2 Timoti 4:3 - Verikariano Vou Na Baki

³ Bogo nalo aju abinimei ka mia tomu nalo maka asidom ka ajog verloglogiano nalo nabo, a mia tilinielo rivilulu bior jidomiano doldolu nalo, a mia atu avuru naverloglogiano ve miroano ka p̃eli mia amijikia aver tenalo na bo kalo ka ajog rivu kanio.

2 Timoti 4:3 ပူးပေါင်းရင်းမြစ်များ

1 Timoti 1:10

Bija nalo nei, abe nalo nam̃a amila siakiano, bija nam̃a sum̃ano buru sum̃ano bereio p̃eli tira buru tira bereio, bija nalo tai napano abina ka kiritete ka aṽilṽil kanio rivano, a nalo na tena sibiano, bija bunu nalo napano aju amilavan kanalo beleano va nalo. Tuboiano nei naruei be kanalo, bija nalo napano ajum̃a amila bajago dolu nalo na bova na jibe na, bior napano nalo abijukudie toru laka ka kiado verloglogiano na bo.

Kalesia 4:16

P̃eli vongane, kanaku ilirianiano nalo nei, nalo amila kiniou nebinimei jibe ka kenemiu bilbilu va tai bereio. ?Mia venia na?

Luka 6:26

“Mia kamiu monoka kuvitikar vatitig bogo napano tomu nalo aju amiaia siemiu. Verver tibe na, maka rivu ka kamiu bunu kuvisidomii kuver kubo, bior napano naverialiano sibisibiano re nua, kiado tormoruo nalo, ajum̃a amiaia sialo, mia Atua bitiilo abova ga, naruei naio mije vironiano banlo.”

Jone 8:45

Naio jibe nei, mia bogo napano kiniou nebinimei, neberial ilirianiano novo nalo ban kamiu, mia karina kamiu maka kuvisidom kumonea kiniou bereio.

1 Korin 2:1

Bilbilu nalo, nua na kamiu maka kuvijikia Atua kiano iliano nalo, mia kiniou nebinimei neberialio ban kamiu. A jibe na napano kumialio, bogo napano nebinimei nomila, maka nola napano navarvar ka iliano terebievi nalo p̃eli toro kiano masouano nalo.

Im̃auano 17:21

Ana bogo napano amila jibe na, ana aju ajakii kanalo bajago kouo tai, bior napano kulo Atene naliko kulo dolu nalo napano ajua vio na, nalo ajidom m̃elea ga ka dam̃ariga, ana atu ga ajog p̃eli na atukunu ka verloglogiano p̃eli na iliano vou, p̃eli na jidomiano dolu nalo, p̃eli na tomu nalo kialo moneano nalo.

1 Korin 2:4

a kiaku iliano a kiaku tukunuano nalo maka avujo leleio ka masouano p̃eli toro kiano jikiaiano. Mia ea bogo na, kumijog napano kiaku iliano nalo abujolou ka moroano na Niununo Lu,

Luka 20:19

Ana naverloglogiano na tuboiano nalo bija tomu na tortoru na kulo lu nalo, abitilubar ka Yesu kiano jamerijiano nei jilogloglo memedu, naruei nalo tiniel jerio lie vo, ajumolu ajidom avokar naio rimemedu ea bogo nei garuei. Ajidom toru ka ala titai kanio, mia amila dede ga, bior amial ka tomu nalo ajum̃a tiniel jii naio ga.

2 Timoti 1:13

Tibe nei Timoti, kiniou nojidom never kaso ka jau monoka katakii vatitig m̃arabo na iliano na memedu nalo na nejian banso, monoka kesikili kotu sikili ea Yesu Kristo bogo nonovio, a monoka kodu vatitig kiano tinietiiano to rivujo ea kiamo meuliano.

M̃esi Napano JUT Bivitauiaio 1:18

Nalo ajum̃a aber ka kito aberinavo “Ea bogo na maaro, mia tomu nalo ayotel rivova ea im̃auano na Tubo kanano rivija kanano tomu nalo. Mia ala pariparilo, mia ala ga venia napano kanalo sidomiano va nalo ajidom.”