2 Timoti 3:3 - Verikariano Vou Na Baki

³ mia maka tiniel tii tomu nalo dolu mia parilo jikili laka mia amioluolu a amil bova ka vite nalo na bo mia tiniel jer tomu nalo, atukulo mia maka asidom tenalo na bo

2 Timoti 3:3 ပူးပေါင်းရင်းမြစ်များ

M̃esi Napano JUT Bivitauiaio 1:18

Nalo ajum̃a aber ka kito aberinavo “Ea bogo na maaro, mia tomu nalo ayotel rivova ea im̃auano na Tubo kanano rivija kanano tomu nalo. Mia ala pariparilo, mia ala ga venia napano kanalo sidomiano va nalo ajidom.”

Romo 1:31

Tomu nalo na, romijikia roverinavo nalo maka aje masouano, maka adukar vatitig kialo verikariano nalo, maka ave tinievuiano rivu, maka tiniel riia toro leleio.

Mataiu 10:21

“Ea bogokouo na, mia toro mijikia rijamo ka kulo va dolu nalo amei avurular kuruano kar garuei, p̃elina kenerinio kar garuei, ka mia auebinvinlo am̃arm̃aro, nina bior ka napano nalo amonmonea kiniou. Mia kiritete nalo bunu amijikia atumolu, ka averial karam̃alo kenielo nalo napano amonmonea kiniou, ka mia am̃arm̃aro tibe na bunu.

2 Pitere 2:14

Miralo nalo bujo ka tira ka ala siakaiano, a ajum̃a ajidom asen kariano nalo rivan rivano maka niabelo mave bogo tai kanio. Ba loa, ajum̃a abur kamiu dolu nalo napano amijikiki aban bijalo, a abe tomu na aberlogloglo bunu bereio ka m̃arabo nalo na tinietii m̃elea vite nalo. Ierinio, nalo na abe taara tai napano Atua kanano siniabu na jikili mia naio riakonlo vatitig n avo!

1 Timoti 3:11

Mia ijaiano koano bunu, kiano jidomiano nalo monoka rimelumu rivu, a monoka to re m̃a ilisosol m̃ele rivan kulo dolu nalo, mia monoka ve tira na mijikia telan vuu vatitigio ka kiano bajago nalo, a monoka viekouo ea im̃auano nonovio.

Mataiu 4:1

Iorou ka bogo napano Jone Baruei naio baruei ea Yesu bisi, ana Niununo Lu buru Yesu ban ea vio yauo tai ka sim̃aro nalo kanalo parinio tubo rila von naio.

Navisip̃eiano 17:6

Nojom̃a nebitii tira nene, nebitilubar ka napano parinio jeliviv, a maka rivior ka napano naio munu m̃arjum̃elm̃elu, mia bior naio jom̃a munu burukija na moneano lu nalo, nina nalo napano m̃a amuebinvinlo bior ka na m̃a ajakisor Yesu. Nemial tira nei jibe na, nomijog niabeku p̃ili mia!

Navisip̃eiano 16:6

Be riano ka tomu nalo na yetemeriba, amuebinvin kanamo kulo lu nalo, amila burukija na kanamo naverialiano nalo amiou, ana jau kojom̃a komila meran banlo memedu ga, napano m̃alo uei nalo abe burukija ga.”

Navisip̃eiano 13:17

Ver makanio, maka ajikia avulu vite ea yimo na ṽiliṽiliano, a maka ajikia aṽiliṽili ka titai rivan toro dolu. Toto napano amue jualo, naio miyotuba ea siano temeul nei, naio jibe ka mirano na kanano sio.

Navisip̃eiano 13:15

Ana amim̃aukanio bisi, ana amidu moroano ban temeul juo nene ka naio rila tavoru nei mijikia rivuru jegi, a mijikia ril, a amije moroano ban naio ka rijikia ruetam̃aria toro kei napano naio maka saaro ka rivatove ka rilotu ka tavoru nei.

M̃esi Napano JUT Bivitauiaio 1:16

Nalo na na m̃a abinimei aju bija kamiu, iliano na naio memedu ga ka nalo, bior ka napano abe tomu na vukuleleano, abe tomu na amilidie vite nonovio, abe tomu na m̃a ajidom nalo ga, a abe tomu na m̃a amil vevavin ka iliano nalo na tortoru. Mia ver nalo asidom ka avokar vite tai ea kamiu, monoka kuvitikar vatitiglo, bior abe tomu na niosesei, a abe tomu na ilinovoiano bunu.

2 Pitere 3:3

Titai na be moti ka napano nojidom nover naio jibe nei, ber kamiu monoka kuvijikia ka ea bogo na maaro nalo, mia tomu na amiyotel ea Atua kiano im̃auano amijikia amaluvo. Tomu nene kanalo bajago nalo, ajum̃a ajidom venia ga napano nalo tinielo jiio, mia aju amiakurano ea toro dolu kanano jidomiano.

Yemesi 2:6

Mia kamiu kumitum̃a kubitii tomu na jum̃alo yauo napano abe talim̃asa ajibe ka tena miagiago ga tai. Mia kamiu kuvisidomii vonio. ?Kulo be nalo na m̃a aju amijil kamiu vururu napano m̃a aju abur kamiu kuba komeli? ?A bunu kei nalo napano ajum̃a amiolua kamiu ea sio novo na tortoru napano m̃a Atua midu joa kamiu? Nina maka ve tomu nalo napano jum̃alo beteauo abe talim̃asa, mia nina tomu nalo napano be kialo saba telabo.

Taitas 2:3

Tiramoruo nalo bunu kialo iliano tealo jibe nei ju, ber monoka avujo ka bajago na abatove ka Atua, nalo maka atu ail vova tanea vio van nalo dolu, a jidomiano ka amun uei na jikili maka rivakar m̃elealo. Im̃auano napano bo ka ala naio tibe na, monoka averloglog ka nalo dolu tenalo venia na bo ka aim̃aukanio.

Taitas 1:8

A ver tibe na, mia navurim̃ara-boiano kiano meuliano naio monoka mia tum̃abe? Bo ka naio vitikar valauo nalo ea kunuano, bija bajago novo nalo dolu na jibe nei. Bo ka naio rivuru vatitig im̃auano nalo, naio be masou laka, kiano jidomiano meravo bo, a naio jilanvuu bo ka kiano meuliano.

1Tesa 4:8

Tibe na, toro napano maka tinien saaro ka verloglogiano nalo nei, naio monoka rivitilubario ka maka toro kiano iliano ga na naio jo bukular, a naio jo bukular Atua kiano iliano ga na, nina napano midu kiano Niununo joa kito, napano naio be Niununo napano be Lu.

1 Korin 7:9

Ana ver tealo aialio aver makanio, mia sikili laka ka nalo ka avokarlo tulaka tibe na bogo nonovio, mia bo ga na, bo lie ka aleal tai napano amijikia asoro kanio. Maka rivu ka jukujukuano to serlo rivano-o atu ajog rivova tulaka.

1 Korin 7:5

Jibe na, tai monoka tukovio re ka dolu rimei re vaataro kanio. Ee, p̃eli bogo tai ave juo averiio, ajamo ka mia atuvanlo, abe juo maka amon vio takurano ea bogo ve telisu, ka rila amijikia abolkouo sikili rivior vite tai beamu, a nina naio bo ga. Mia iorou, ave juo monoka asaaro ka amei vio takurano bereio, bior napano ver makanio, p̃eli Sim̃aro bitilubar napano tai melukluku, maka bunu rijikia rivokar naio, ana mila mijoru ea jukujukuano ea vio tai.

Jone 6:70

Ana Yesu berdop̃e, naio berinavo “Nao, kiniou nebijauia bulag kamiu duelimo ba juo [12] na be kanaku, ka kamiu kumonea kiniou tibe na, mia iviso bure kamiu, kamiu tai naio be sim̃aro memedu.”

Luka 16:14

Ana na ea bogo na, Varisis nalo bunu aju kiano vo, ajum̃a amiagago ka iliano nalo nei. Mia nalo abe tomu nam̃a tiniel jii m̃elea puruveru toru bogo nonovio, naruei nalo abital lelan ga m̃arabo novo nalo na im̃auano bija puruveru napano Yesu berial ban kiano naiagagoano nalo.

Luka 10:16

A Yesu ber bunu ka nalo, berinavo “Toro napano verenio ka mia naio rudukar kamiu, naio jo midukar kiniou, a ver toro napano maka sidom kamiu, naio jo maka sidom kiniou, a ver toro na maka sidom kiniou jibe na, naio jo maka sidom toro na toru napano naio miila kiniou nebinimei.” Naruei bija iliano na, Yesu miila kiano naiolioluano nalo abatavio ka ala im̃auano.

2 Pitere 2:19

Kanalo meuliano jo yetano ka moroano na toro na toru nalaiano na kariano kanano ruei, ana jum̃abe ajum̃a amila sibilili tomu nalo ka aver atakisorlo, mia aleal meuliano na bo? Maka rijikia tibe na, bior napano moroano na jum̃abe naio jo be tubo ka kanamo meuliano, mia jau kobe kanano toro na im̃auano kiana, javukia nalo na, napano vonganei abinimei ajibe ka tomu na im̃auano na moroano na kariano kanano ruei.

Romo 1:29

Amila jibe na banbano komial kialo meuliano binimei bujo ka bajago nonovio na lakorov tuboiano, bija vovaiano nalo, jokoluolu nalo, bija sidomvaiano ea kulo dolu nalo. Amijoku, amuebinvin tomu nalo am̃arm̃aro, abilvilialo, amila sibi, ajerm̃i ka kulo dolu nalo, aberveriilo,