2 Timoti 2:13 - Verikariano Vou Na Baki

¹³ a verver ralaluv kito rojoru, mia naio to rivokar kito sikili to, bior naio midular kito be kiano, ana naio maka rijikia rila sibi, naiomaka rijikia rivuklar kito bereio.”

2 Timoti 2:13 ပူးပေါင်းရင်းမြစ်များ

Romo 3:3

Be riano ka kiado tomu tealo nalo maka amonmonea Atua kiano iliano nalo nei, naruei vikadeniano naio jo ber jibe nei, p̃eli mia Atua maka bunu riilivu ka kito tibe napano naio berkar ka rilaio? A makanio, maka tibe na. Be iakurano napano tealo nalo maka avokar vatitig Atua kiano iliano, mia Atua maka rijikia leleio tuvan bogo tai kiano verikariano na ban kito.

Taitas 1:2

a mia amijikia avokar meuliano napano maka rijikia ribisi bogo tai. Kiado jidomiano ju jikili ruei ka mia kito rovakar meuliano na, kar napano Atua berkar nua beamu ka mia naio rila tibe na, a romijikia ka naio maka leleio rila sibi bogo tai.

2Tesa 3:3

Remijikia ka remijikia ravarkar tiniedo ea Tubo bogo nonovio, ana be iakurano p̃eli Parinio Toro Va na naio jidom rila venia ka kito, a nomonea ka Tubo mia rila kito resikili vatitigio rivu, mia vitikar kito rivu laka.

1Tesa 5:24

Naio napano bio bulag kamiu, naio be viekouoiano riano, a mia naio rim̃auka tibe na ga rivano.

1 Korin 1:9

Atua berkar ruei ka riviekokoa kito, mia romijikia rovarkar tiniedo rivu ea kiano iliano nei, bior napano naio bio kito, midu kito miasol kito robe bilbilu novo nalo bija kenerinio, kiado Tubo Yesu Kristo.

Abe Kulo Ju 6:18

Atua kiano verikariano ka kito jibe na naio bo, naio jikili ruei, bior naio maka rila sibi bogo tai, kiano iliano maka rijikia rive dolu bogo tai, mia mave ka kiano verikariano, berkar bija siano lu bereio. Ana vite juo nei, kiano verikariano bija siano, naljuo amim̃au biju ka rila kito rotumolu rotu sikili ea kiano iliano. Kito roburo den vio na bova nanua m̃a rojujua mugaruei, rojum̃a rojiravo vio na tolukuano, naruei Atua kiano verikariano na bo nalo amila kiado jidomiano rimei rive tebievi rivu. Tibena mia kito romijikia rava rovokar vatitig rivu vio novo nei napano Atua naio mila batitigio bo midu jo kamu ea mirado.

Mataiu 24:35

Mia tiniabene a yetemeriba ave juo bunu ava kovio, mia kanaku m̃ariliano nalo maka ajikia ava kovio bogo tai leleio.

Romo 9:6

Nina nalo napano maka aiasol rivu vija Kristo, a p̃eli tomu tealo nalo aber p̃eli vite nene mila ka verikariano napano Atua jian beamu maka bunu riyotuba tibe napano naio berenio, bior ka naio berkar ber mia kiano ilivuiano toa tomu nonovio na yati na Ju nalo. Mia maka tibe na, bior todolu tai, napano ban jibe na, ka nalo napano amiyotuba ea Yakovo kiano yati, napano robio ka kulo Israel, maka nalo aviniu napano Atua ber ka nalo ave kiano tomu nalo riano.