalo, kamiu kuvilavon ka kuvar nonovio kiano bajago.

1 Pitere 3:11

Naio monoka rituvan na bova, rila na bo ga. Naio monoka ritakisor tum̃aro, monoka rilavio sikili tulaka ka rivuru rimei vaataro ka iviso na tomu nalo.

Jone 3:20

Mia nalo nonovio nam̃a aju amila bova jibe na, jibe ka napano maka asidom yulu nei leleio, a maka asidom amei vaataro kanio, bior amerou ka aberinavo vede mia naio rila kanalo vovaiano nalo ayoyotuba ea vio medave, naruei tomu nalo ajikia avitilubario.

1 Pitere 3:13

Ver kito rotu rala vio sikili m̃ele ka rala vite nonovio naio rivu mia rivu, mia rover re ka mia tomu tai amijikia ala siniabu ka kito riviorio.

2 Timoti 3:10

Timoti, roju vio takurano bogo be ruei, mia nemijikia ka jau kobitikua vatitig kiniou. Jau komijikia kiniou jibe na, napano: komijikia vatitig venia na nojom̃a neberloglog ka tomu nalo komijikia vatitig kiaku bajago komijikia vatitig venia na nojidom ka noim̃auka ea kiaku meuliano komial ka kiaku viekouoiano ea Kristo naio toru jum̃abe komijikia ka kiaku jidomiano tebievi komial ka tinieku jii toru tomu dolu nalo komijikia ka bogokouo na vabe na binimei ea kiniou, mia nejikili noju ga

1 Jone 2:29

Kito romijikia ka Kristo, kiano bajago nonovio naio bo a kirimemedu tanea, naruei toro na naio bunu jibe na, romijikia rover ka kema na bunu naio be Atua kenerinio javukia Kristo.

1Tesa 2:14

Kuruaku a kuvivinieku nalo, nemi-jikia ka iorou ka kumonea, maka vesiou tomu nalo na kenemiu vio bereio ga ajumolu amila bova ban kamiu, kubiviuo bogokouo laka. Jibe na bova, a ea vio nei kuvitu kuviel ea m̃arabo na ga moneano na Yesu Kristo kiano nalo na ea Atua kiano yimo lu nalo na ea tanobuku na Yutea nalo amiel ea nua ruei. Nalo bunu, bogo na amoneaio, ana kulo Ju nalo aju amila bulaglo toru laka!

1Tesa 1:6

a iorou, kamiu kuvijevio, kumei tibe ka kenememi natakisoriano nalo, a maka ve tena ga kenememi, mia kumei kuve Tubo kiano natakisoriano nalo. Bekurano ka ver nalo dolu amila burum̃ara jaleleano ban kamiu a ajian bogokouo laka ban kamiu ka bogo nei, a mia kumila borvorua ka ioluano, naruei Niununo Lu midu kiano burum̃ara saariano joa kamiu.

Jone 12:26

Toro Ju p̃eli na toro Krik nam̃a ber jidom rim̃au kiaku, jidom riija kiniou, naio monoka takisor kiniou dam̃ariga. Mo ver naio to takisor kiniou tibe na, mia vio vabe nam̃a nava notoa, mia naio bunu mijikia rivija kiniou. Toro nam̃a be kiaku naim̃auano, mia Atua sian sio na bo van naio.”

Jone 10:27

Kiaku nunu nalo amijog lubar jooa na jooku, a kiniou nemijikia batitiglo abiniu, a nalo ajum̃a ajakisor kiniou.

Abe Kulo Ju 6:12

Kamiu kuviovo re, niabemiu rimelukluku re, mia kuvim̃au sikili rivare ka kiado tormoruo novo nalo nanua m̃a abokar masosoua im̃auano nalo, napano kialo jidomiano nalo terebievi bano-o na abokar vite nonovio na Atua berkario beamu ruei banlo.

1 Korin 11:1

Ee, bilbilu nalo, jibe ka napano kiniou nojo nomila von ka neiel noue Kristo jaano, bo ka kamiu kuvila von kija ka kuviel kuvue jaaku.

1 Korin 4:16

Jibe na, nemialio memedu ka noil van kamiu, nejikili ka kamiu ka kuvila von kuvue jaaku kija beamu.

Vilip 3:17

Kuruaku nalo a kuvivinieku nalo, neber bo ka kamiu ka kuviasosol vatitig kamiu, ka kuvilavon kuviel takii jaaku ea m̃arabo na kanaku meuliano. Ver kuvitilubar ka kamiu tealo ajum̃a amila bo jibe na ruei, mo kamiu dolu nalo kija, kuviel takii jaalo.

1 Jone 3:10

Ea m̃arabo nei naruei kito romijikia ka rovitilubar batitig ga kei na be Atua kenerinio, a kei naio be Sim̃aro kenerinio. Toro na maka rila rimemedu p̃eli na toro na maka tinien tii kiano m̃aratavo, toro na jibe na naio maka ve Atua kenerinio leleio.

1 Jone 4:1

Banalo, ver toro tai ver Niununo Lu joa naio, mila na naio jom̃a berial kanano iliano, bo ka kamiu kuvitii veve vatitig niununo neibano joaio, be riano ka be Atua kanano, p̃eli na maka ve Atua kanano. Kito monoka rovitii vatitig rivu, bior be naverialiano sibisibi miroano aju aban janea yetemeriba nei ruei.