2 Timoti 1:8 - Verikariano Vou Na Baki

⁸ Verver be riano ka Niununo nei naio joa kiamo meuliano, jau koimou leleio re ka koverial Tubo kiano Ioluano van tomu nalo, a koimou re ka koverial kalo ka be riano, ka jau kobe kiaku bilbilu novo tai. Nalo abuku kiniou ea yimo na tetavokoiano bior kiano im̃auano, mia koimou re ka kiniou kanio. Vite na mia kala, mia jau monoka tiniemo saaro vija kiniou rivior jogvaiano na Ioluano Vou, rivanvano-o rivokar venia na Atua kiano moroano milaso kobe verare ka koim̃aukanio.

2 Timoti 1:8 ပူးပေါင်းရင်းမြစ်များ

Romo 1:16

Ioluano Vou nei, naio be m̃arabo takurano ga napano Atua kanano moroano jo mim̃au eaio ka ridu ioruriano riyotuba ea tomu nalo, mila na maka noimou leleio ka neverialio bogo nonovio. Ioluano nei naio miyotuba ea kito kulo Ju beamu, karina naio ba tavio ea nalo napano maka ave kulo Ju, naruei toro kei napano rimoneaio, mia rileal meuliano eaio.

Yesu Kristo Kiano Ioluano Vou Napano MAK Bivitauiaio 8:38

Tomu nalo miroano ea taara na vonganei nalo amila kariano, nalo maka leleio ave riano ea Atua, nalo abova laka, a nalo amimou ka tomu dolu nalo bior kiniou bija kiaku iliano. Ana iorou mia Kulorinio Kenerinio rimei bereio, naio vija kiano nailiano lu nalo, vija karam̃ano kiano mermerano, a bogo na amei, ver toro mimou ka naio vonganei, mia naio bunu rimou ka toro nene.”

2 Timoti 4:5

Mia jau monoka tibe na re, a kala kiamo jidomiano to melumu ga, kovokarso ea bogokouo, kala kiamo im̃auano ka koioliolu ka Ioluano Vou, a koim̃au takii venia na Atua bioso ka koim̃aukanio.

Navisip̃eiano 12:11

Namoneano nalo miroano maka bunu asidomial kanalo meuliano, nalo maka amerou ka m̃ariano, mia aju jikili dam̃ariga ba bokar bogo na ajovulu toro na bova neibano, ana venia napano abokar ka jum̃alo ka ala mira vijaio, naio be burukija na Nunu Solbouo ga, bija iliano nalo na averial kanalo moneano ea Yesu.

2 Timoti 2:9

a nina Ioluano Vou na nobokar jogvaiano toru kario ea vio na, nina mila na vonganei amiorkar niabeku nalo ka m̃arimieni nalo, jibe ka kiniou nebe toro tai na bova na lakoroviano na tuboiano nalo. Mia be titai napano tomu nalo maka ajikia aiorkario, naio be Atua kiano iliano lu, ka naio jo kia jaluvo ba maka ajikia atukovio kanio.

2 Timoti 1:12

Kiaku im̃auano nei naruei mila na kiniou nojo nabar bogo nalo napano jikirkili joomo ea yimo na tetavokoiano nei kanio, mia naio bo ga, naio maka ve titai ea kiniou. Maka noimou, bior nemijikia ka naina nomoneaio, naio be riano, a kiaku moneano ea naio jikili vatitigio ka venia na nomidu joa jum̃ano, mia naio bokar vatitigio vokar bogoti na maaro.

Eveso 3:1

Mia ka vite nalo napano neberenio ruei, kiniou Pol, nojo nobolkouo ban Atua bior kamiu. Mia vonganei nojoa yimo na tetavokoiano, bior nojom̃a nemila im̃auano napano Kristo Yesu kiano ban nalo napano maka ave kulo Ju, jibe ka kamiu, mia nojom̃a nobolkouo kia ga vo ka kamiu ban Atua.

Vilip 3:10

!Ver namijikia nejikia vatitig naio ga rivu, vija Atua kanano burum̃ara moroano napano mila naio meul bereio den m̃ariano, mia naio rivu mia! Kiniou najaaro ka navar burovuron jogvaiano na m̃a naio bario, mia ver kiniou nejikia rivare ka mia nam̃aro ea m̃ariano tai na jibe ka kanano m̃ariano, mia naial rivu laka van kiniou.

Luka 9:26

“Toro nam̃a mimou ka kulo dolu nalo miralo bior kiniou p̃eli bior kanaku iliano, mia kiniou Kulorinio Kenerinio, mia kiniou bunu noimou ea Atua mirano rivior toro nene, ea bogo napano mia nemei bereio eaio, napano mia nemei vija burum̃ara mermerano napano kanaku, a napano be karam̃aku kanano, a napano be nailiano lu nalo kanalo.

2 Timoti 1:16

Mia kuruado novo nei Onesiporas, naio mila bo laka. Be iakurano ka nalo amiorkar kiniou ka m̃arimieni nalo na lakoiano nei, mia naio maka rimou ka rimei riyotuba ka kiniou, naio bitikar kiniou ea saba nalo miroano, ana nobolkouo ban Tubo ka naio rilivu ka naio rive toru rivija kiano bajulukuti nalo.

Eveso 4:1

Jibe ka kiniou nojoa yimo na tetavokoiano, bior kiado Tubo kiano im̃auano, nejikili ka kamiu, ka kenemiu meuliano nalo monoka rimemedu ka bajago nalo napano Atua naio bio kamiu kanio, mia kamiu kuviel eaio.

Navisip̃eiano 1:9

Kiaku bilbilu nalo, kiniou Jone nebe kuruemiu tormoruo, napano neberial vite nalo nei ban kamiu. Nojidom neverial van kamiu bior kito naruei napano robe Yesu kiano, ktio naruei rojutano ka kiano tuboiano, kito naruei rojum̃a rabar bitiran jogvaiano na bogokouo nei, ana kito naruei rojum̃a rojam̃ikar kito bija jidomiano na tebievi. Mo kanaku tukunuano naio ban jibe nei, berenio nua beamu kiniou nojom̃a neberial Atua kanano iliano, nojo nomioliolu ka Yesu Kristo banbano na kulo Romo amije vironiano ban kiniou, amila kiniou nebinimei nomim̃au kurano ea uleule na telisu nei, siano Patimos.

M̃esi Napano JUT Bivitauiaio 1:24

Kito ravamenea Atua, ka napano naio mijikia rivokar batitig kito ka mia rojoru re, rivan rivano-o naio rivuru kito rava rotumolu rotu ea kanano mermerano lu, napano kanado meuliano naio meravo bo ea mirano, mia rovokar burum̃ara jogvuiano.

1 Pitere 1:5

Vite nei kito maka rovokar vo, mia romonea Atua ka mia kanano moroano toko batitig kito, rivokar vatitig kito rivan riva rivokar legiano na maaro. Ana ka bogo na, mia naio rivetavo ea mirano kulo dolu nalo ka rilarur kito.

2 Timoti 2:3

Kito tomu nalo na mira na Kristo Yesu kanano, mia kito rove terakurano, kanado bogo napano monoka roviviuo vija bogokouo to. Mia ver vonganei kiamo bogo, jau kajamo ka ga tibe ka togio na kiamo im̃auano tai.

1Tesa 3:4

A verver kumitu tiniemiu maio ka kia ga vo, kumijikia bogo na kumemi numitu bija kamiu, numitu nuberial bogo nonovio ka kamiu nuber numial ruei ka mia vesiou re, ana mia monoka ala vova ka kito. A vonganei, tenalo nei miyotuba jibe na ga ruei, na kamiu naruei kumitu kubokar toru laka.

Vilip 1:7

Tibe na naruei ana kamiu kuvialio ka kiniou nojo nojidomii kamiu toru, mia nomialio ka nina naio memedu ga, bior kito raba jouro vio takurano ea Atua kanano tiniememiano ruei, naruei kamiu kitoliko ruei ea vite miroano, ea bogo na bo a bogo na bova. Vonganei, kiniou nobokar batitig kamiu kumitu jouro ea kiniou, naruei mila na vonganei na nojoa nalakoiano, naio javukia na kam liko kiniou. Mia ver avuru kiniou nava komeli ka ail van kiniou rivior Ioluano Vou na bo na nojom̃a neberialio, mia kam bunu kuvitu vija kiniou keano vo.

Eveso 3:13

Tenene na, kiniou nojo nobika jikili den kamiu, nober bo ka kamiu tiniemiu rijoru re rivatove bogo tai, napano kumijog bova toru ea kiniou ea jaleleano nalo napano nojom̃a nabokario bior kamiu ea yimo na tetavokoiano nei, napano ajum̃a amilavon kiniou toru. Saba nalo nei, nalo abe tena rijai kamiu ka mia kuvokar mermerano na Atua kiano.

Romo 16:25

Vonganei ea kiaku iliano maariano, nejidom nedular bereio ilivuiano nonovio nalo van Atua. Nobolkouo ka mia naio ridu iliano nalo na Ioluano Vou, vija verloglogiano nalo novo napano aberii Yesu Kristo napano nejian ban kamiu ruei, ridu vatitig tua kenemiu meuliano nalo, ka kuvijikia kuvitu sikili ea bogoti napano ju binimei. Ilirianiano novo nalo na, tomu nalo maka ajikiaio ea yuka miroano napano barlaka ruei, mia vonganei ga Atua berialio ka kito.

1 Jone 4:14

Ana robitilubar bunu ka be riano ga ka Atua Teta naio miila kenerinio nene naio binimei ka rive ioruriano na yetemeriba nei, jibe ka na romial ruei ka mirado a bunu ka na m̃a rojum̃a roberial janea vio nonovio.

2 Timoti 4:17

Ea bogo na, Tubo naio takurano bija kiniou, mia nomijog jibe naio midu moroano toru ban kiniou, ana nejikili ka neberial vite nonovio na Ioluano Vou ea tomu nalo miralo, mila taara na nalo napano maka amonea Atua amijog. Ea bogo na, be riano, kiniou nojo joomo ea niono laeon ruei, mia naio midular kiniou denio bereio.

Vilip 4:13

Tibe na, vonganei namial jibe nemijikia notovulu vite nonovio napano mijikia rimei ea kiniou, naina ea burum̃ara moroano na Kristo naio jo mila nejikili eaio.

Romo 9:33

Iliano tai joa niosi na Aisea bereio, napano Atua berial jamerijiano tai, napano berii burupati puruveru tai, ana puruveru nene be Yesu, jibe Naverikariano napano Atua miila naio binimei. Iliano nene beriio jibe napano tomu tealo maka asidom puruveru nene, mia tealo amoneaio, ana naio ber jibe nei, berinavo “Kamiu kubitii batitigio! Nojo nebitirilar puruveru novo tai na yimo burupati, nina mave ea burusuku na Saion ea kiaku tomu nalo kialo burum̃ara komeli na Yerusalemo. Puruveru nene jikili bo, ana mia tomu ve telabo asidomio re, nalo jaalo je puruveru nene bano amijorjoru janea vio. Mia tomu nalo napano amonea puruveru nene, nalo aju jikili eaio, mia nala rivu laka kalo.” Aisaia 8:14, 28:16

Im̃auano 5:41

Ana atevi nalo aba tavio den burum̃ara komeli nei, mia nalo maka ajog rivova, amijog bo laka ga bior ka Atua naio mialo abe verare ka avokar imouiano ea tomu nalo miralo, kario Yesu siano.

Navisip̃eiano 19:10

Mia nomijog naio mil jibe na ban kiniou, neminie tano kanio, nojidom nolotu vanio, mia naio berbureio. Naio berinavo “To, jau kala re tibe na van kiniou! Jau monoka kolotu van Atua naio ve takurano ga. Kiniou nebe toro na kanano im̃auano ga, nejibeso ga, nejibe bunu kuruamo dolu nalo napano m̃a aju jikili ea Yesu kanano ilirianiano. A bo laka ka napano kamiu kumitum̃a kumila jibe na, bior ka napano burupati nioti na visip̃eiano nonovio na be riano napano aberial beamu binimei, naio be Yesu ga na, bija kanano ilirianiano napano kamiu kumitum̃a kubokar jikili.”

Navisip̃eiano 1:2

Jone naio mial nailiano nene bisi, naruei naio bitilubar ka naina be Atua kanano iliano riano, be iliano na be riano tai memedu ka aver visivisii venia napano mia Yesu Kristo naio rim̃auka iorou, mila na naio bivitauia bulagio vatitig bo jua niosi nei vite nonovio napano naio mialio, ka kito na iorou romijikia rovulukuio.

1 Korin 1:6

Bogo napano nemial tena, nemialio jibe napano kiaku im̃auano nalo re nua na, napano neberloglog Kristo ka kamiu, vonganei naio jo bar m̃arati toru.

Jone 19:35

Naruei vite nei naio be riano laka, bior ka napano kiniou namial ka miraku. Nomijikia ka be riano, ana neberial ka kamiu, naruei kamiu bunu kumijikia kumonea ka vite nei naio be riano ga.

Kolosia 1:24

Vonganei kiniou nojo nomijog jaleleano ea mokotenaku bior kamiu, mia najaaro ga kanio. Nina jibe ka napano nojo nomim̃au nonovio kanio ea jogvaiano na mokotenaku nalo, napano Kristo ber lua ka mia navario, jibe ka ga napano naio bario ruei, ka najai taara na namoneano nalo ka atu sikili.

Eveso 4:17

Ea kiado Tubo siano, nejikili ka kamiu bereio, ka kamiu kuvitikar kamiu, mia kuvitakii re bunu bajago napano nalo na maka amonea Atua. Nalo na, kialo jidomiano kirivova ruei, a be m̃adati ruei,

2 Korin 6:7

napano nuberial iliano nalo napano maka ave sibiano, napano numim̃au ea Atua kiano moroano, a napano ea jumememi nalo, ea vameruo a vamali, nubokar vite nalo na mira ka rila memeduano tovulu nonio vovaiano.

Romo 8:36

Nina jibe na Parinio Tubo Teviti berenio beamu, ea bogo napano naio bunu bar bogokouo, napano ber “Siamo joa kumemi, ana nalo aju ajidom auebinvin kumemi num̃arm̃aro bogo nonovio ga, nalo amial kumemi jibe nunu nalo napano ajil bulaglo ka ativi bulag tilijolo.” Iouano 44:22

Jone 15:27

ana iorou, mia kamiu bunu monoka kuverial kiniou ta bunu van kulo dolu nalo. Nina bior kamiu naruei kitoliko dam̃ariga jikar ea tikariano na kanaku im̃auano binimei bokar vonganei.”

1 Timoti 2:6

napano naio binimei be toro, karna naio mijamo ka kiano meuliano bereio, midu jeleig kito, bul bulag tomu nonovio na yetemeriba den toro na bova jum̃ano. Im̃auano nei napano Yesu naio mim̃aukanio, naio mila Atua kanano verikariano nalo na beamu abinimei abe riano, amaluvo ea bogo nene memedu,

Kolosia 1:11

Kumemi juo nubolkouo ka mia Atua kanano moroano na toru rila kamiu kuvokar moroano bunu, ka mia kumijikia kuvitumolu kuvitu sikili ea bogokouo, a mia kenemiu iviso nalo amijikia ave tebievi, a asaaro ga ka bogo nalo na tibe na.

2 Timoti 1:10

Mia tiniememiano nene jo jibe na banbano bokar vonganei kia navo, napano naio binimei miyotuba ea yetemeriba, maluvo ea mirado jelea kiado naioruriano Kristo Yesu. Naio binimei ea yetemeriba, naio mila nonovio moroano na m̃ariano binimei be tekurano tai, a kiano Ioluano Vou mila napano bogo na rojua yetemeriba kia navo, remijikia rejev meuliano na bo. A mila ka iorou, ana mia romijikia rava jouro bunu ea meuliano na mia maka rijikia ribisi bogo tai.

2 Timoti 2:8

Ana nana monoka jau kosidomii loa kanio bogo nonovio, naio be Yesu Kristo. Naio miyotuba ea vio yetemeriba, miyotuba ea Tormoruo Parinio Tubo Teviti kiano yati, a iorou, amuebinio, karina naio meul bereio, jibe napano Ioluano Vou berenio. Nina Ioluano Vou napano nojo nomioliolu kanio,